أبشروا يا عشاق الجين 2 face lift الصفقه تمت

[nanas]

انا النهارده روحت توكيل عز العرب فى الاسكندريه و أتفرجت على النيو واجا من باب العلم بالشئ فقط لانى من عشاق الجين2
المهم دخلت علشان أتكلم مع حد من المبيعات كله كان مشغول المهم بعد شويه كلام دخلت لمدير المبيعات اتكلمت معها وفهمته انى منتظر الجين2 face lift هل هذه السياره سوف تنزل مصر ولا لأ لان لو مش هتنزل هشترى الجين2 سبورت
المهم اكد لى ان الجين2 face lift هتنزل شهر 12 أكيد وممكن اقبل شهر 12 بس الاكيد شهر 12 هتنزل فسالته طيب انا عايز احجز قالى وماله احجز فقولت انا عايز مانيوال هاى لاين فرد قائلا ان الجين2 face lift هتنزل نوع واحد فيه كل الامكانيات مش هتنزل هاى لاين و ماديم لاين كله جين2 face lift والسعر 90000 مانيوال بصراحه مسالتش على الاتوماتيك لانى لا افضل السيارات الاتوماتيك والمهم فى النهايه اخد بيانات و معلومات عنى علشان الحجز وفى النهايه انا حجزت بروتون جين 2 face lift (full option) مانيوال وهستلمها فى شهر 12 ان شاء الله الجميع يتحرك ويبدأ يحجز
وأسف على الأطاله بس بصراحه انى فرحان لانى كنت قربت افقد الامل فى انها هتنزل مصر وللعلم هتنزل موديل 2009 انا موجود لاى استفسارات
شكرا

[Ahmed REDA]

حجزت بكام ؟
الموتور اية cps ولا IAFM؟
فيها ABS و EBD ولا لا ؟
الفرش اية جلد ولا قماش ؟

انا لسا حاجز النهاردة جين2 2008 من فرع العجوزة ؟!!!!!!!

انا اتسرعت ولا اية ولا اروح اغير الحجز ؟

بس الكلام كان ان لسا حتنزل الجين2 FACELIFT علي شهر 11 و لسا مش معروف حتنزل اني موديل ؟

[farfora20082008]

يا ريت تقولنا فكره عن كل مواصاتها

وهل هينزل منها اتوماتيك؟

[momenhamdy]

انا النهارده روحت توكيل عز العرب فى الاسكندريه و أتفرجت على النيو واجا من باب العلم بالشئ فقط لانى من عشاق الجين2
المهم دخلت علشان أتكلم مع حد من المبيعات كله كان مشغول المهم بعد شويه كلام دخلت لمدير المبيعات اتكلمت معها وفهمته انى منتظر الجين2 face lift هل هذه السياره سوف تنزل مصر ولا لأ لان لو مش هتنزل هشترى الجين2 سبورت
المهم اكد لى ان الجين2 face lift هتنزل شهر 12 أكيد وممكن اقبل شهر 12 بس الاكيد شهر 12 هتنزل فسالته طيب انا عايز احجز قالى وماله احجز فقولت انا عايز مانيوال هاى لاين فرد قائلا ان الجين2 face lift هتنزل نوع واحد فيه كل الامكانيات مش هتنزل هاى لاين و ماديم لاين كله جين2 face lift والسعر 90000 مانيوال بصراحه مسالتش على الاتوماتيك لانى لا افضل السيارات الاتوماتيك والمهم فى النهايه اخد بيانات و معلومات عنى علشان الحجز وفى النهايه انا حجزت بروتون جين 2 face lift (full option) مانيوال وهستلمها فى شهر 12 ان شاء الله الجميع يتحرك ويبدأ يحجز
وأسف على الأطاله بس بصراحه انى فرحان لانى كنت قربت افقد الامل فى انها هتنزل مصر وللعلم هتنزل موديل 2009 انا موجود لاى استفسارات
شكرا

الف مبروك و ربنا يوفقك انا عايز اعرف العربية دي CPS 125 HP و لا Campro 110 HP

[MomoMedo]

الخبر دة بجد ولا حقيقي
العربية دي لو نزلت cps تبأى ملهاش حل
انا كنت عايز اجيب جراند بونتو بس شكلي هستنى شوية

ياريت حد يتأكدلنا
من الخبر دة

[MaGiC]

الف مبروووووووووووووك

[emadosman63]

هى بتاخد بنزين 92 ولا 95

[fahd_628]

مبرووووووووووك بس فعلا بأنهى موتور

[momenhamdy]

مبرووووووووووك بس فعلا بأنهى موتور

لو طلعت بال CPS 125 HP يبقي الموضوع جامد اوي بس ليه مش عارف انا حاسس انها مش CPS لاني خت بالي انه الاستاذ الفاضل صاحب الموضوع بيقولولوا في التوكيل ان هي مش حتنزل High Line و Base line فا هما قالوا انها موديل واحد اوتوماتيك و منيوال

[MomoMedo]

ماهو برة الHigh Line وBase line
نازلين بنفس الموتور
الفرق ان الbase مفيهاش abs ولا ebd مش كدة؟
وان رايي برضو انها لو نزلت بنفس الموتور هتبأى حلوة

[waleedss]

واضح ان مشكلة العزم حلت تماما على السرعات البطيئه
سيبقى محرك السي بي اس متفق عند السرعات العاليه بمراحل
اعتقد ان المحرك في الميديم لاين سيكون ممتاز جدا وتبقى عوامل الامان

[nanas]

انا اسف على التأخر فى الرد
المهم الله يبارك لك يا استاذ اسامه.
يا استاذ احمد والى جميع الردود المشكوره
-الموتور cps 125 hp
-فيها abs(بس معرفش فيها ebd ولا لأ)
-فيها مانيوال و اتوماتيك
- المانيوال 90000 والاتوماتك(تقريبا هتزيد 6000)
و اى استفسارات تانيه انا موجود ومعايا الكرت بتاع الراجل اللى حجزت عنده لو فى حاجه معرفهاش هتصل وسال عليها
واى خدمه يا رجاله

[MomoMedo]

روووووووووووووووعة
هو ممكن الحجز من عز العرب اللي في اسكندرية؟

[mich_e_l2000]

انا برضة عاوز احجز
بس هى بتستعمل بنزين 92 ولا 95
ممكن طيب تليفون الراجل؟

[ahmedsiyam]

الموتور cps !!!!!!!!!!!!!!!!!!!!!!!!!!!!!!!!

و الله لو كده هاتبقى زيى الفل طبعا

بس مع احترامى الشديد الاخ بتاع المبيعات ده بيفتى فتى اصلى مالهوش حل و مابيفهمش حاجة و بيريح الزبون و السلام واعتقد اصلا انه موش عارف الفرق بين الـ campro & iafm & cps

وللعلم العربية اللى موتورها cps هاى لاين سعرها اعلى بكتير من اللى مكتوب و ده من اسباب تردد الوكيل فى نزولها مصر بالاضافة الى ان البنزين بتاعها 97 اوكتان و ده كلام السادة المسؤلين الماليزين فى زيارتهم الاخير لمصر فى يوليو

حتى الان و اتحدى اى حد لسه مواصفات و سعر موديل 2009 موش موجودة فى التوكيل و لو حد عنده ورقة تثبت ان كلامى ده موش صحيح اهلا و سهلا و هاعتذره علنا قدام الكل