تجربه تغير الجنوط الاسبور باخرى حديد

[mada3030]

كلام سليم
لو الجنوط الاصلية عندك كانت 15 و انت جبت جنط 15 حديد يبقى انت كدة معملتش حاجة ف العفشة اللى انت حاسس بيه دا عشان الكاوتش الجديد مش اكتر او ممكن يكون الموضوع نفسى مش اكتر
احسنلك كنت اشتريت جنط 15 ماركة محترمة اخف من اللى بينزل مع العربية

اولا اشكرك على مشاركتك ورايك
انا الجنط كان 16 ونزلت لجنط 15 وحضرتك اقرا مشاركتى اللى تحت هتعرف انا عملت ايه

[mada3030]

الف مبروك بس جبتهم منين قولى

محل فى المعادى فى شارع الجزائر

[eng.m7md.ali]

اولا صباح الخير واسف للتاخير فى الرد علشان كنت مسافر
مبدئيا انا بحترم وجهه نظرك تماما
بس تعالى نحسبها
اولا ايه الماده الخام للجنوط الاسبور على حد علمى من ماده شبيهه بالامونيوم (انتمنيوم )
انما الجنوط الحديد معموله من الحديد
مرونه الجنوط الاسبور اقل بكتير اوى من الجنط الحديد فتعالى نحسب لما انت بتاخد نقره او مطب (صدمه ) بتروح للجنط والجنط درجه مقاومته عاليه وبعد كده برتروح للمساعد اللى بيمتص الجزء الكبير منها المساعد واللى باقى بيرد تانى على تحت (زى موضوع الشوكه الرنانه )
انما لو الجنط حديد هو مرونه اعلى بكتير فهيقى صمام امان لامتصاص الصدمه
معلش انا مش بعرف اعبر كويس يارب تكون فهمتنى
وارد يكون نظريتى صح ووارد تكون غلط

وجهة نظر تحترم طبعا :)

بس لو الواحد كان حريص في سواقته اكيد ممكن يتغاضى عن العيب ده ويركز في المميزات :)

بس لعلمك انا كانت العربية بجنوط 15 حديد وركبت بدالهم 16 سبور .. الاسبور احسن في المميزات اللي قولت لحضرتك عليها + انه مش سهل انه يتني زي ماحضرتك فاكر .. بالعكس ده اتبهدل زي الحديد الاصلي والنتيجة ان الحديد اللي كان عندي ملووح ومتبهدل جداً

[mada3030]

وجهة نظر تحترم طبعا :)

بس لو الواحد كان حريص في سواقته اكيد ممكن يتغاضى عن العيب ده ويركز في المميزات :)

بس لعلمك انا كانت العربية بجنوط 15 حديد وركبت بدالهم 16 سبور .. الاسبور احسن في المميزات اللي قولت لحضرتك عليها + انه مش سهل انه يتني زي ماحضرتك فاكر .. بالعكس ده اتبهدل زي الحديد الاصلي والنتيجة ان الحديد اللي كان عندي ملووح ومتبهدل جداً

والله يا باشا العيب مش فى السواقه العيب فى الطرق نقر وحفر ومطبات الله يباركلهم اللى بيعملوها انا معاك ان الجنوط الاسبور جميله بس فى العربيات الفئه العاليه (طبعا مع احترامى الكامل لعربيتنا ) دى بيكون معمول حساب كل حاجه فيها

[D . a .\ AYMAN]

الجنط الاسبور الأصلي بتاع العربية أخف وزنا من الجنط الحديد بتاعها ..وبالتالي هو بالتأكيد أفضل من الحديد ... أنا معرفش طبعا الجنط الاسبور الـ 16 اللى كان راكب ده نوعه إيه ... بس بتكلم عن الجنط الأصلي الاسبور بتاعها ... ده خسارة أن الواحد يغيره ويجيب مكانه حديد


الحسبة اللى حضرتك حسبتها فيها شيئ ناقص ... لأن العبرة بالوزن مش بمرونة الجنط ... الوزن الأخف هايكون مرن أكتر في إنه ياخد ويدي مع المساعد حتى لو كانت مادته أقسى من الجنط الثقيل

