ازاى الجين 2 مكتوب استهلاك بنزين 6.5 وهى تستهلك اكتر من كدا

[shshtawy]

فى ناس كتير كاتبة انها بتستهلك 11 لتر كل 100 كيلو ياعنى الصفيحة بتعمل 220 كيلو ودا استهلاك عالى جدا
طبعا دا والعربية مظبوطة والكوتش مضبوط ومفيش حمولة والناس كلها قلت كدا واجمعت على كدا

[S O P H O S]

الاستهلاك من الشركة بيتقاس علي طرق فاضية وفأفضل حالات العربية
وفمصر كزحمة وعوامل اخري بالاضافة ان الجين بتجذب فئة الشباب بشكل كبير
فبيدأ الحرق فالغيارات الخ والاستمتاع بقوة العربية فالاستهلاك بيزيد
مجرد رأي فقط ..

[CaptaiN-AhmeD]

+111 نفس اسباب s o p h o s + اعتقد ان البنزين اما بيكون نقي بره الاستهلاك بيبقى مظبوط زي عندنا البنزين ال92 بالنسبالهم 80 وانا ليا قرايبي بره بيقولو نفس الكلام دا وبيحسو بالفرق اما ينزلو مصر

[Gexo]

من رايي المتواضع ان يمكن اغلب الاسباب لحرق البنزين ان الواحد لما يكون راكب الجين بيكون عارف انها عربيه رياضيه وموتورها شديد فبيشد وبيجري بالعربيه ودا بيزود الاستهلاك..ومن رايي برده ان حرق البنزين بيكون ليه دور كبير على اللي سايق..يعني واقتك هيا اللي بتحدد حرق البنزين والله لو راكب ياباني حتى المعروف بانه مقتصد للبنزين...

[tutankhamoun]

أولا أي عربية بتكتب رقم الكتالوج .
و الأستهلاك الفعلي حاجة تانية .

لأن أرقام الكتالوج هي الحالة المثالية لكل حاجة (الموتور - الطريق - العربية بتكون جديدة طبعا - أفضل أنواع البنزين طبعا )

الأستهلاك الفعلي ممكن يقرب جدا من اللي مكتوب في الكتالوج (على أي عربية مش الجين 2 بس )
لو ألتزمت شوية معايير .
طريقة السواقة لها عامل كبير جدا . (أسأل مجرب )
صيانات العربية و ضغط الكاوتش

الأستهلاك الفعلي للجين2 بيتراوح ما بين 1 لتر لكل 10 إلى 13 كم أو 15 كم لو أنت رجلك خفيفة على الدواسة .و بتكون بتسافر و مش بتزود عن 90 إلى 100 كم - س

[ahmedsiyam]

ياتوت انت عربيتك مابتاكلش بنزين و مش عايز اسيح اكتر من كده
حبيبى يا توووت :)

[A. Ibrahim]

أولا أي عربية بتكتب رقم الكتالوج .
و الأستهلاك الفعلي حاجة تانية .

لأن أرقام الكتالوج هي الحالة المثالية لكل حاجة (الموتور - الطريق - العربية بتكون جديدة طبعا - أفضل أنواع البنزين طبعا )

الأستهلاك الفعلي ممكن يقرب جدا من اللي مكتوب في الكتالوج (على أي عربية مش الجين 2 بس )
لو ألتزمت شوية معايير .
طريقة السواقة لها عامل كبير جدا . (أسأل مجرب )
صيانات العربية و ضغط الكاوتش

الأستهلاك الفعلي للجين2 بيتراوح ما بين 1 لتر لكل 10 إلى 13 كم أو 15 كم لو أنت رجلك خفيفة على الدواسة .و بتكون بتسافر و مش بتزود عن 90 إلى 100 كم - س

ماذا اقول بعد كل ما قيل
وحشتنا يا توت ولله

[D . a .\ AYMAN]

الاستهلاك اللى في الكتالوج بيتحسب بناء على سرعة ثابتة وفي طريق مفتوح وبيتحسب معاة سرعة الرياح ومستوى ميل الطريق وحاجات كتير

لكن الاستهلاك الفعلي اللى بيكون في المدينة ده ليه حسابات كتير تانية

...

عموما أنا عملت في طريق مفتوح وعلى سرعة ثابتة 120 ك / س ... 300 كيلو / الصفيحة ... يعني 15 كيلو / ليتر ... وماشي بسرعة أعلى من السرعة اللى اتحسب عليها الاستهلاك اللى مكتوب في الكتالوج أكيد

وجوة البلد فعلا بعمل تقريبا 220 / الصفيحة فعلا ... لكن أي عربية 1600 في مصر بتعمل المعدل ده واقل منه كمان جوة البلد

[amrseif]

الاستهلاك اللى في الكتالوج بيتحسب بناء على سرعة ثابتة وفي طريق مفتوح وبيتحسب معاة سرعة الرياح ومستوى ميل الطريق وحاجات كتير

لكن الاستهلاك الفعلي اللى بيكون في المدينة ده ليه حسابات كتير تانية

...

