كل مايهمك عن الواجا الجديدة لسة مستلمها امبارح

[emadosman63]

معلش يا استاذ وليد سؤال خارج المقرر أنت حتستلم سيارتك امتى لأننى كنت حاجز الجين 2 الفضى والمفروض الأستلام خلال ايام وفوجئت باتصال تليفونى من المختص بالحجز بعدم ورود اللون الفضى

[احمد عز]

ربنا يباركلك فيها و يكفيك شرها

[وليد عفيفى صابر]

الأستاذ / emadosman63
أنا حاجز مع الأستاذ محسن صالح منذ 17/7/2008
وآخر كلام هتيجي يوم 20/8/2008 والاستلام بعدها بأيام
ولكني عازم إن شاء الله أغير وأجيب الواجا 2
ومنتظر حد يفيدني أيهما أفضل الجين 2 ولا واجا 2 ؟؟؟؟؟؟؟؟؟؟؟؟؟

[Powert]

الأستاذ / emadosman63
أنا حاجز مع الأستاذ محسن صالح منذ 17/7/2008
وآخر كلام هتيجي يوم 20/8/2008 والاستلام بعدها بأيام
ولكني عازم إن شاء الله أغير وأجيب الواجا 2
ومنتظر حد يفيدني أيهما أفضل الجين 2 ولا واجا 2 ؟؟؟؟؟؟؟؟؟؟؟؟؟

انت معجب بانهي اكتر

لو سنك من اقل من 35 سنة وعايز عربية شبابي اشترى الجين 2

بس لو سنك اكبر من 35 اشترى الواجا لانها عواجيزي " مع الاعتذار"

[ahmed_moslem]

ربنا يباركلك فيها

انا عندى 27 سنة ومعايا بريميوم 2006 والعربية لما بنزل بيها اى منطقة الكل بيبص ليها وبتشد انتباههم لشكلها الجذاب و لعدم انتشارها الزائد وبالتالى العربية مش عواجيزى.

ممكن تقول لو انتا فرضانى - مش متجوز -يبقى جين2 لكن لو معاك اسرة هتجمع بين الشياكة والفخامة والاوبشنز والوسع مع الواجا

[MohabSaeed]

أرجو سرعة الافادة من فرسان بروتون
الأستاذ / توت
الأستاذ / أحمد صيام
الأستاذ / جستس
وباقي الفرسان ايه رأيكم في واجا 2 أجيبها ولا جين 2 ؟؟؟؟؟

حضرتك شوف احتياجاتك ايه من العربيه .....

الجين 2 شبابى اكتر , و شكلا احدث

الواجا عائليه ..مساحه صالون اكبر كتير

عوامل الامان موجوده فى الاتنين
الموتور واحد

الاوبشن تقريبا واحد " مع زياده ان الواجا فيها سى دى ام بى ثرى و بلوتوث "
السعر واحد

الواجا انا شايف انها ممتازه بالنسبه لسعرها 85 الف مانيوال جنيه , 90 الف اوتوماتك " وبها كل عوامل الامان و الكماليات ".......

لما تحطها فى مقارنه مع سيارات نفس فئتها .. حتكتسحها " زى الانسر و الصنى "

واجا .. ولا جين .... حضرتك الى ممكن تاخد القرار على حسب احتياجاتك ...... ياريت تنزل توكيل عز و تشوف الاتنين و تحكم عليهم بنفسك .

[MohabSaeed]

انت معجب بانهي اكتر

لو سنك من اقل من 35 سنة وعايز عربية شبابي اشترى الجين 2

بس لو سنك اكبر من 35 اشترى الواجا لانها عواجيزي " مع الاعتذار"

لا يا باشا لا داعى للاعتذار

هى مسأله ازواق فى الاول و الاخر .

بس انا عاوز اقولك ان عمرى 24 سنه و فضلت الواجا عن الجين 2 تخيل ؟؟؟
و على فكره انا لا متجوز ولا خاطب" ولا عنى النيه اساسا " و كان قدامى اشترى جين 2 2007 زيرو من عز العرب نفسه و استلام فورى ب 80 الف جنيه و بفايده 6.5 % و تأمين شامل و كنت حستلمها فى خلال 3 ايام تقريبا بعد تخليص ورق البنك , و مع ذلك فضلت اجيب واجا مستعمله !!!!!!!!!! بس انا علاشان كان نفسى اشتريها من زمان فبصراحه متخيلتش انى اشترى غيرها ..... يعنى انا مش بقول الكلام ده لاشان اقول ان الجين وحشه و الواجا تتقارن بال بى ام دبليو .... لا طبعا مش ده قصدى لان الجين 2 مش وحشه ابدا .... و الواجا برده فيها عيوب .

