برسونا بتحدف !

[Ayman12345]

السلام عليكم :
معروض عليا برسونا 2012 ماشية 10000 كم , بس بعد ما شوقتها لقيتها بتحدف يمين حتى على السلانسيه ( حتى و انا ماشي بالراحة )
هل المشكلة دي سهل حلها ولا هتعملي صداع بعد كدة؟!
مع العلم ان صاحبها بيقول انه مخدش باله من النقطة دي قبل كده !!
ارجو الافادة .

[Land_Cruiser]

و عليكم السلام. في اكتر من سبب للحدفه اكثرهم شيوعا ان العربيه تكون محتاجه ضبط زوايا و خلاص و ممكن تبقي الأسباب اكتر من كده و لذلك من الافضل لو ناوي تشتريها ان حضرتك تكشف عليها كويس علشان تتأكد من سبب الحدفه دي و بالمره تطمن علي بقيه العربيه

[sabregas2010]

موضوع الحدفة ده اشتكى منه اكتر من زميل هنا فى المنتدى ومنهم واحد صاحبى معاه برسونا 2012 ورحنا عند اكتر من واحد لضبط الزوايا وبرده معرفش يعملها لحد ما واحد قريبه ماغه جامده فى العربيات قاله على واحد اسمه محمد (رابسو) بيظبط الزوايا فى محطة بنزين التعاون اللى فى المطار ورحنا عملناها عنده وفعلا كان اكتر من ممتاز والعربية اتظبطت على الاخر وانا ساكن فى 6 اكتوبر وبروح اعمل عربيتى عنده (زوايا وترصيص) كل 10000 كيلو
جرب تكشف على العربية عنده وان شاء الله مش هتندم ويا اما هيظبطهالك او يقولك فيها ايه
وبالتوفيق

[eng.m7md.ali]

الحدفة على السلانسيه ليها اسباب كتير .. جايز العربية واخدة خبطة من قدام وعايزة تظبط زوايا .. جايز الكاوتش كان نايم في ناحية وناحية لا

بس غالبا لو جربت تظبط زوايا وبتاع الزوايا قالك مظبوطة يبقى تطلع على التوكيل لانهم بيعملو تعديل في القنطرة وهيا دي سبب الحدفة

[Ayman12345]

و عليكم السلام. في اكتر من سبب للحدفه اكثرهم شيوعا ان العربيه تكون محتاجه ضبط زوايا و خلاص و ممكن تبقي الأسباب اكتر من كده و لذلك من الافضل لو ناوي تشتريها ان حضرتك تكشف عليها كويس علشان تتأكد من سبب الحدفه دي و بالمره تطمن علي بقيه العربيه

أنا كشفت عليها فعلا في مركز خدمة معتمد, بس مخدوش بالهم من الحدفة دي , و قالولي العربية زي الفل .

موضوع الحدفة ده اشتكى منه اكتر من زميل هنا فى المنتدى ومنهم واحد صاحبى معاه برسونا 2012 ورحنا عند اكتر من واحد لضبط الزوايا وبرده معرفش يعملها لحد ما واحد قريبه ماغه جامده فى العربيات قاله على واحد اسمه محمد (رابسو) بيظبط الزوايا فى محطة بنزين التعاون اللى فى المطار ورحنا عملناها عنده وفعلا كان اكتر من ممتاز والعربية اتظبطت على الاخر وانا ساكن فى 6 اكتوبر وبروح اعمل عربيتى عنده (زوايا وترصيص) كل 10000 كيلو
جرب تكشف على العربية عنده وان شاء الله مش هتندم ويا اما هيظبطهالك او يقولك فيها ايه
وبالتوفيق

الحدفة على السلانسيه ليها اسباب كتير .. جايز العربية واخدة خبطة من قدام وعايزة تظبط زوايا .. جايز الكاوتش كان نايم في ناحية وناحية لا

بس غالبا لو جربت تظبط زوايا وبتاع الزوايا قالك مظبوطة يبقى تطلع على التوكيل لانهم بيعملو تعديل في القنطرة وهيا دي سبب الحدفة

هو انا قصدي هل القصة دي تخليني اصرف نظر عنها , ولا هي حاجة مش مستاهلة ان اوقف البيعة ؟
و شكرا ليكو على الرد .

[Al-Farooq]

أنا كشفت عليها فعلا في مركز خدمة معتمد, بس مخدوش بالهم من الحدفة دي , و قالولي العربية زي الفل .



هو انا قصدي هل القصة دي تخليني اصرف نظر عنها , ولا هي حاجة مش مستاهلة ان اوقف البيعة ؟
و شكرا ليكو على الرد .

مش مستاهله خالص ، حتي لو عيب فالموضوع ضبط زوايا وترصيص بس يكون عند حد بيفهم وبلاش التوكيل ، لأن انا روحت هناك ودفعت وطلعولي العيب في الكاوتشات وبيقولوا عاوزة تتغير! ، وكنت وقتها عامل تقريبا 10 آلالف كيلو بالعربية!! ناس دماغها جواهر.

[D . a .\ AYMAN]

موضوع الحدفة اليمين ده بيتعمل في التوكيل ببلاش لو العربية لسة في الضمان .. ومن ولا مليم

أنا عملته عندهم ... بس المشكلة إنهم مش بيعرفوا يضبطوا زوايا بعد ضبط القنطرة وده اللى حصل معايا

اضطريت أضبط زوايا برة وغيرت أماكن الكاوتش مقص بالتبادل .. لأن الكاوتش طبعا بعد 10000 كيلو هاتلاقيه اتاكل بسبب الحدفة دي

[hesham1978mmmm]

موضوع الحدفة ده اشتكى منه اكتر من زميل هنا فى المنتدى ومنهم واحد صاحبى معاه برسونا 2012 ورحنا عند اكتر من واحد لضبط الزوايا وبرده معرفش يعملها لحد ما واحد قريبه ماغه جامده فى العربيات قاله على واحد اسمه محمد (رابسو) بيظبط الزوايا فى محطة بنزين التعاون اللى فى المطار ورحنا عملناها عنده وفعلا كان اكتر من ممتاز والعربية اتظبطت على الاخر وانا ساكن فى 6 اكتوبر وبروح اعمل عربيتى عنده (زوايا وترصيص) كل 10000 كيلو
جرب تكشف على العربية عنده وان شاء الله مش هتندم ويا اما هيظبطهالك او يقولك فيها ايه
وبالتوفيق

.
فعلا الكلام ده صحيح انا صاحب البيرسونا المقصود بالكلام ده وزبطها في التوكيل ثلاث مرات مفيش فايدة وعند واحد في العباسية وبصراحة لمل روحت عند رابسو قال الزوايا بتاعتك ضايعة وبصراحة من يومها والعربية تمام

[Ayman12345]

السلام عليكم
قلت برضه لازم اقولكم
اتضح ان الكاوتش الامامي يمين كان مريح و بعد ما ظبطنا الهواء العربية اتظبطت على الاخر
و خلاص اشترتها الحمدلله

[D . a .\ AYMAN]

السلام عليكم
قلت برضه لازم اقولكم
اتضح ان الكاوتش الامامي يمين كان مريح و بعد ما ظبطنا الهواء العربية اتظبطت على الاخر
و خلاص اشترتها الحمدلله

الحمد لله ... والف مبروك

ربنا يباركلك فيها ويرزقك خيرها ويحفظك من شرها