Gen2 2007 Vs 2008

[ehabspc]

السلام عليكم و رحمة الله

السادة الأخوة الأفاضل ربنا يجازيكم خير على المعلومات التى بتنشروها و المجهود للرد على الأعضاء أمثالى

كنت بس محتاج من حضراتكم أعرف هل فى فرق جوهرى بين 2007 و 2008 لأن معروض عليا موديل 2007 مع واحد صاحبى و حالتها ممتازة

بس كنت اوقات اسمع ان ال Gen 2 بتستهلك بنزين كتير
و سمعت من ناس تانية ان المحرك الجديد اقل استهلاك

يعنى معلش باختصار هوة ايه الفرق بين ال 2007 اللى مع صاحبى
و 2008 اللى موجودة دلوقتى فى المعارض فعلا

يعنى آخد المستعملة لو حالتها كويسة و لا لو فى تغيير الموضوع يستاهل اخد الجديد اللى فى السوق؟؟؟


آسف على الإطالة

أخوكم إيهاب

[tutankhamoun]

السلام عليكم
بالنسبة للفرق ما بين 2007 و 2008
تم تغيير مكان الزر الخاص بفتح الكابوت حيث انه في الموديلات القديمة و حتى 2007 موجود تحت التابلوه عند الراكب بجانب السائق
أما 2008 تم تغيير مكان الزر إلى تحت التابلوه بجانب عجلة القيادة من عند السائق

و أيضا شاشة السي دي ......... لونها أختلف

و ناس بتقول إن صوت الموتور هدي شوية ( سمعت المعلومة دي فقط )
و الموتور بتاع 2007 = موتور 2008

من ناحية إن موتور الجين 2 بيأكل بنزين
دي إشاعة أو كلام ناس مش مجربة
العربية أنا جربتها لمدة 10 شهور و بحسب الإستهلاك يوميا

و حضرتك ممكن تتطلع على الموضوع الخاص بذلك في قسم البروتون

بالنسبة للنصيحة في شراء 2007 أو 2008
ده يتوقف على الفرق في السعر و حالة القديمة
لو الفرق يستاهل و العربية مفيهاش خبطات أو خرابيش و حالتها كويسة
أتكل على الله ووفر الكام ألف الفرق في السعر

[momenhamdy]

فعلاً يا استاذي زي ما بيقول استاذ توت انا معايا العربية 2008 بس اعتقد ان الفرق الاخر البسيط ان الشركة بدأت تهتم اكتر بالتقفيل السيارة و لكن الموتور هو هو و استهلاك البنزين كويس بس انا اليومين دول في العاشر من رمضان و شغال شد علي طريف مصر اسماعلية و مصر السويس فا عامل شغل فا بالتالي في طبعاً سحب و دا بسبب اني سايق سواقة مش هادئة و لكن عندنا في اسكندرية مفيش مشاكل و استهلاك بنزين كويس جداً حتي مع التكييف و لكن لو حالة سيارة زميلك جيدة فتوكل علي الله
و اسف للاطالة