الريداتير

[tamer_aj]

حصل مشكلة عندي في الريداتير , أمبارح لقيت الحرارة داخلة علي ال 120 فطبعا وقفت, و القيت العربية بتجيب ميه من تحت ناحية الريداتير بس مقدرتش احدد منين بالظبط, فا أستنيت العربية بردت و زودت ميه, أخدت حوال 2 لتر, بس الغريب أنها منعت تسريب و دورة المية أشتغلت زي الفل...!!!, فا ده يبقي عيب ايه؟, طيب و لو الريداتير فيه مشكلة مش المفروض أنه يجيب ميه علي طول و مايمنعش,؟ طيب لو الريداتير, أصلح (فين), و لا أغير (برده فين)؟

[Khaled Lanos]

روح أكبس دورة التبريد أكيد في خرم في الريداتير أو حاجة في المواسير..أكيد التسريب منع لأن المية بطلت تغلي وبالتالي الضغط بتاعها قل.

[mem]

ما تقلقش يا باشا
الميه ده جت نتيجه الضغط القوى بعد ارتفاع الحراره فوق المعدل الطبيعى بكتيير
فشده الضغط ده بتخلى الميه ممكن تيجى من القربه بتاعت الميه وده بيبقى الاحتمال الاكبر بيجى من الفايظ بتاعها
او من وصله القفيز مش محكم للدرجه المثلى
فلا تقلق واهم حاجه تخلى بالك من موضوع الحراره ده لان عواقبه كثيره ويا قدر الله
العربيه تجيب وش سلندر

[Gelgel2004]

روح اكشف عند مجدى اللى فى جسر السويس امام مستشفى منشيه البكرى العام من جسر االسويس
امين و فاهم و يدلك على الصح
و بعد ما تتطمن ضيف و اغسل دوره التبريد ب محلول تبريد تركيز 40 %
تحياتى

[tamer_aj]

متشكر جدا يا جماعة لردودكم, أنا فعلا روحت كشفت عند واحد بتاع ريداتيرات, و لاقي الريداتير كان فيه ماسورة مكسورة, فا لحم الكسر مؤقتا , و قالي اللحام ممكن يمشيني سنة, فا انا قولت مش مشكلة, عشان أنا مسافر و هارفع العربية.