عاوز افضي علبة البيئة في الجين 2 بتاعتي ايه ريكم ؟؟

[kwasfy]

عاوز افضي علبة البيئة في الجين 2 بتاعتي ايه ريكم ؟؟

السحب بفي بطيء قوي و يتاكل بنزين بغباء و في دخان اسود خفيف من الشكمان
برجاء الافاده لسرعة استهلاك البنزين ..


..

[ramyar]

لو فضيت مكونات علبه البيئه السحب هيزيد معاك بس صوت الموتور هيعلي وبرضوا مشكله استهلاك البنزين مش هتتحل والدخان مش هيروح
انتا عندك مشكله تاني ممكن في الرشاشات او البوابه او حساس الشكمان شوف مشكلتك الاول فين

[kwasfy]

لو فضيت مكونات علبه البيئه السحب هيزيد معاك بس صوت الموتور هيعلي وبرضوا مشكله استهلاك البنزين مش هتتحل والدخان مش هيروح
انتا عندك مشكله تاني ممكن في الرشاشات او البوابه او حساس الشكمان شوف مشكلتك الاول فين

فعلا كان في مشكله في حساس الشكمان عصام صفا جربلي كذا واحد و لسه في مشكله .. دا انا اللي كنت عايز اشيل العلبه لأنو غير 3 حساسات ..

العربية بتبقي بتبرجل و هيا بتبطل لما بقفل الكونتاكت و تحس انها عايزه تدور تاني



..

[D . a .\ AYMAN]

طيب هل غيرت البوجيهات وفلتر الهواء وهل نضفت البوابة

وهل استخدمت منظف دورة الوقود ومنظف الرشاشات اللى بيضاف على البنزين كل 5000 وكل 10000 كيلو بالتبادل ولا بقالك فترة كبيرة لم تستخدم أي منهما

كل دول يفرقوا في السحب والبنزبن فرق فظيع ... والبوجيهات البايظة أو التعبانة ممكن تعمل دخنة سوداء وتكون هي بذاتها سبب في بوظان حساس الشكمان

علبة البيئة مش هاتفرق معاك جامد زي ما انت متخيل لأني مجرب فكها قبل كدة ... وبعدين المفروض إن عمرها الافتراضي من عمر العربية مش بتتغير ... غير إنها هاتزود الدخنة السودة لأنها أصلا وظيفتها إنها بتشيل الانبعاثات الضارة بتاعة الشكمان يعني بتشيل جزء كبير من الدخان الاسود

[Al-Farooq]

بالضبط زي ما الأخوة تفضلوا ، انت عندك مشكلة تانية مش علبة البيئة خالص

وخلاف كدة العلبة دي مش منظر ، ومش هدفها انها تقلل السحب دي بتمنع غازات سامة بتسبب سرطانات و وفاة.

فلو حد عمل كدة علشان السحب يزيد " هي اصلا تأثيرها على السحب محدود جدا" يبقي حرام عليه

لأن دة حق الناس اللى ماشية على رجلها فى الشوارع ، وحقك انت شخصياً لما تمشي فى الشارع انك لا تستنشق غازات سامة مسبب للسرطانات طالعة من العربيات اللى اصحابها عدلوا عليها علشان "الشد" .

وكل العربيات الرياضية حتي بتاعه الفورميلا 1 بينزل فيها علبه بيئة بس بمواصفات رياضية طبعاً.

فياريت تحدد المشكلة اللى عندك بالضبط ، خصوصاً انك بتقول فى مشكلة استهلاك بنزين وأدخنة خفيفة ،
فأنت لو شيلت علبه البيئة 1- استهلاك البنزين هيزيد اكثر كمان 2- الأدخنة مش تروح والاحتمال الاغلب ان لونها هيغمق اكثر.

تحياتي.

[kwasfy]

الف شكر اخواني .. خلاص بلاش علبة البيئه..
طيب كنت عايز منظف دورة الوقود ومنظف الرشاشات اجيبهم منين و بكام و يا ريت الأسم بتاعهم

و الف شكر


.

[kwasfy]

وديت العربية عند عصام صفا ...

[Al-Farooq]

وديت العربية عند عصام صفا ...