عموما أنا عملت في طريق مفتوح وعلى سرعة ثابتة 120 ك / س ... 300 كيلو / الصفيحة ... يعني 15 كيلو / ليتر ... وماشي بسرعة أعلى من السرعة اللى اتحسب عليها الاستهلاك اللى مكتوب في الكتالوج أكيد

وجوة البلد فعلا بعمل تقريبا 220 / الصفيحة فعلا ... لكن أي عربية 1600 في مصر بتعمل المعدل ده واقل منه كمان جوة البلد

ما شاء الله استهلاك عربية حضرتك كويس جدا اذا قارنته بعربيتى ( ساجا 2012 اوتو ) تصور بتستهلك جوه البلد حوالى 120 كيلو فى الصفيحة بدون تكييف و جربتها اكتر من مرة !!!!!!!!!!!!!! و روحت التوكيل قاللى لا تقاس فى وسط البلد و لكن على الطريق المفتوح !!!؟؟؟؟؟؟
اذا استمر على كده علطول تبقى الساجا تقارن بالسيارات ال 2000 سي سي فى استهلاك البنزين !!!!!

[shshtawy]

مشاء الله دا الواحد يجيبها ويركب فيها موتور 1000 سى سى

[D . a .\ AYMAN]

ما شاء الله استهلاك عربية حضرتك كويس جدا اذا قارنته بعربيتى ( ساجا 2012 اوتو ) تصور بتستهلك جوه البلد حوالى 120 كيلو فى الصفيحة بدون تكييف و جربتها اكتر من مرة !!!!!!!!!!!!!! و روحت التوكيل قاللى لا تقاس فى وسط البلد و لكن على الطريق المفتوح !!!؟؟؟؟؟؟
اذا استمر على كده علطول تبقى الساجا تقارن بالسيارات ال 2000 سي سي فى استهلاك البنزين !!!!!

بس مع ملاحظة إن جوة البلد بالنسبة لي يعني الدائري وجوة التجمع وآخر الهرم عند الرماية ومدينة نصر ... يعني برضه شوارع معظمها إن لم يكن كلها رايقة إلى حد ما ... لكن جوة البلد اللى هي وسط البلد بقى وقلب مدينة نصر والمهندسين والكلام الكبير ده أكيد هايعمل استهلاك أعلى من الطبيعي لأن ممكن تقف في إشارة واحدة أكتر من ربع ساعة عقبال ما تخرج منها وكل ده العربية شغالة وبتحرق

ساعات لما بنزل شارع شريف و26 يوليو والإسعاف والأماكن دي ممكن آخد في إشارة واحدة بس أكتر من نص ساعة عقبال ما أخرج منها بلا مبالغة ... وطبعا بخرج منها عشان آخد اللى بعدها بنفس الطريقة

[Motarjim]

بس مع ملاحظة إن جوة البلد بالنسبة لي يعني الدائري وجوة التجمع وآخر الهرم عند الرماية ومدينة نصر ... يعني برضه شوارع معظمها إن لم يكن كلها رايقة إلى حد ما ... لكن جوة البلد اللى هي وسط البلد بقى وقلب مدينة نصر والمهندسين والكلام الكبير ده أكيد هايعمل استهلاك أعلى من الطبيعي لأن ممكن تقف في إشارة واحدة أكتر من ربع ساعة عقبال ما تخرج منها وكل ده العربية شغالة وبتحرق

ساعات لما بنزل شارع شريف و26 يوليو والإسعاف والأماكن دي ممكن آخد في إشارة واحدة بس أكتر من نص ساعة عقبال ما أخرج منها بلا مبالغة ... وطبعا بخرج منها عشان آخد اللى بعدها بنفس الطريقة

تمام يا ريس...بالنسبة للقيادة على الطرق المفتوحة، وكذلك طرق السفر، هل تشغيل التكييف يؤثر على استهلاك البنزين بشكل ملحوظ؟

يعني حضرتك سجلت 300 كم/س في الصفيحة بسرعة ثابتة قدرها 120 كم/س على طريق العين السخنة أو طريق الجيش المتجه للصعيد، هل الاستهلاك ده كان مع تشغيل التكييف، أم دونه؟

ومشكور يا باشا على مشاركاتك القيمة.

[D . a .\ AYMAN]

تمام يا ريس...بالنسبة للقيادة على الطرق المفتوحة، وكذلك طرق السفر، هل تشغيل التكييف يؤثر على استهلاك البنزين بشكل ملحوظ؟

يعني حضرتك سجلت 300 كم/س في الصفيحة بسرعة ثابتة قدرها 120 كم/س على طريق العين السخنة أو طريق الجيش المتجه للصعيد، هل الاستهلاك ده كان مع تشغيل التكييف، أم دونه؟

ومشكور يا باشا على مشاركاتك القيمة.

ما حستش بأي فرق بين تشغيل التكييف وبين عدم تشغيله في استهلاك البنزين .. إلا فروقات بسيطة جدا يمكن اعتبارها اختلاف بين ظروف القيادة بين كل مرة ومرة وما وصلتش لتأكيد نهائي في النقطة دي

عموما الاستهلاك ده كان بدون التكييف وكان على طريق الكريمات أسيوط .. واتجاه الريح كان مع اتجاة السيارة

وكان في مرة أخرى بالتكييف على طريق العين السخنة برضه بسرعة 120 ثابتة وطريق العين السخنة معظمه صاعد في اتجاه العين السخنة من القاهرة والريح كانت عكس اتجاه السيارة وعملت 270 ك / س

[lanos2004]

المشكله جوة البلد فى الزحمه وكل شويه نقف ونطلع ودة بيستهلك بنزين اكتر من الطبيعى

[mido_soliman]

مشاء الله دا الواحد يجيبها ويركب فيها موتور 1000 سى سى

وتجيبها لية ؟