بس الى اقصده ان تصميم الواجا " القديمه مش الحاليه " تصميم حاد جدا وفيه شراسه و فى نفس الوقت انيق ....و الجينوط ال 16 مع ال side line المستقيم مدى للعربيه شكل رياضى جدا ....

بجد انا لما بشوف واجا ماشيه جمبى بقعد اتفرج عليها ... حتى وانا سايقها مش عارف ده هوس ولا ايه
بس فعلا هيه شكلها جامد جدا " خصوصا فى اللون الفضى و الرصاصى "

[MohabSaeed]

[Powert]

الف مبروك على عربيتك , هو فعلاً الشكل القديم احلى بكتير من الجديد

بس الجديد اشيك وتحسه انه بتاع رجال اعمال , بس ياريت تفهمني

ازاي كنت هتاخد الجين 2 من عز العرب بفايدة 6,5% وكمان ب 80 الف بس

انا روحت سألت عنده قالى الفايدة 8,5% تبع البنك العربي

[MohabSaeed]

الف مبروك على عربيتك , هو فعلاً الشكل القديم احلى بكتير من الجديد

بس الجديد اشيك وتحسه انه بتاع رجال اعمال , بس ياريت تفهمني

ازاي كنت هتاخد الجين 2 من عز العرب بفايدة 6,5% وكمان ب 80 الف بس

انا روحت سألت عنده قالى الفايدة 8,5% تبع البنك العربي

الله يبارك فى حضرتك .

انا اسف انا افتكرت انه قال رقم 6,9 % .... مش 6,5 " و حسبناها على كده " ....االله اعلم هل هو كان صادق ولا لا بس هو فعلا قال البنك العربى الافريقى و و قال ان الاوراق حتخلص فى يومين ...
هيه فعلا كانت ب 80 الف مانيوال و الاسبورت باكدج اوتو كانت ب 87 تقريبا او 86 مش متذكر ... و عمل معايا المستحيل علاشان اشتريها .

بس انا كنت حدفع 50 % من تمنها و احتمال ده يكون ليه نسبه فائده مختلفه + ان الكلام ده كان فى شهر مارس الى فات و كانت موديل 2007.... وهما كانو عاوزين يتخلصو منه
بس مستحيل يقولى على نسبه فايده مش صح وانا كنت جاى اشترى .... لان اكيد لو الموضوع فى غش كنت حكتشفه بعد كده فى تخليص الورق .

العلم عند الله

[Powert]

لأ انت صح لو هتدفع 50% الفايدة بتختلف

.......... شكراً

[emadosman63]

الأستاذ / emadosman63
أنا حاجز مع الأستاذ محسن صالح منذ 17/7/2008
وآخر كلام هتيجي يوم 20/8/2008 والاستلام بعدها بأيام
ولكني عازم إن شاء الله أغير وأجيب الواجا 2
ومنتظر حد يفيدني أيهما أفضل الجين 2 ولا واجا 2 ؟؟؟؟؟؟؟؟؟؟؟؟؟

الف مبروك مقدما وياريت لو استقريت على الواجا تقولى بعد اذنك

[Hassan Khalil]

الف مليون مبروك علي العربية .. ربنا يبارك لك فيها و تستعملها في الخير دائما ..
و تقييم اولي جيد جدا .. في انتظار التقييم الكبير ..

والوان الا نزلت الباذنجانى الغامق زى الا فى الصور والاسود المحمر والرصاصى
السعر : 89900 اتوماتيك فول اوبشن

اول ما قرأت الحتة بتاعة الاسود المحمر .. لم يجئ في بالي اطلاقا انك بتتكلم عن اللون .. و لكن جاء في ذهني الاسود المحمر أي المقلي في الزيت .
طبعا انا مش عارف ايه هو الاسود المقلي في الزيت ده ..بس فعلا كنت جعان لدرجة اني كان ممكن اكل الاسود المحمر و المشمر كمان .
طبعا ده كان تبعا للحالة اللي كنت عايشها و انا بقرا الموضوع .. و الحمد لله تمت السيطرة علي الامور .. و رجعت الالوان الي طبيعتها مرة اخري ..

[emadosman63]

الف مبروك مقدما وياريت لو استقريت على الواجا تقولى بعد اذنك

على فكرة حضرتك حاجز مانيوال ةلا اوتو

[وليد عفيفى صابر]

خلاص إن شاء الله ناوي علي الواجا 2 أوتوماتيك
لرحابتها وأيضا شكلها عاجبني جدا
وتميزها بال Mp3 ، والتابلوه وأشيك