عرض خاص جدًا من عز العرب

[Motarjim]

السلام عليكم

كنت في توكيل بروتون في مصر، ذُل العرب لعمل صيانة الـ 5000 كم. (كنت عملت تقرير بالصيانة، وبعد ما كتبته، طار بضغط زر عشواء، هحاول أعيد كتابته لاحقًا)

الوكيل المحترم جاي على نفسه قوي، عامل خصم مغري على تيل الفرامل بوش الأمامي من 1500 جنيه تقريبًا إلى 945 جنيه بالضريبة من غير مصنعية التركيب، يا تلحق يا ما تلحقش...يا بلاش!
وإذا خلصت التيول، عز العرب مش مسؤول!

إليكم بعض أسعار قطع الغيار حسبما تحضرني الآن:

فانوس شبورة للواحد: 601 جنيه (غلي من 430 تقريبًا)
فانوس خلفي ببوردة الليدات للواحد: 2250 تقريبًا*
الطنبورة الواحدة أمامي: 940 جنيه تقريبًا
المساعد أمامي للواحد: 714 جنيه تقريبًا
فيبرة فرش القائم الأمامي: 157 جنيه
الباب أمامي أو خلفي: 2950 تقريبًا

* تقريبًا: لأني مش فاكر خانة الرقم العشري أو العشرات بالظبط، ولكن رقم المئات متأكد منه تمامًا تمامًا.

فيما يبدو أن أسعار قطع الغيار زادت بما لا يقل عن 15% إلى 20% بسبب زيادة سعر الدولار، والرنجيت الماليزي، والين الياباني، والربغ جنيه المخروم المصري!

ولا حول ولا قوة إلا بالله.

[Raul_7]

عايز أقول كلمة عيب!

[aliabdo]

انا كنت حخلص فى جين2 من اسبوعين و الحمد لله ان الموضوع فكس كمان دى بقت ب 110

[S O P H O S]

كده الياباني كاسعار قطع غيار اصلية مش غالية !!

[RedBull_30]

بصراحة لما بسمع او اشوف قائمة اسعار بعض السيارات الاوروبية بستغرب من تعليقات اصحاب السيارات دي لانهم بيشتكو انها مرتفعة نسبيا .. ييجو و يتفرجو علينا
و بمناسبة تيل الفرامل الامامي اللي عليه الخصم .. والله الواحد مش فايق للتوكيل المحترم ده بس بصراحة هو فعلا توكيل متؤامر و أهبل في نفس الوقت و هقول السبب , لانه مطلوب منه كتوكيل معتمد لسيارات بروتون في مصر ميبيعش غير قطع غيار اصلية معتمدة من بروتون ومش بس معتمدة , ده كمان لازم تكون بجودة عالية .. يعني من الاخر قطع الغيار اللي اشتريها منه تكون طالعة من المصنع اللي بيتجمع فيه العربية هناك .. لكن التوكيل المحترم بيخير الناس بين الاصلي و بين المضروب اللي ممكن يقل من كفائة قطع تانية زي تيل الفرامل المصري واللي بيعمله في الطنابير ..
عموما دي فكرة اعتبروها مني صدقة جارية للي عاوز يشفي غليله من التوكيل الاهبل
من الاخر التوكيل بيبيع قطع غيار غير اصلية وانا مسئول عن اي كلمة بقولها ..

[D . a .\ AYMAN]

ما هو ده مش توكيل للأسف ده عربجي ... بالذات مع ماركة بروتون ... أعتقد بقية الماركات المعاملة معاهم مش بالسوء ده ... وإن كنت أتمنى حد من أصحاب السيتروين على الأقل يؤكد كلامي ده

أتمنى من كل قلبي سحب الوكالة منه وتوليتها من هو أفضل منه

[Motarjim]

ما هو ده مش توكيل للأسف ده عربجي ... بالذات مع ماركة بروتون ... أعتقد بقية الماركات المعاملة معاهم مش بالسوء ده ... وإن كنت أتمنى حد من أصحاب السيتروين على الأقل يؤكد كلامي ده

أتمنى من كل قلبي سحب الوكالة منه وتوليتها من هو أفضل منه

وأنا كذلك أتمنى أن تُسحب الوكالة منه، وتروح لأي حد إلا ذُل العرب ده.

الحاجة المثيرة للاندهاش والشفقة في آنٍ واحدٍ، أن كنت باتكلم مع مهندس استقبال جاي من فرع اسكندرية بعد ما قفل، وبأقوله إن شاء الله الوكالة تنسحب من عز العرب، كفاية كده.

قال يا راجل، هو بروتون بقى له اسم وصيت وأصبحت معروفة إلا من بعد ما مسكها عز العرب!

قولت له: صيت واسم ومعروفة...بأمارة ما أنت مترحل من الاسكندرية بعد ما الفرع قفل، وكنت بتسافر رايح جاي كل يوم!

بس هو العرب لسه باقي لهم عز؟! عز العرب سُلِب وضاع من زمان - إنه العز المفقود!

عز العرب آه...يا راجل كبر مخك!

[amrseif]

للاسف التوكيل مضيع العربيات ديه.. لو توكيل كويس خد بروتون و اهتم بالصيانة و معالجة عيوب الصناعة و رضاء العميل
و الله يمكن تنافس عربيات تانية كتير اعلى منها فى الفئة

[tamerosman]

المشكلة ان التجار و بتوع قطع الغيار الاستعمال بيعرفوا اسعار التوكيل و يسعروا على اساسها ....يعنى يقولك لو مش عاجبك روح سوف السعر فى التوكيل و هترجع زاحف .....كله بيستغل كله

[شراقى قطع غيار]

ايه ياعم الاسعار ديت

على كدا احنا كمحلات بيع قطع غيار ملائكه بالنسبه له

[tarekzein]

عايز أقول كلمة عيب!

+1