هل البروتون هيطبق عليها قرارت خفظ التجمارك الـ 25%

[tutankhamoun]

أكيد العربيات اللي موجودة في السوق (دفعت بالتعريفة القديمة للجمرك ) و بالتالي لما يبيع .... هايبيع بالسعر الحالي .
ده في حالة أن فيه فعلا تغيير في قيمة الجمارك (لأني اللي فهمته التخفيض على العربيات المحلي - و العربيات المستوردة ذات نظامي الحرق المزدوج غاز و بنزين ) و الله أعلم

[yousefsemsem]

القرار هيتم علي الوارد لسه وفي ناس خالطه بين الجمارك وضريبه الوارد دي حاجه ودي حاجه فبالتالي اصبر للي هيجي لسه اللي موجود في السوف علي قديم لسه ومحدش هيستورد الالما يخلص المخزون

[ahmed1981]

التغيير في جمارك السيارات المستوردة التي تعمل بالكهرباء أو بالغاز الطبيعي بجانب البنزين

لو وكيل البروتون ذكي هيستورد عربيات بروتون راكبلها الغاز الطبيعي وياخد التخفيض
وبروتون بتنتج عربيات غاز بنزين

دا راجع لسياسة الوكيل

أنا شخصياً كنت راسلت شركة أوبل في 210 متسائلاً عن سبب عدم وجود موديلاتهم المصممة للعمل بالغاز الطبيعي في مصر
والجميل إن حتى الموتور مصمم للغاز فبيعطي أفضل أداء

وكان ردهم إنهم بيعملوا دراسة للأمر

[Gexo]

القرار هيتم علي الوارد لسه وفي ناس خالطه بين الجمارك وضريبه الوارد دي حاجه ودي حاجه فبالتالي اصبر للي هيجي لسه اللي موجود في السوف علي قديم لسه ومحدش هيستورد الالما يخلص المخزون

طيب المفروض لما اكون عايز استفسر عن الحاجات دي اكلم مين ولا اعرف من مين...مشكلتنا في مصر القرارات المبهمه دي ويسيبونا احنا نحط الف تفسير

[yousefsemsem]

شوف حد في الجمارك او استخلاص واردات او استيراد واسال وهتعرف كويس وهيفودوك اكتر

[shshtawy]

القرار هيتم علي الوارد لسه وفي ناس خالطه بين الجمارك وضريبه الوارد دي حاجه ودي حاجه فبالتالي اصبر للي هيجي لسه اللي موجود في السوف علي قديم لسه ومحدش هيستورد الالما يخلص المخزون

انا كده كده ان شاء الله قدامى شهرين عقبال ماابيع عربيتى وكمل باقى مقدم الجين فا ان شاء الله هتكون الرؤية واضحت

[shshtawy]

مفيش برده اى اخبار عن التخفيض هيطق على ايه بالضبط
الناس كلها متحبطه بسبب القرارات دى بس مش عارف ايه الى هيعملوة التجار والتوكيلان
بس انا اعتقد ان مفيش حاجة هتتغير لا بتخفيض الجمارك ولا حتى لو الدولار نزل لان مش معقول واحد تاجر اشترى العربية بـ 100 الف . والدولار غالى ولما الدولار هينزل هيبعها بـ 90 دا لو فرضنا ان الدولار نزل والاحوال استقرت معتقدش ان دا هيحصل ولا هل فى معاير بتطق انا مش فاهمها
لو حد فاهم حاجة يفهمنى

[aliabdo]

القرار من الاخر ملوش اى علاقه بالعربيات الى فى السوق عندنا و للاسف الشديد عندنا الى سعره بيزيد مش بيقل تانى ابدا ربنا يرحمنا الجين تو بقت ب 110 يعنى زادت 15 الف

[shshtawy]

هما كده هيخلوا الناس تعزف عن شراء الجين 2 منهم لله

[Gexo]

القرار مختص بالعربيات المستورده اللي بتشتغل بنظام الغاز بس
الكلام دا نزل في الاهرام للسيارات

[shshtawy]

