طلب نصيحه بخصوص التيل والطنابير\ديسكات

[BlackBerry]

السلام عليكم

اخر مره كنت في التوكيل شهر 1 الماضي قالو لي ان التيل الامامي محتاج تغيير وكذالك الطنابير الاماميه (الاثنين اصليين التيل بوش الماني والطنابير اللي نازله مع العربيه) وعربيتي جين 2 - 2010 اوتو وماشيه حوالي 15 الف كيلو فقط نظرا لقلة استخدامي لها وسفري المتكرر بالخارج واستخدامي لسيارة العمل اثناء تواجدي في مصر, الفنيين قالو لي ان التيل الموجود متاكل والطنابير فيها عالي وواطي وفعلا لاحظت وجود عالي وواطي بس خفيف جدا ووقتها المهندس قال لي نصيحه سيبهم زي ما هم دي طنابير اصليه بتاعة بلدها وبلاش تستبدلها بحاجه مخروطه زي اللي في التوكيل الخ

اسالتي هي:

- انا ناوي اغير التيل الامامي بالبوش الالماني الاصلي لدى التوكيل وامرنا لله (لدي علم بالبوش الايطالي ولكن للاحتياط وللسلامه ولكن احب اعرف اكثر عنه ومقارنته بالالماني اذا امكن بخصوص الكفاءه وتاثيره على الطنابير)

- هل محتاج اغير الطنابير الاماميه باخرى مستخدمه ومخروطه لدى التوكيل عند تغييري للتيل؟ هل ضروري ام الابقاء عليها افضل حتى مع وجود عالي وواطي فيها خفيف جدا؟

- هل متوفر طنابير جديده بالتوكيل او اي محلات قطع غيار؟ واسعارها التقريبيه اذا امكن

- هل قطع الغيار المذكوره متوفره لدى عصام وصفا ؟

تحياتي لكم واعتذر عن الاطاله.

[Satan_satan]

بص انا مقدرش افيدك فى موضوع التيل علشان فى انواع كتيره جدا ف دى حاجه ترجعلك انت فى نوع التيل وصناعته .. اما بالنسبه للطنابير فنصيحه بلاش تغيرها علشان فعلا فى التوكيل بيستهبلو .. وخصوصا ان انت ماشي عليها 15 الف يبقى حراااااااااااااااااااااااااام تتغير
الشفه اللى فيهم دى ( العالى والواطى ) كده كده التيل بيطبع عليهم ومش هتأثر على اى حاجه باذن الله

[haissam24h]

ركب التيل الجديد ومش لازم التوكيل
فى محلات فى ش دمشق بتبيع تيل اصلى واحسن من الى فى التوكيل
ولو الفرامل بقا فيها عالى وواطى بعد 1000 ك مثلا يبقى عادى فك الطنابير بتاعتك ووديها لخرام يظبطتها
وتبقى ارتحت نسبيا طالما الطنابير بتاعتك اصليه

[Ahmed Amin]

بص انا مقدرش افيدك فى موضوع التيل علشان فى انواع كتيره جدا ف دى حاجه ترجعلك انت فى نوع التيل وصناعته .. اما بالنسبه للطنابير فنصيحه بلاش تغيرها علشان فعلا فى التوكيل بيستهبلو .. وخصوصا ان انت ماشي عليها 15 الف يبقى حراااااااااااااااااااااااااام تتغير
الشفه اللى فيهم دى ( العالى والواطى ) كده كده التيل بيطبع عليهم ومش هتأثر على اى حاجه باذن الله

زي ما أستاذ ساتان قالك,
نفس الموضوع حصل معايا ف صيانة ال 30 الف للبيجو.
كانت الفرامل وحشة وكان فيه رعشة جامدة ف الدركسيون وانا بهدي للمطبات عال سريع او جوة البلد.

فالفني قالي وهوا بيغير التيل عندك شفة ف الطنبورة, وقلت له أيه سببها.؟
قالي أنك مشيت عال تيل أكتر من الوقت بتاعه, بمعني انو كان بدأ يتاكل أوي وبدا ياكل ف الطنبورة.
وأنا مكنتش مشيت عال تيل أكتر من وقته ورحت ف معاده المظبوط,

قلت له طيب ايه اللي مفروض يتعمل قالي بتتغير أو مكمن بتتخرط اول مرة وتاني مرة تغير..
فسألت وواحد تاني ف نفس التوكيل قالي لا مفيش خرط لانها طنابير مهواة من الدخل بتتغير علي طول ولو أتخرطت هتبقي أرفع في السماكة وهتسخن جدا من أستدخام الفرامل المتكرر وهتسبب مشاكل.
المهم بقيت محتار أعملها وأخرطها برة ولا عندهم, وكنت قلقان برضة من ناس قالت لي انها لو اتخرطت غلط ومكن الخرط ساعات بيبقي فيه بوش او الصنايعي بيكون مش تمام فهتبوط الطنبورة وتضطر تغيرهم الاتنين ساعتها..

