مناقشة بخصوص قواعد الموتور

[eng.m7md.ali]

ازيكم يا رجالة

في ظل الظروف اللي في البلد دي والواحد بقى شبه فاضي

عايزين نتناقش بخصوص قواعد موتور سيارات بروتون

انا شايف قواعد الموتور عمرها مش طويل وبتسبب رعشة في العربية

على سبيل المثال انا عندي قواعد الموتور بدأت احس بالرعشة الجامدة بعد تقريبا سنة - سنة ونص من اول مااشتاريت العربية زيرو وبتزيد طبعا مع التكييف

افتكرت ان انا بس اللي بعاني من المشكلة دي لكن اكتشفت انها موجودة في عربيات بروتون كتير

ومن تجربة واحد صاحبي في جين2 مانوال موديل 2011 جيه بعد سنة تقريبا وحس برعشة جامدة في العربية مع التكييف او من غير تكييف لدرجة ان الطارة بتترعش قدامه زي العربيات القديمة .. ودي بردو كانت بتحصلي

جاري العزيز عربيته موديل 2010 اوتو بردو بعد فترة مش كبير لقى الموضوع زاد عنده لدرجة انه بقى " مزعج " بالنسبة ليه وفي الاخر غير القواعد بعد حوالي سنة او اكتر من اول مااشترى العربية

الخلاصة :-

هل قواعد اللانسر تركب عندنا؟ اعتقد ان المشكلة في خامة الكاوتش ممكن يكون بيتأثر من العوامل الجوية
ممكن كمان بسبب حرارة الموتور اللي بتبقى كبيرة
ممكن يكون لان مواتير بروتون مش ناعمة في المشي؟

سعر القواعد في التوكيل تقريبا 900-1000 جنيه للاتنين .. سعرهم برة مش اصلي ب 150 الواحدة
انا في الاخر جبتهم استيراد بحوالي 300 للاتنين بس شايف انهم كويسين والرعشة تقريبا مش موجودة

[MohammedAladel]

قواعد الموتور معمولة جلد من برا ومعدن من جوا عشان تثبت الموتور وفى نفس الوقت تقلل الاهتزازات وتمنعها من الوصول للمقصورة

يعنى كل ما بتكون القاعدة مصنوعة من خامات محترمة كل ما بيكون عزل العربية أحسن وأداء الموتور أعلى كمان

الحاجات اللى بتأثر على قواعد الموتور تقريبا طول ما العربية شغالة عمر قاعدة الموتور بيقل

فهى تعتبر من الأجزاء الاستهلاكية زيها زى كاوتش العربية بالضبط

الحاجات اللى بتقصر عمرها بسرعة جدا
الكيك داون .... الفرامل الفجائية ... الطلعة الأمريكانى ... أو الطلعة القوية ... التسارع الفجائى وانت ماشى ...يعنى من الآخر امشى بالعربية مشى معقول زود سرعتك بالتدريج عمرها يطول
كمان الفتيس الأوتو ... بمجرد ما بتسيب رجلك من على البنزين عشان تقف بيبتدى ينزل نقلة ورا التانية ودى بتقصر فى عمر شداد الموتور وقاعدة الفتيس بشكل أخص ولكن على المدى البعدي طبعا لأنه كيك داون على خفيف خالص لأن تقريبا سرعة العربية بتكون أعلى حاجة بسيطة من نسبة التخفيض اللى نزلها الفتيس
لكن فى العربية المانيوال بتسيبها واخدة الغيار اللى هى عليها وتهدى وبعدين تمور مش بترجع الغيارات زى الفتيس الأوتو
المطبات الجامدة برضه بتأثر عليها بصورة غير مباشرة

فيه حاجات بقى بتبهدلها جامد

لوالعربية متلتة ماشية 3 سلندر او 2 سلندر بسبب بوجيه أو موبينة فردية بايظة دى بقى بتخلى الموتور يخبط فى القواعد زى ما يكون واحد مجنون و 3 ماسكينه وهو عمال يشد فيهم

عوامل الجو زى ما قلنا قبل كدا بتأثر عليها برضه على المدى البعيد حرارة الموتور نفسه وتسخين وتبريد باستمرار بس هى مصممة لتحمل الظروف دى

طيب لو اتشرخت أو حسيت ان كفاءتها قلت تعمل إيه ؟؟

هتجيب سيليكون عادى أو سيليكون حرارى اللى يعجبك وتعملها بيه هتقلل الاهتزاز بشكل كبير بس مش هتبقى زى الأول طبعا ... وعلى حسب حالتها برضه

خد بالك برضه ان فيه قواعد شكمان جلد برضه بتمسك الشكمان وبتقلل الاهتزازات فى نفس الوقت راجع عليها برضه
سمعت عن سيليكون اسبراى بيترش على الجلد بيطريه ودا حل ممتاز برضه لأنه بيجدد خلايا الجلد ويمنع التشقق قال لى عليه الأستاذ moha4tec منسق قسم كيا ولكنى مجربتوش
أنا كان فيه واحدة بايظة عندى ولحمتها ( قاعدة شكمان )

نفس الكلام تمشيه على قاعدة المساعد او بطاحة المساعد strut bear بس دى بقى بيبقى جلدها أنشف وأقوى
ودى بتتأثر جامد بالمطبات وبتقصر عمرها جامد والطلعة الأمريكانى والفرامل الفجائية برضه

ياريت تشوف الموضوعين دول عشان الصورة تبقى أقرب هى مش بروتون بس الفكرة عامة
www.nilemotors.net/Nile/336959-a.html


نسيت أقول حاجة أى جزء كاوتش عمره الافتراضى لا يزيد عن 5 سنين فى أى حتة فى العربية لازم يتغير !!!!

