مشكله في ال abs

[alaa_sms]

بسم الله الرحمن الرحيم

معى سيارة بروتون جين 2 موديل 2012 اوتو
و العداد بتاعها
31500 كم

عندي مشكلة خطيرة

المشكلة كالاتى:
عندما تضغط على الفرامل بقوة و الى اخر الدواسة و انت تسير بالسيارة تجد خشونة و رجرجة فى الدواسة و تحس بأن الفرامل " تقفش و تسيب " و و بصوت كحت خفيف
و العربية مبتقفش بسرعة او بالمعدل المعتاد

و لكن عند الدوس بطريقة هادية و عادية لا تحس بهذه المشكلة و احترت كثيرا فيها و ادى ذلك انى اصتدمت مرتين بالسيارات المتوقفة فجأة امامى نتيجة لضغطى المفاجئ على الفرامل و عدم الوقوف بالمعدل الطبيعى

ففصلت الفيوز الخاص به من علبة الفيوزات و جربت السيارة فى الفرامل الفجائية وجدت ان لا يوجد المشكلة الاولى و السيارة تقف بدون رجرجة او خشونة
و لكن بدون اتزان فعن الفرملة الفجائية مع فصل الABS
تميل السيارة و تنحرف عند الفرملة و لا تقف فى خط مستقيم و تجد ان السيارة "بتعوم " فى الملفات و غير متزنة و لمبة الabs وال check مضائين فى التابلوه

و عند توصيل الفيوز مجددا عادت المشكلة كما كانت

غيرت التيل والطنابير والماستر العمومي ووحدة ال ABS كاملة


افتونى يا أهل الخبرة
لأنى مقبل على بيع السيارة ولا اريد ان ابيعها لأحد بهذه الصورة فأضره
و شكرا مقدما


وياريت يجماعة محدش يقولي دا ال ABS
العربية بتقف علي سرعة 100 في اكتر من ٥٠ متر
وللعلم دي ثالث عربيه ليا اشتريها فيها ABS

[Raul_7]

من خلال روايتك ممكن أقول لك ان ال abs سليم تماماً و هو بيعمل كده فعلاً.

لو حضرتك خبطت في اللي قدامك كذا مرة في شوارع زحمة, نصيحتي ليك تسيب مسافة لأن ال abs في المواقف دي بيقي شغلتوا انك تتفادي اللي قدامك مش تقف في التو و اللحظة, و الكلام ده بعد ما شفت فولفو و سيراتو و جيتا بيدخلوا في بعض حتي بعد ما ال abs اشتغل.

[Raul_7]

وياريت يجماعة محدش يقولي دا ال abs
العربية بتقف علي سرعة 100 في اكتر من ٥٠ متر
وللعلم دي ثالث عربيه ليا اشتريها فيها abs

أنا محسبتش بالمتر, بس هي بتقف في 3 ثواني تقريباً.

[buddha]

ممكن يكون عندك مشكلة فى الطنابير

[dr.hazem]

من خلال روايتك ممكن أقول لك ان ال abs سليم تماماً و هو بيعمل كده فعلاً.

لو حضرتك خبطت في اللي قدامك كذا مرة في شوارع زحمة, نصيحتي ليك تسيب مسافة لأن ال abs في المواقف دي بيقي شغلتوا انك تتفادي اللي قدامك مش تقف في التو و اللحظة, و الكلام ده بعد ما شفت فولفو و سيراتو و جيتا بيدخلوا في بعض حتي بعد ما ال abs اشتغل.

وانا كمان شايف ان الفرامل والايه بي اس شغالين فل الفل
ممكن في هوا في دورة الفرامل مش اكتر...

تحياتي

[Gexo]

البوست دا انا شوفته قبل كدا بنفس الكلام بالظبط...هوا انا ليه حاسس ان فيه ناس مره واحده كدا بتدخل عالجروب وتكره الناس في الجين..بتحسسوني ان فراملها زي الفيرنا يعني...وبعدين حضرتك على سرعة 100 دي احمد ربنا ان العربيه وقفت في 50 متر...دي مش بي ام حضرتك

[alaa_sms]

الاستاذ الي بيقول ان انا بكره الناس في العربيه يتفضل يجي يجرب عربيتي
وبعدين انا طالب المساعدة مش كلامك ده
وبعدين يعم لو هيه مشكله فرديه يبقي اكيد ليها حل
وتاني حاجه العربيه لما تقف علي سرعة ١٠٠ من عمود لعمود ونصف دا يبقي فيها فرامل
انت لو ركبت اسبرنزا a516 هتعرف ان العربيه دي فعلا مفهاش اختراع اسمه فرامل اساسا
abs - ebd يفرحتي بيهم

[alaa_sms]

يجماعة للعلم انا دوخت بالعربيه دي في التوكيل والحرفيين وغيرت كل حاجه مفضلش غير السيرفو لانه فعلا مفهوش حاجه
لو حد يعرف مركز محترم او حد بتاع فرامل ومتخصص يبقي جزاكم الله خير

[Gexo]

يبقى حضرتك جرب تروح لعصام صفا..

[medokassem]

عندي نفس مشكلتك في المازدا ٣ اللي معايا وغيرت الماستر ونضفت دورة الفرامل واخدت هوا والمشكلة هيا هيا في واحد قالي الكاوتش عايز يتغير بس مش داخل دماغي ان الكاوتش السبب وخصوصا نقشته لسه بخيرها .
انا احترت اكتر منك بس اقلمت نفسي عليها كارك فرامل سقط نقلات وادعي ربنا .
متابع.

[D . a .\ AYMAN]

أنا محسبتش بالمتر, بس هي بتقف في 3 ثواني تقريباً.

ما هو 3 ثوان على سرعة 100 ك / س ... يعني تقريبا حوالي 40 - 50 متر

وده معدل طبيعي في معظم سيارات الركوب العادية .. عشان كدة المسافة الآمنة اللى دايما بينصح إنها تكون بينك وبين اللى قدامك على سرعة 100 ك / س هي حوالي 50 - 60 متر

[a7mad_mo7amad6]

حضرتك انا في المقطم نعايا برسونا 2009 لو نحب جرب عربيتي واجرب عربيتك
من وصفك المفروض عربيتك 100%

[alaa_sms]

عرفت المشكلة منين يجماعة

طبعا بعد ما غيرت كل حاجه هههههههههه

اكتشفت في الاخر ان دا عيب طنابير وبالصدفة كمان
قلت اشوف التيل واخشنه شويه بفتح من هنا وببص للقمة بتاعت التيل لقتها زي ما تقولو كده بتمسك من مكان وبقاي القمه مفهوش كحت
وللعلم تبص علي الطنبوره بعينك كده تقول زيرو لكن هيه في الاصل مقفعه

المهم دا بيعمل ايه بقي عشان لو حد حصل معاه الحوار ده ميعملش كل التجارب الهباب الي عشتها

لما التيل يمسك علي طانبوره مقفعه او فيها عالي وواطي فتلاقي المسكه مش قويه وتسيب وتفك منك من غير متحس بيها اوي الا اذا الطنابوره كانت بيظه علي الاخر

المهم لما تسب وتفك منك علي سرعة عاليه وانت دوست فرامل وخليت الabs يشتغل
دا بيخلي العربيه متقفش بالحد المعروف لان كده كده الabs فتح علي حاجه اساسا مفهاش مسك فهيفضل شغال معاك فتره طويله عشان المسك بتاع التيل في الطنبوره ضعيف
ويارب الكل يستفيد

انا كده كده هغير نظام الفرامل كله لبرمبو او في تكس عشان ارتاح من القصة دي