استشارة بخصوص فيتيس بروتون أوتوماتيك

[Motarjim]

السلام عليكم إخواني الأفاضل خبراء بروتون

لي استفسار أود طرحه على حضراتكم، عند تغيير وضع عصا الفيتيس من وضع r إلى وضع n دون الضغط على زر قفل الأمان أعلى العصا، يصدر صوت "تكة"، وعند الضغط على زر القفل، لا يصدر ذلك الصوت، وأنا أعلم أن ذلك طبيعي، ولا يمثل عطل ما.

السؤال، هل الأفضل الضغط على زر القفل أم عدم الضغط عليه عند التغيير بين الوضعين المشار إليهما؟

لو في أي حد لديه نصائح عامة للحفاظ على الفيتيس، فليتفضل مشكورًا مأجورًا بإسدائها ليعم النفع والفائدة.

وجزاكم الله خيرًا.

[yousefsemsem]

هو مهم تدوس عليها علشان سوسته الامان ماتنعمش لو اي حد لمس الفتيس هتعمل زي الهاند بريك بالظبط

[Motarjim]

هو مهم تدوس عليها علشان سوسته الامان ماتنعمش لو اي حد لمس الفتيس هتعمل زي الهاند بريك بالظبط

تمام أستاذ يوسف. ولكن في كتالوج العربية وحسب الرسم التوضيحي الخاص بنقلات الفيتيس، لا يتعين الضغط على زر قفل الأمان عند التغيير من وضع r إلى وضع n.

[Ahmed Amin]

صوت التكة دا طبيعي جداً زي مانت قلت واللي أعرفة أنو ترس حديد مش هيتأثر بصوت التكة دي وتأكلة هيبقي علي المستوي البعيد جدااً.
والأحسن متضغطش علي زرار الأمان وانت نازل من ال r إلي ال n وتسمع التكة عشان تعرف أنك نزلت علي n
ثم ال d لما تسمع التكة التانية..

عشان هيحصل معاك ف أوقات وهتسهي وتنزل علي ال d, زي ما كان بيحصل معايا ف الأنسر من نعومة عصا الفتيس..
وممكن تسبب مشكلة أو حادث لو أنت راكن في مكان فيه ناس قدامك أو واقف علي منحدر أو في ناس ماشية قدامك, يعني ساعتها هتعرض العربية للخطر للحفاظ علي تكة الفتيس.
التكة أمان.

[Ahmed Amin]

تمام أستاذ يوسف. ولكن في كتالوج العربية وحسب الرسم التوضيحي الخاص بنقلات الفيتيس، لا يتعين الضغط على زر قفل الأمان عند التغيير من وضع r إلى وضع n.

وزي ما الكتالوج قال لا يتعين الضغط علي زر الأمان,
يعني زي ما حضرتك عارف أنو في الحالتين هتنقل عادي بس بالزر فقط هتتحرك بحرية علي كل الغيارات..
الأفضل عدم أستعمال الزر ما بين ال r n d وانت نازل من ال r عشان ميسببش سهو ليك في أختيار الغيار والسهو عن الطريق والمرايات قبل التحرك بالسيارة بالنظر للطابلوة عشان تشوف انت علي ال n لسه ولا d أو حتي للفتيس نفسه.

زرار الأمان موجود فقط حتي لا تضع النقلة العكسية r وانت ماشي في طريق وعايز تحط العربية عال وضع المور n.

ولو أتعودت علي أستعمال زر الأمان تفكيراً منك أنو هيحافظ علي ترس أختيار الغيارات اللي بتسمع منه صوت التكة,
ممكن لاقدر الله تضيع الفتيس كله لو حطيت أيديك عال فتيس وزقيته لقدام عشان تحطلها عال n وكانت ماشية براحة او بتركن ولسه بتتحرك وراحت عال r.
أو تيجي تحطها عال N من ال D وتشيل رجلك من عال فرامل وتتفاجي أنك أديتها R والعربية بترجع بيك لورا..

علي عكس العربيات الي فتيسها لا يوجد بها زي أمان مثل البيجو,
لو غلطت وجبت r وانت ماشي بدل n فيه سنسور أمان مش بيعشق ترس ال r.

فالنصيحة لا تستخدم الزر ما بين ال R N D
وان كان دلوقتي انت عايز تستخدمة حرصاً علي الجير, فمع التعود عال فتيس هتلاقي انو أريح لك والعربية وأمان أكتر عدم أستخدام زر الامان ما بين الغيارات دي

[Al-Farooq]

بستعمل الزرار من ال r ل n مع انه غير ضروري ، دي الحالة والوحيدة اللى بستخدمه على خلاف دليل المستخدم علشان مبحبش اسمع الصوت ولو حد جنبك وميعرفش ممكن تلاقيه اتخض او بيبص يشوف ايه اللى حصل ، ومظنش ان دة هيأثر عليه في حاجة ، اللهم إلا اذا استعملته خطأ بس اغلبنا بيكون حافظ اماكن الغيارات زي اسمه.

[D . a .\ AYMAN]

أنا عن نفسي بحب أسمع صوت التكة أصلا وأنا نازل من الـ r للـ n