ناوي أشتري جين 2 وليا استفسار

[mostafeno333]

السلام عليكم ورحمة الله وبركاته
أولا بشكر كل الناس في قسم بروتون عالمعلومات والمجهود الكبير اللي بيعملوا واللي عرفني علي العربيه الجميله دي وشجعني عليها

أنا بعد حيره كبيره زيي زي أي واحد في موقفي واللي هو اني معايا مبلغ محدود وطمعان في عربيه ترضي كل كل احتيجاتي اللي محتاجهها في عربيه تكون شكلها حديث وفيها كماليات وقوية وسعرها معقول ومش معقده ومش مكلفه كمان واللي هي ال جين 2 بكل المقاييس ( ده بعد المعلومات اللي أخدها من المنتدي والقسم تحديدا )

الاستفسار الوحيد واللي ملقتش ليه اجاية محدده
هل أي ميكانيكي يقدر يشتغل في العربيه عادي وبسهوله ولا محتاجه متخصصين او ناس محددين ( أنا هشتريها مستعمله يعني من 2006 ل 2008 ) ؟؟

السؤال ده لأني من طنطا وصعب عليا مشوار القاهره ده

وشاكر ليكم جدا

[yousefsemsem]

ماتقلقش عندنا صنايعيه تمام انت بتشكك في قدرات الطنطاويه وﻻ ايه ياعم مصطفي في احمد علام اللي في المرشحه وبرضه في مراكز صيانه في سكه المحله وميدان اسكندريه لكن اللي بيشتغل فيهم احمد علام محترم اوي ومتدين وعارف ربنا وضميره انا بعمل الشغل عنده

[mostafeno333]

ده انا كده اشتري وانا مغمض بقي يا استاذ يوسف ... ده انا ساكن في اخر بطرس يعني دقيقه وابقي عنده

[yousefsemsem]

توكل علي الله بس اكشف علي العربيه تمام الاول قبل ماتدفع فلوسك

[mostafeno333]

تمام ياباشا والف شكر ليك
معلش استفسار تاني بخصوص قطع الغيار هلاقيها متوفره عندنا برضو ؟؟

[yousefsemsem]

حاجتها كلها عند البهي مستعمل

[mostafeno333]

عاجز عن الشكر ياباشا والله بس ممكن تقولي البهي في شارع ايه ومعلش تاعب حضرتك معايا

[Gexo]

ماتقلقش عندنا صنايعيه تمام انت بتشكك في قدرات الطنطاويه وﻻ ايه ياعم مصطفي في احمد علام اللي في المرشحه وبرضه في مراكز صيانه في سكه المحله وميدان اسكندريه لكن اللي بيشتغل فيهم احمد علام محترم اوي ومتدين وعارف ربنا وضميره انا بعمل الشغل عنده

كدا تمام اويي يا باشا..انا لسه جيناوي جديد وكدا اطمنت اكتر لما عرفت ان فيه حد في طنطا بيفهم في الجين

[yousefsemsem]

البهي ده علي السريع وانت رايح القاهرة بعد ماتعدي سبرباي او لو انت خرجت من طريق المحله رايح اسكندريه هتلاقيه علي ايدك الشمال

[mostafeno333]

كدا تمام اويي يا باشا..انا لسه جيناوي جديد وكدا اطمنت اكتر لما عرفت ان فيه حد في طنطا بيفهم في الجين :s_thum1[1]:

انت طلعت زمل بقي ...
أخبار الجين معاك ايه ؟؟

[mostafeno333]

البهي ده علي السريع وانت رايح القاهرة بعد ماتعدي سبرباي او لو انت خرجت من طريق المحله رايح اسكندريه هتلاقيه علي ايدك الشمال

تسلم ياباشا وربنا يباركلك ويحميك

[Gexo]

انت طلعت زمل بقي ...
أخبار الجين معاك ايه ؟؟

بسم الله ما شاء لله العربيه جميله وسحبها حلو وثباتها ما شاء الله وتكييفها جميل غير بعض الملاحظات البسيطه اللي مش مأثره عليا لكن برده لازم اخد بالي منها واقولها للصيانه وانا رايح اعمل صيانة الالف :)
وانت اخبارها معاك ايه

[yousefsemsem]

بسم الله ما شاء لله العربيه جميله وسحبها حلو وثباتها ما شاء الله وتكييفها جميل غير بعض الملاحظات البسيطه اللي مش مأثره عليا لكن برده لازم اخد بالي منها واقولها للصيانه وانا رايح اعمل صيانة الالف :)
وانت اخبارها معاك ايه

عربيتك رصاصي سلفر 2013 صح ولو هي انا شوفتها فشارع سعيد مرة كانت الساعه 3 كده بس بسم الله ماشاء الله ربنا بارك فيها واي عربيه فيها ملاحظات

[Gexo]

عربيتك رصاصي سلفر 2013 صح ولو هي انا شوفتها فشارع سعيد مرة كانت الساعه 3 كده بس بسم الله ماشاء الله ربنا بارك فيها واي عربيه فيها ملاحظات

لا والله يا كبير عربيتي سودا ولسه معلق نمر تجاريه على ما ورق العربيه يجي وارخص...العربيه السيلفر على فكره بتبقى موجوده بالليل تقريبا قدام فريسكي...والله يبارك فيك يا باشا ربنا يخليك وعارف ان اي عربيه فيها ملاحظات وانا مش متضايق من الملاحظات..وبعدين دول هما ملاحظتين..الاولى ان التكييف لما بشغله على السرعه البطيئه بسمع صوت زنه ورجه بسيييطه في الدواسه حتى المرايه اليمين بتتهز شويه صغيرين جدا...والتانيه ان المساعدين ورا لما باخد مطب في الارض او حفره صغيره كدا بحس انه بيتهبد هبده بسيطه...الحمد لله الكلام دا مش مأثر عليا وعلى اختياري والحمد لله العربيه على سعرها دا والاوبشن اللي فيها يا بلااااش

[mostafeno333]

بسم الله ما شاء لله العربيه جميله وسحبها حلو وثباتها ما شاء الله وتكييفها جميل غير بعض الملاحظات البسيطه اللي مش مأثره عليا لكن برده لازم اخد بالي منها واقولها للصيانه وانا رايح اعمل صيانة الالف :)
وانت اخبارها معاك ايه

ربنا يباركلك فيها ويكفيك شرها ويحميهالك

اما انا فلسه هشتري وهتبقي مستعمله