www.nilemotors.net/Nile/335024-a.html

[eng.m7md.ali]

اشكرك جداً جداً على المعلومات المفيدة دي

بس انا اتأكدت ان قواعد بروتون عمرها مش طويل للاسف زي الكيا او هيونداي وبردو مع الظروف اللي حضرتك حكيت عنها " كيك داون - فرامل مفاجأة .. الخ "

بس ممكن اجيب منين السيليكون سبراي ده ؟

[eng.m7md.ali]

اشكرك جداً جداً على المعلومات المفيدة دي

بس انا اتأكدت ان قواعد بروتون عمرها مش طويل للاسف زي الكيا او هيونداي وبردو مع الظروف اللي حضرتك حكيت عنها " كيك داون - فرامل مفاجأة .. الخ "

بس ممكن اجيب منين السيليكون سبراي ده ؟

[MohammedAladel]

معرفش بيتباع فين بس ممكن تلاقيه فى شارع دمشق شوف فى محل المدينة أو المحلات اللى جنبه هما بيبيعوا الحاجات دى وأكيد القاهرة مليانة محلات فى كل حتة :)

عمرها قصير يبقى خاماتها رديئة

على فكرة المشكلة دى موجودة فى هوندا سيفيك وكانوا بيناقشوها فى موضوع متهيقلى فى الجيل الثامن والقاعدة عندهم غالية تقريبا معدية الألف جنيه على ما أتذكر

بص انت لو لقيت القاعدة مشروخة عندك أو ا بتدت تشقق هات أنبوبة سيليكون وغطيها بيه وسيبها تنشف وركبها هتلاقيها بقت أحسن من الأول السيليكون الأنبوبة ب 7 جنود ( السيلكون الشفاف ال عادى )

أو تعتبرها قطع غيار ودا عمرها ا لافتراضى لانه مفيش طرق تانية تقدر تحميها بيها غير اللى انا قلتهم لك والله اعلم

قرأت ان الأستاذ محمد ممدوح استشارى قسم دايو عملها بالسيليكون برضه

انا برضه حطيت على القاعدة اللى فوق سيليكون عادى كنت فاكرها بايظة بس طلع العيب من الكويلات دلوقتى لازق فيها جامد ومقدرش أخلعه منها !

[eng.m7md.ali]

معرفش بيتباع فين بس ممكن تلاقيه فى شارع دمشق شوف فى محل المدينة أو المحلات اللى جنبه هما بيبيعوا الحاجات دى وأكيد القاهرة مليانة محلات فى كل حتة :)

عمرها قصير يبقى خاماتها رديئة

على فكرة المشكلة دى موجودة فى هوندا سيفيك وكانوا بيناقشوها فى موضوع متهيقلى فى الجيل الثامن والقاعدة عندهم غالية تقريبا معدية الألف جنيه على ما أتذكر

بص انت لو لقيت القاعدة مشروخة عندك أو ا بتدت تشقق هات أنبوبة سيليكون وغطيها بيه وسيبها تنشف وركبها هتلاقيها بقت أحسن من الأول السيليكون الأنبوبة ب 7 جنود ( السيلكون الشفاف ال عادى )

أو تعتبرها قطع غيار ودا عمرها ا لافتراضى لانه مفيش طرق تانية تقدر تحميها بيها غير اللى انا قلتهم لك والله اعلم

قرأت ان الأستاذ محمد ممدوح استشارى قسم دايو عملها بالسيليكون برضه

انا برضه حطيت على القاعدة اللى فوق سيليكون عادى كنت فاكرها بايظة بس طلع العيب من الكويلات دلوقتى لازق فيها جامد ومقدرش أخلعه منها !

حلو اوي

انا غيرتهم خلاص الحمد لله من فترة صغيرة ودول كويسين جداً معايا .. للاسف اللي كانو موجودين مشققين وناشفين اوي

[tamerosman]

هو سبراي السليكون اليي بتكلموا عليه هو wd 40 و لا نوع تاني ...ياريت اسمه او حد يرفع صورة العلبة

[MohammedAladel]

لا لا لا wd40 دا بينضف ويزيت فى نفس الوقت يعن مزيل أوساخ وصدأ وبيسيب زيت فى المكان اللى بيترش فيه... فيه أعضاء قالوا انه بيبوظ الجلد أو الكاوتش !!

[eng.m7md.ali]

هو فعلا بيبوظ الجلد بلاش منه احسن .. وانا هسأل على السيليكون السبراي ده ولو عرفت حاجة هبلغكم

[MohammedAladel]

هو فعلا بيبوظ الجلد بلاش منه احسن .. وانا هسأل على السيليكون السبراي ده ولو عرفت حاجة هبلغكم

السيليكون العادى ممتاز برضه لو فيه قطع فيه طقطقة تشقق لو غطتها بطبقة خفييفة هيحميها برضه من عوامل الجو لفترة أكبر

السيليكون السبراى كنوع من الوقاية بس أنا مجربتوش

[yousefsemsem]

انا عملت حركه مرة بس كان تجربه تمام روحت لمخرطه فكت الجلبه الكوتش وشحطولي وحده تانيه والله لقيتها تمام وموفره لان كنت جايبها ياباني ب35 جنيه وديه برضه ممكن تكون حل عملي للي بيدوخ علي القواعد بس لازم القاعده تتفك علشان تجيب جلبه اد اللي فيها

[Al-Farooq]

كان فى عضو معانا اسمه على عبدو باع الجين 2 بتاعته وكان غير قواعد الموتور ، وكانت متشابهه مع قواعد الكريستالة تقريبا
ممكن نسأله ونعرف بالضبط
aliabdo