المهم انا غيرت التيل بالتيل الأصلي, ورصرصت العجل اللي قدام وغيرت الكاوتش
ولما التيل الجديد طبع عال طنبورة الرعشة رحت تماماً والعربية داخلة دلوقتي ف ال 70 الف والحمدلله مفيش اي مشاكل في الطنابير

فأعتقد أنك في معدل ال 15 مش هيكون عندك أي مشاكل ف الطنابير غير تيل بس ورصرص العجل اللي قدام وغير الكاوتش لو كان نشف..

الهوندا السيفيك بس هيا اللي كنت اعرف ان كان فيها مشكلة في الطنابير وكانو بيخرطوها في التوكيل عشان تحسن أداء الفرامل, بس في حالتك انت معتقدش انك عندك حاجة ف الطنابير.

نصيحة غير التيل بتيل أصلي, ومتغيرش الطنابير دلوقتي خالص..
رصرص العجل الأمامي وهات جوز كاوتش نضيف قدام لو كان تاريخ أنتاجه قديم أو نشف من الركنه,, وربط العفشة وهتحس انك رجعت العربية زي الأول.

[BlackBerry]

السلام عليكم

شكرا جزيلا لكم اخواني الكرام على مداخلاتكم القيمه.

[Raul_7]

عن تجربة التيل البوش الايطالي الامامي تقريباً هو هو الالماني في أدائه مع اختلاف السعر. نصيحتي لك وفر فلوسك و هاته.

[BlackBerry]

عن تجربة التيل البوش الايطالي الامامي تقريباً هو هو الالماني في أدائه مع اختلاف السعر. نصيحتي لك وفر فلوسك و هاته.

السلام عليكم

رائع, وتاثيره على الطنابير؟؟ تحياتي لك

[Raul_7]

السلام عليكم

رائع, وتاثيره على الطنابير؟؟ تحياتي لك

ولا أي حاجة, أنا كنت مركب تيل قبله كان بيشيط و ياكل الطنابير, انما البوش الايطالي زيه زي الالماني.

و للعلم انا سمعت كلام ان التوكيل بيجيب الايطالي و يركبه علي انه الماني بس معرفش مدي صحة الكلام.

تحياتي.

[BlackBerry]

ولا أي حاجة, أنا كنت مركب تيل قبله كان بيشيط و ياكل الطنابير, انما البوش الايطالي زيه زي الالماني.

و للعلم انا سمعت كلام ان التوكيل بيجيب الايطالي و يركبه علي انه الماني بس معرفش مدي صحة الكلام.

تحياتي.

السلام عليكم

شكرا جزيلا لك, ها اجرب التيل البوش الايطالي ان شاء الله

بالنسبه للطنابير, حضرتك ماشي بيها كم كيلو حاليا؟ وهل قمت بتغيير او خرط الطنابير عند تغيير التيل او ماهي نصائحك بهذا الخصوص؟ او اكمل على استخدامها كما قال الاخوه بالاعلى مع العلم ان شوفت وسمعت ان طنابير الجين 2 كانوا بيغيروها لناس كتير في الضمان هل دا بسبب عيب فيها او عدم كفائها؟ ولو تعرف اين تباع طنابير جديده خارج التوكيل؟

تحياتي لكم جميعا

[Raul_7]

السلام عليكم

شكرا جزيلا لك, ها اجرب التيل البوش الايطالي ان شاء الله

بالنسبه للطنابير, حضرتك ماشي بيها كم كيلو حاليا؟ وهل قمت بتغيير او خرط الطنابير عند تغيير التيل او ماهي نصائحك بهذا الخصوص؟ او اكمل على استخدامها كما قال الاخوه بالاعلى مع العلم ان شوفت وسمعت ان طنابير الجين 2 كانوا بيغيروها لناس كتير في الضمان هل دا بسبب عيب فيها او عدم كفائها؟ ولو تعرف اين تباع طنابير جديده خارج التوكيل؟

تحياتي لكم جميعا

أنا ماشي بيها 64 الف كيلو و مخرطتهاش ولا مرة, غيرت التيل الامامي مرة واحدة و لسه التيل الخلفي مغيرتوش, متوقع اني اغيره كمان 2000 كم .

التيل الامامي فيه ريجة خفيفة مظنش انها مستاهلة خرط و كده كده الدركسيون مبيدربكش في الفرملة من 100 أو 120 فده مطمني الحمد لله.

[Ayman12345]

Good Luck