نشرحها على الشوكة الرنانة زي ما حضرتك قلت

الشوكة الرنانة لو كانت مادتها غير مرنة عن المادة المعتادة وحضرتك ماسكها بإيدك ... هاتكون كل الذبذبات اللى هاتصدر عنها .. إيدك انت اللى هاتضطر تمتصها لأن الشوكة غير مرنة .. طيب لو في الحالة دي الشوكة غير مرنة ووزنها تقيل جدا هاتلاقي إيدك تعبت جدا على ما امتصت الذبذبات بتاعتها لغاية الآخر .. لأن الشوكة تقيلة وغير متجاوبة مع الذبذبات


لكن لو كانت الشوكة الغير مرنة دي خفيفة جدا إيدك هاتمتص ذبذباتها بسهولة بدون تعب لأن وزنها خفيف برغم إنها غير مرنة لكن إيدك هاتقدر توقف ذبذباتها بسهولة لأنها خفيفة

الشوكة لما تكون مرنة وبتمتص هى الذبذبات برغم إن إيدك مش هاتتعب معاها لكنها هاتكون عرضة مع الوقت إنها تنثني وتتلوى عن شكلها الأصلي

إيدك هاتكون هي المساعد والشوكة هي الجنط ...

لازم الجنط يبقى قاسي عشان ما يمتصش الذبذبات الناتجة عن النقر والمطبات وإلا ها يتلوح ويفقد دائريته بسهولة مع النقر والمطبات ... لكن في نفس الوقت لازم يكون وزنه خفيف عشان المساعد اللى شايله ما يتعبش ويتعب اللى قاعد جوة العربية

عشان كدة كل ما كان الجنط من مادة أقسى وغير مرنة يكون أفضل ... وكل ما كان أخف في الوزن يكون أفضل

[mada3030]

الجنط الاسبور الأصلي بتاع العربية أخف وزنا من الجنط الحديد بتاعها ..وبالتالي هو بالتأكيد أفضل من الحديد ... أنا معرفش طبعا الجنط الاسبور الـ 16 اللى كان راكب ده نوعه إيه ... بس بتكلم عن الجنط الأصلي الاسبور بتاعها ... ده خسارة أن الواحد يغيره ويجيب مكانه حديد

الحسبة اللى حضرتك حسبتها فيها شيئ ناقص ... لأن العبرة بالوزن مش بمرونة الجنط ... الوزن الأخف هايكون مرن أكتر في إنه ياخد ويدي مع المساعد حتى لو كانت مادته أقسى من الجنط الثقيل

نشرحها على الشوكة الرنانة زي ما حضرتك قلت

الشوكة الرنانة لو كانت مادتها غير مرنة عن المادة المعتادة وحضرتك ماسكها بإيدك ... هاتكون كل الذبذبات اللى هاتصدر عنها .. إيدك انت اللى هاتضطر تمتصها لأن الشوكة غير مرنة .. طيب لو في الحالة دي الشوكة غير مرنة ووزنها تقيل جدا هاتلاقي إيدك تعبت جدا على ما امتصت الذبذبات بتاعتها لغاية الآخر .. لأن الشوكة تقيلة وغير متجاوبة مع الذبذبات

لكن لو كانت الشوكة الغير مرنة دي خفيفة جدا إيدك هاتمتص ذبذباتها بسهولة بدون تعب لأن وزنها خفيف برغم إنها غير مرنة لكن إيدك هاتقدر توقف ذبذباتها بسهولة لأنها خفيفة

الشوكة لما تكون مرنة وبتمتص هى الذبذبات برغم إن إيدك مش هاتتعب معاها لكنها هاتكون عرضة مع الوقت إنها تنثني وتتلوى عن شكلها الأصلي

إيدك هاتكون هي المساعد والشوكة هي الجنط ...