ان شاء الله تكون المشكلة اتحلت :)
وبالنسبة لمنظف الرشاشات ومنظف دورة الوقود ، هو فى انواع كثيرة فى ماركات جديدة في السوق ، وهتلاقي ماركات مختلفة فى اى ماركت من بتوع البنزينات
او بتلاقيها بردو فى كارفور و هايبر 1 و سبينس.

وفى منتجات عليها اسم رابيدو تقريبا صناعة مصرية و ممتازة جدا بس دي مش بلاقيها ديماً مع ان سعرها ممتاز بالنسبة لباقي المنتجات اللى في السوق.

[muslim_nsb]

هو في فرع بين منظف دورة البنزين و منظف الرشاشات
مش هما الاتنين واحد وبيتم تفريغهم بتنك البنزين ولا في أختلاف

[D . a .\ AYMAN]

هو في فرع بين منظف دورة البنزين و منظف الرشاشات
مش هما الاتنين واحد وبيتم تفريغهم بتنك البنزين ولا في أختلاف

منظف دورة الوقود fuel system cleaner تركيبة كيميائية مذيبة للأوساخ قوية جدا على كل أجزاء دورة الوقود من خراطيم ورشاشات ولا ينصح باستخدامه إلا كل 5000 كيلومتر على الأقل ... والمناسب كل 10000 كيلومتر ... أو أكتر ...

لكن منظف الرشاشات injector cleaner أو injection cleaner يمكن استخدامه كل 2000 كيلومتر فقط ... ولا يكون مؤثر على باقي أجزاء دورة الوقود

لكن الفرق الفني بينهم بالضبط ما عنديش علم بيه

[Sealion]

عندي برده المشكله بتاعت دخان اسود شويه من وحوالين الشكمان خفيف كده٠ بس غير كده الموتور والسحب كويس٠ رايكم استخدم منظف الوقود ده ولا ايه بالظبط مع العلم لسه مغير بوجيهات من شهر بس٠ اشكركم عالنصيحة

[kwasfy]

عصام صفا غيرلي فرن الشكمان ب 1000 جنيه
و لسه السحب بطيء

اعمل ايه

[mohamed ragab]

في منظف لدوره البنزين بالكامل اسمه max44 هتلاقيه في محطات موبيل جميل جدا جدا وهيفرق معاك فرق جامد

[Al-Farooq]

عصام صفا غيرلي فرن الشكمان ب 1000 جنيه
و لسه السحب بطيء

اعمل ايه

اظن كان ممكن تشتري واحد خامته احسن من الاستوك وارخص بمصنعية أقل مدام العربية مش ضمان.
فرن الشكمان الاصلي بتتشرح بسبب السرعات العالية لمدد طويلة ، يعني مثلا سرعه اكثر 150 لمدة ازيد من 10 دقائق ومتكرر ، فالناس اللى بتمشي على السرعات دي بتغير فرن الشكمان بواحد رياضي علشان يشدوا "الله يسامحهم ويهديهم" .

على العموم المفروض ترجع للبشمهندس عصام متابعه للصيانة اللى فاتت وتقول ان السحب لسه بطئ حتي بعد تغير الفرن.

طيب هل غيرت البوجيهات وفلتر الهواء وهل نضفت البوابة

وهل استخدمت منظف دورة الوقود ومنظف الرشاشات اللى بيضاف على البنزين كل 5000 وكل 10000 كيلو بالتبادل ولا بقالك فترة كبيرة لم تستخدم أي منهما

كل دول يفرقوا في السحب والبنزبن فرق فظيع ... والبوجيهات البايظة أو التعبانة ممكن تعمل دخنة سوداء وتكون هي بذاتها سبب في بوظان حساس الشكمان

علبة البيئة مش هاتفرق معاك جامد زي ما انت متخيل لأني مجرب فكها قبل كدة ... وبعدين المفروض إن عمرها الافتراضي من عمر العربية مش بتتغير ... غير إنها هاتزود الدخنة السودة لأنها أصلا وظيفتها إنها بتشيل الانبعاثات الضارة بتاعة الشكمان يعني بتشيل جزء كبير من الدخان الاسود

+1

[Al-Farooq]

تصحيح ، الفرن الرياضي اغلي من كدة بكثير مش ارخص ولا حاجة ، وآسف على اللخبطة ، وياريت الاعضاء تصحح لي.