مقال فى جريدة الوطن عن الوضوع بتاع التخفيض
تباينت ردود الفعل بعد إصدار القرار الجمهورى رقم 184 لسنة 2013 الخاص بتخفيض الجمارك على السيارات التى تعمل بالبنزين والكهرباء معا، التى يطلق عليها الهايبرد «الهجين»، والسيارات التى تعمل بالغاز، والتخفيض الخاص على المكونات المستوردة التى تدخل فى التصنيع النهائى للسيارة، التى يجرى تصنيعها فى المصانع المصرية.
وقال خبراء السيارات: إن تخفيض الجمارك خطوة جيدة لدخول السيارات الهجينة لمصر فى مواكبة الاتجاه العالمى فى صناعة السيارات، لمميزاتها العديدة، فهى تخفض من استهلاك الوقود، وأيضاً سيارة مصاحبة للبيئة، لأنها تقلل الانبعاثات الضارة من عادم السيارة الذى يسبب التلوث.
وقال على توفيق، رئيس رابطة مصنعى السيارت، إن قرار تخفيض الجمارك على المكونات المستوردة هو قرار صائب وينشط الصناعات المغذية للسيارات فى مصر، لأنه كلما زادت نسبة المكون المحلى فى السيارة المجمعة فى مصر، زادت نسبة التخفيض على المكونات المستوردة، ما يصب فى مصلحة المستهلك بالنزول فى الأسعار مع الحفاظ على الجودة، وهو ما يوجد منافسة قوية بين الصناعات المغذية المصرية والمستوردة.
وقالت غادة أبوالفتوح، عضو مجلس إدارة ورئيس قطاع التسويق بمجموعة أبوالفتوح، إن قرار تخفيض الجمارك على المكونات المستوردة الداخلة فى تصنيع السيارات هو قرار جيد، فهو يشجع ويحمى الصناعة المحلية، ويحافظ على المصانع المصرية، فضلاً عن خلق فرص عمل جديدة، ويزيد أيضاً من فرص الاستثمار، لأنه يوجد فى مصر إمكانيات وخبرات وأيدٍ عاملة محترفة، من الممكن أن تصنع مكونات بنفس جودة المنتجات المستوردة بل أفضل منها.
وأضافت: إن التخفيض على السيارات «الهايبرد» هو شىء جيد، لأن صناعة السيارت فى الدول المتقدمة تسير فى اتجاه السيارات الموفرة فى استهلاك الوقود وأيضاً صديقة للبيئة. وأشارت إلى أنها تتمنى انتشار تلك النوعية من السيارات، فى ظل ارتفاع أسعار الوقود والأزمات المتكررة.
وقال المهندس محمد ريان، نائب رئيس مجلس إدارة المصرية للسيارات: إن سوق السيارات تعانى منذ فترة بسبب الأزمات المتلاحقة، منها الدولار والحالة الأمنية، وتردد المستهلك فى قرار الشراء.
وعن قرار التخفيض على السيارات الهجين، قال ريان إنه مع وجود قرارات تشجيعية مثل تلك، ويجب أن تكون هناك حملات لتعريف المستهلك ما فائدة السيارات الهجين، وما الاختلاف بينها وبين السيارات العادية، ومدى قدرتها فى توفيرها للوقود والتقليل من الانبعاثات الضارة بالبيئة، لأن المستهلك المصرى دائما يساوره القلق عند استخدام تكنولوجيا جديدة، خصوصا فى السيارات.
فى سياق متصل، أثار قرار الرئيس ردود فعل سلبية داخل السوق المصرية للسيارات، فرأى بعض التجار أن القرار أحدث بلبلة فى سوق السيارات وشللاً فى حركة المبيعات نتيجة الفهم الخاطئ لدى بعض المستهلكين الذين اعتقدوا أن أسعار السيارات انخفضت 25%.
وقالوا: إن بعض المستهلكين يرون أن قرار التخفيض لن يحدث جديدا فى أسعار السيارات، التى ارتفعت بشكل مبالغ فيه الفترة الماضية، وكان من الأولى أن يجرى التخفيض على سيارات الركوب العادية من الفئات الصغيرة وليست الهجين، خصوصا فى ظل عدم وجود وسائل مواصلات جيدة ومحترمة.
ومن المعروف أن شركة تويوتا إيجيبت هى الوحيدة فى مصر التى لديها سيارة هايبرد وهى بريوس سى، وأن القرار سيعمل على تشجيع شركات السيارات العاملة فى مصر على استيرادها وبيعها فى السوق المصرية.