ثرموستات مروحة الرادياتير

[a_samy]

أنا عاوز حد يفيدنى ويقولى ايه فايدة ثرموستات الكوعه او مروحة الرادياتير اللى موجوده فى العربيه وأعتقد فى كل العربيات الجديده.
وهل ليها فايده فى بلدنا ولا دى بس للبلاد البارده؟

[mohmok]

أنا عاوز حد يفيدنى ويقولى ايه فايدة ثرموستات الكوعه او مروحة الرادياتير اللى موجوده فى العربيه وأعتقد فى كل العربيات الجديده.

وهل ليها فايده فى بلدنا ولا دى بس للبلاد البارده؟

بعد التحيه
ثرموستات الكوع هو صمام مسئول عن غلق مسار المياة و تحويل دائرة التبريد الى دورة مغلقة داخل الموتور و لا تصل الى الريداتير لكى تصل درجة حرارة الموتور الى الدرجة المثالية للتشغيل فى وقت قصر و مع ارتفاع درجة الحرارة و حتى لا تزيد الحرارة عن اللازم يفتح الصمام لتبدأ دورة التبريد فى العمل و هو مفيد و مؤثر فى الشتاء و خاصة ليلا مع السرعات العالية
اما المراوح فدورها هو التبريد اذا ارتفعت درجة الحرارة عن الدرجة المثالية و الصمام فى وضع مفتوح
اذن كل من ثرموستات الكوع و مراوح التبريد هى اجزاء مهمة للحفاظ على درجة حرارة التشغيل للموتور فى وضع نموذجى

[aldesha989]

لا طبعآ ليها فايده كبيره جدآ

اولآ العربيه لو مافيهاش الثرموستات العربيه هتفضل بارده على طول وتستهلك بنزين كتير

ولو المروحه مش موجوده العربيه هتولع منك فى الشارع ومش هتعرف تمشى بيها
كذلك لو الثرموستات موجود ومش شغال او معلق على مفتوح هتفضل بارده ولو معلق على مقفول هتسخن وتبهدلك

الحاجات اللى بتنزل بيها العربيه ما ينفعش انها تتغير لانها مش بتنزل علشان بلاد وبلاد بتنزل علشان كله

بل بالعكس لو هما عاملينها علشان البلاد اللى برا بس اللى هى تلج على طول يبقى كان المفروض ما ينزلوها اصلآ بثرموستات لان اساسآ درجه الحراره عندهم تحت الصفر يعنى هما محتاجين العربيه تبقى سخنه يعنى كانو هيلغو الريدرياتير بقى علشان العربيه تفضل سخنه :d

[sno7y]

المشكله ان المصريين لازم يفتو فى اى حاجه قابلت كذا شخص يقولك الثرموستات الكوع مش مهم او تقابل واحد يقولك لا خليه مفتوح على طول
المفروض فى البلد دى يعملو عقوبه لليفتى فى حاجه ميعرفهاش

[a_samy]

المشكله ان المصريين لازم يفتو فى اى حاجه قابلت كذا شخص يقولك الثرموستات الكوع مش مهم او تقابل واحد يقولك لا خليه مفتوح على طول
المفروض فى البلد دى يعملو عقوبه لليفتى فى حاجه ميعرفهاش

طب وتعمل ايه بقى لما تسمع الكلام ده والإفتاءات دى من مركز معتمد من التوكيل زى مركز عصام وصفا اللى كان عاوزينى أشيل الثرموستات عشان المروحه بتاعت التبريد بتفضل شغاله علطول وهو مش عارف ايه المشكله؟

[a_samy]

انا مش عارف ايه مشكلة مروحة التبريد..بتفضل شغاله علطول ومش بتفصل بسرعه زى الأول..مع انى لما ودتها مركز عصام وصفا قالى ثرموستات الكوعه عاوز يتغير فقلته غيره (مع انى كنت لسه مغيره من سنه تقريبا)ولما غيره مرتين وفضلت المشكله مستمره قالى أغسل دورة التبريد كلها وبعدين نشوف المشكله لسه مستمره ولا لأ.مع العلم ان الرادياتير كان مخروم ولحمته من سنه...فى المركز قالولى ان المشكله فى لحام الرادياتير ولازم يتغير ولما سألت عليه فى التوكيل قالولى ب 2900 جنيه
انا مش عارف اعمل ايه؟

[DESIGNER105]

انا مش عارف ايه مشكلة مروحة التبريد..بتفضل شغاله علطول ومش بتفصل بسرعه زى الأول..مع انى لما ودتها مركز عصام وصفا قالى ثرموستات الكوعه عاوز يتغير فقلته غيره (مع انى كنت لسه مغيره من سنه تقريبا)ولما غيره مرتين وفضلت المشكله مستمره قالى أغسل دورة التبريد كلها وبعدين نشوف المشكله لسه مستمره ولا لأ.مع العلم ان الرادياتير كان مخروم ولحمته من سنه...فى المركز قالولى ان المشكله فى لحام الرادياتير ولازم يتغير ولما سألت عليه فى التوكيل قالولى ب 2900 جنيه
انا مش عارف اعمل ايه؟

بص حضرتك مدام فى مشكله فى الردتير يبقى غيرو احسن وريح دماغك لان مهما كان التصليح فيه بيبقى مؤقت ..بسبب ضغط الماية والحرارة العالية ....وممكن متجبيوش من التوكيل هاتو من بره سعرو 850 جنية بتاع العربية ...وفيه منه صينى ب500 جنيه كمان ..بس سيبك من الصينى هات ابو 850 ده كويس انا جيبو ومركبو عندى وشغال تمام

[a_samy]

بص حضرتك مدام فى مشكله فى الردتير يبقى غيرو احسن وريح دماغك لان مهما كان التصليح فيه بيبقى مؤقت ..بسبب ضغط الماية والحرارة العالية ....وممكن متجبيوش من التوكيل هاتو من بره سعرو 850 جنية بتاع العربية ...وفيه منه صينى ب500 جنيه كمان ..بس سيبك من الصينى هات ابو 850 ده كويس انا جيبو ومركبو عندى وشغال تمام

أجيبو منين أبو 850 ج يا فندم؟