لمبة Check Engine نورت

[mshaheen1]

Check Engineياجماعة انا صديقى شارى بروتون بيرسونا 2012

واللمبة Check Engineكل شوية تنوروتطفى لوحدها بعد لما تسيب العربية فترة 30 دقيقة او ساعة على أكثر تقدير ولما روحنا لأسوء توكيل فى مصر عز العرب قالو لنا أن العربية مش مسجلة اى أعطال او عيوب فى الماتور وماخدناش منهم أى عقاب نافع .

بمعنى ان فى حاجة فى العربية بتسجل اذا كانت العربية واجهت اى مشكلة وقالونا ان مافيش حاجة متسجلة انتم بس بيتهيأ لكم !!

أرجو أنكم تفيدونا ايه اللى ممكن يكون مسبب العيب ده

اللمبة ممكن تنور مرة فى شهر على الاقل

[yousefsemsem]

راجع علي فيش الحساسات علشان ده ممكن يكون الفيش بتتهز ولا حاجه لو مكنش كده وفضلت المشكله اطلع علي عصام وصفا

[Black Tone]

عادي اي عربية على فكرة بتعمل الحاجات دي انا صاحبي كان جايب اوكتافيا استعمال خارج وكانت ممكن مرة كل فين وفين تعمل كدة
انا نورت معيا مرة 10 دقايق من ساعة ما جبت العربية ومعملتهاش تاني ......... اي كمبيوتر ساعات بيحصل فيه أخطاء وبيهيس أحيانا وطالما مش بتنور بإستمرار يبقى بيتدلع عليك شوية ولو روحت لأي حد هيقولك لازم تجي بيها منورة عشان احطها ع الكمبيوتر واعرف ايه العطل و كلام هجص وبتاع .... انت ابقى اعمل الايدل ليرن وهتلاقي الكلام ظبط معاك ومتقلقش على ماتورك ابدا طالما بتغير زيت كويس فالميعاد ومش بتحرق كتير ع العربية ومش بتحط بنزين 80 :)

[gadieb]

بص على حساس الهواء الى ورا فبره الموتور ممكن تلاقيه مش راكب كويس بس

[mshaheen1]

ياجماعة الخير
انا عملت كل اللى قلتولى عليه وللأسف العطل زي ماهو بيروح وبيجى واللمبة مازالت بتنور
أرجو منكم المساعدة :(
انا مكتئب للغاية من العطل السخيف ده ...هل ممكن يكون البنزين اللى بيعمل كده فى العربية ؟؟

[a7mad_mo7amad6]

صورها فيديو يباشا اول متظهر ورحوح امسح بكرامتهم الارض
هتلاقي مشكله في ارضي او حاجه

[hugan]

راجع فيشه البوابه
ممكن تكون محتاجه تتثبت صح

[eng.m7md.ali]

غالباً البنزين .. استعمل منضف رشاشات وبنزين من بنزينة محترمة وان شاء الله مش هتتكرر

[ahmedteam]

لمبه تشك بتنور = لازم تعمل سكان

[Al-Farooq]

غير محطة البنزين اللى بتفول منها.

[the_gladeator]

كانت عنديسببها طلمبة البنزين وكنت بروح عصام وصفا يقولي نفس الكلام مفيش مشكلة واللمبه طافيه المهم بالخبرات السابقة وصلت لانها طلمبة البنزين وغيرتها عندهم كانت مكلفاني 1650 بالتركيب لكن الصيني عند المدينة ب 450 بس خايف منها

[mshaheen1]

هى من الواضح انها فعلا طلمبة البنزين لأن العربية بعد نص ساعة مشي لأي مشوار بلاقيها بتنتش وتحس انها ماشية على نفس الغيار ومش بتسحب خالص...بس اللمبة مش بتنور دلوقتي

بس سؤال لحضرتك هي طلمبة البنزين مش بتتغير على الضمان يعنى داخلة في ضمان العربية ولا لأ

وأشكركم كلكم على محاولة مساعدتى

[mshaheen1]

ولما ببطل العربية وأدورها تاني العيب بيختفي

[ahmed_h_g]

على فكره
لازم لما لمبة الأعطال تنور بتسجل خطأ بيتحفظ فى ذاكرة الكنترول حتى لو عرفت المشكله وتم حلها برضه الكنترول بيبقى محتفظ بالخطأ فى الذاكره (فى بعض الأجهزه بيظهر كود والبعض الأخر بيظهر أسم الحساس)
علشان كده لما تروح لمركز صيانه بيركب جهاز كشف أعطال فى العربيه وبيمسح الخطأ وبيعمل بحث جديد
لو ظهر الخطأ مره أخرى يبقى المشكله فى الحساس اللى مسجل خطأ عنده