لازم الجنط يبقى قاسي عشان ما يمتصش الذبذبات الناتجة عن النقر والمطبات وإلا ها يتلوح ويفقد دائريته بسهولة مع النقر والمطبات ... لكن في نفس الوقت لازم يكون وزنه خفيف عشان المساعد اللى شايله ما يتعبش ويتعب اللى قاعد جوة العربية

عشان كدة كل ما كان الجنط من مادة أقسى وغير مرنة يكون أفضل ... وكل ما كان أخف في الوزن يكون أفضل

اولا احب اشكر حضرتك على المشاركه
تانى حاجه تعالى نحسبها من وجهه نظر حضرتك

الشوكة الرنانة لو كانت مادتها غير مرنة عن المادة المعتادة وحضرتك ماسكها بإيدك ... هاتكون كل الذبذبات اللى هاتصدر عنها .. إيدك انت اللى هاتضطر تمتصها لأن الشوكة غير مرنة .. طيب لو في الحالة دي الشوكة غير مرنة ووزنها تقيل جدا هاتلاقي إيدك تعبت جدا على ما امتصت الذبذبات بتاعتها لغاية الآخر .. لأن الشوكة تقيلة وغير متجاوبة مع الذبذبات

جميل جد ا كده وصلنا ان الجنط يبقى مرن
والجنط الاسبور لو هيتهز مع الصدمه هينقل الصدمه لسره العربيه + البارات + علبله الدريكسيون + المساعد وهتمشى الصدمه لغايه نقطه النهايه وترد تانى على الاجزاء دى لو الصدمه قويه وتفضل رايحه جايه لغايه اما الاهتزازت قوتها تضعف وتروح (طاقه حركيه)
انما فى الجنط الحديد اللى هو وزنه تقيل ودى نقطه مش لصالحه بس هيمتص جزء من الصدمه لان اهتازاته هتكون اقل بس مرونته هيا اللى هتنفعه
وبرده وارد فكرتى تكون غلط ووارد تكون صح بس انا مبسوط بالمناقشه

[D . a .\ AYMAN]

اولا احب اشكر حضرتك على المشاركه
تانى حاجه تعالى نحسبها من وجهه نظر حضرتك

الشوكة الرنانة لو كانت مادتها غير مرنة عن المادة المعتادة وحضرتك ماسكها بإيدك ... هاتكون كل الذبذبات اللى هاتصدر عنها .. إيدك انت اللى هاتضطر تمتصها لأن الشوكة غير مرنة .. طيب لو في الحالة دي الشوكة غير مرنة ووزنها تقيل جدا هاتلاقي إيدك تعبت جدا على ما امتصت الذبذبات بتاعتها لغاية الآخر .. لأن الشوكة تقيلة وغير متجاوبة مع الذبذبات

جميل جد ا كده وصلنا ان الجنط يبقى مرن
والجنط الاسبور لو هيتهز مع الصدمه هينقل الصدمه لسره العربيه + البارات + علبله الدريكسيون + المساعد وهتمشى الصدمه لغايه نقطه النهايه وترد تانى على الاجزاء دى لو الصدمه قويه وتفضل رايحه جايه لغايه اما الاهتزازت قوتها تضعف وتروح (طاقه حركيه)
انما فى الجنط الحديد اللى هو وزنه تقيل ودى نقطه مش لصالحه بس هيمتص جزء من الصدمه لان اهتازاته هتكون اقل بس مرونته هيا اللى هتنفعه
وبرده وارد فكرتى تكون غلط ووارد تكون صح بس انا مبسوط بالمناقشه

أنا معاك إنه هايمتص جزء من الصدمة وبكدة الموضوع هيبقى مريح أكتر ... لكن بكدة الجنط نفسه مع الوقت من كتر امتصاصه للصدمات هايتلوح ويفقد دائريته ويبتدي يأثر بالسلب على أجزاء العفشة وبرضه راحة الركاب ... لأن امتصاص الصدمة مش مسئولية الجنط ولكنها مسئولية المساعد مع السوست ... وعشان كدة النقطة بتاعة الراحة اللى بيوفرها الجنط الحديد المرن هاتعوضها خفة الجنط الاسبور وأكتر كمان لأن خفة الجنط أهم من مرونته في الراحة

وربنا يبارك في حضرتك المناقشة رائعة طبعا

[mada3030]

اشكركم يا شباب على المناقشه الجميله دى وعرض الافكار وياريت نصحى القسم بتاعنا شويه

[swimmer25]

إحساسك بالنعومة لأنك غيرت مقاس الجنط إلي الأقل وبالتالي بروفايل الكاوتش زاد فالنتيجة كانت ان الكاوتش بياخد الصدمات علي الطريق أكتر