جيناوى بروتوناوى جديد واستفسار صغير

[Ahmed.Fahmy]

السلام عليكم
يسعدنى انضمامى الى اسرة البروتون
الحمد لله ربنا اكرمنى واشتريت من 3 اسابيع كدا جين2 2013

العربية ما شاء الله جميلة جدا وثابتة ما شاء الله على السرعات وتعتبر صفقة رابحة على كل اللى فى نفس فئتها بغض النظر عن الفرامل العجيبة شوية والبنزين "الحساس" جدا...

السؤال بقى، العربية دركسيونها تقيل جدا، هل دا الطبيعى وللا العربية فيها مشكلة؟؟

انا بقارن بالاوكتافيا a4 مثلا اللى كان دركسيونها تقيل بردو بس مش كدا، هى صعب تلفه بايد واحدة وهى واقفة وتقيلة فى الملفات.. هل دا طبيعى؟

[amrseif]

باور البروتون بصفة عامة تقيل شوية عن معظم ماركات السيارات و ده اعتقد انه مقصود عشان تستطيع التحكم بيها بكل سهولة فى السرعات العالية و فى الملفات الصعبة , و ده مش عيب و لا حاجة و بعض فترة كدة ممكن تتعود عليها و تحبها كمان !!
احساسك بان العربية ديه تقيلة و قوية و مختلفة عن معظم العربيات التانية احساس بجد جميل خصوصا فى الشد و الجرى ..........

[eng.m7md.ali]

باور الجين2 زي باور اللانوس تقريبا .. مش خفيف ومش تقيل بس حلو ومش متعب .. باور الواجا اتقل منها ومتأقلم جداً وده ميزة على السرعات العالية وممكن يبقى عيب وانت بتركن

تقريبا الاوكتافيا a4 انا سوقتها قبل كدة وكان الباور خفيف جداً كأنه كهربة مش عارف هو فعلا كهربة ولا لا

الف مبروك على العربية صحيح :)

[Ahmed.Fahmy]

باور الجين2 زي باور اللانوس تقريبا .. مش خفيف ومش تقيل بس حلو ومش متعب .. باور الواجا اتقل منها ومتأقلم جداً وده ميزة على السرعات العالية وممكن يبقى عيب وانت بتركن

تقريبا الاوكتافيا a4 انا سوقتها قبل كدة وكان الباور خفيف جداً كأنه كهربة مش عارف هو فعلا كهربة ولا لا

الف مبروك على العربية صحيح :)

thanks يا حبى الله يبارك فيك
الباور بتاع السكودا مش كهربا خالص بس اخف من الجين2
بس بصراحة الجين باورها تقيل... كدا المدام هيطلعلها عضلات وهتقوللى انت اللى اختارت العربية

بس بصراحة ما شاء الله اكتر حاجة عاجبانى فى العربية الثبات لغاية 200كم/ساعة مش مصدق نفسى

[Gexo]

اولا مبروك عليك وربنا يديك خيرها ويكفيك شرها ان شاء الله..انا لسه شاري الجين برده من الاسبوع اللي فات وعملت بيه 350 كيلو بحكم شغلي وفعلا اول ما جبتها الباور كان تقيل جدا بس عرفت بعد كدا ان العربيات السبور لازم يبقى بورها تقيل شويه..بس صدقني لما تمشي بيها كيلوات شويه هتلاقي الباور بدأ يبقى خفيف شويه معاك..عن تجربه وحصلت معايا...واستمتع...بس معلش استفسار ليك بقى ...انت لما بتشغل التكييف وانت واقف بتحس بهزه بسييييييييييييطه جدا في الدواسه ولا لأ؟؟؟

[Ahmed.Fahmy]

اولا مبروك عليك وربنا يديك خيرها ويكفيك شرها ان شاء الله..انا لسه شاري الجين برده من الاسبوع اللي فات وعملت بيه 350 كيلو بحكم شغلي وفعلا اول ما جبتها الباور كان تقيل جدا بس عرفت بعد كدا ان العربيات السبور لازم يبقى بورها تقيل شويه..بس صدقني لما تمشي بيها كيلوات شويه هتلاقي الباور بدأ يبقى خفيف شويه معاك..عن تجربه وحصلت معايا...واستمتع...بس معلش استفسار ليك بقى ...انت لما بتشغل التكييف وانت واقف بتحس بهزه بسييييييييييييطه جدا في الدواسه ولا لأ؟؟؟

الاول الله يبارك فيك ومبروك ليك انت كمان

انت بتقول بقى هزة بسيطه؟!!

يا باشا قول الموتور بيعمل نفسه 3000 سى سى، العربية بتمثل، بقول خلاص دقيقتين وهلاقى التابلوه عليه تلج ومتشقق زى الافلام

هى صوتها عموما عالى وبيعلا مع التكييف اكتــــــــــــــــر فعلا....

بس ليه بقى؟!! عشان...................

[Gexo]

الصوت العالي في الاول دا طبيعي في الاول عشان لسه تليين الموتور...انا ليا واحد صاحبي كان جايب تيجو زيرو وصوت الموتور كان عالي اوي لكن بعد كدا لما بركب معاه مبقتش بسمع صوت الموتور...لكن هزه العربيه مع تشغيل مروحة التكييف لما اعمل الصيانه ان شاء الله هقولهم عليها ممكن تكون دا طبيعي...لكن اللي اعرفه وسمعته ان تكييف الجين صوته عالي هسه عن العربيات التانيه

[D . a .\ AYMAN]

هو التكييف فعلا لما بيشتغل بيعمل هزة خفيفة كدة (فيبراشن) في كل جسم العربية وده بسبب المروحة بتاعته لأن الآر بي إم بتاعها عالي شوية وتصميمها مش مساعد ... لما تقولهم عليها في الصيانة بيحطو عليها حاجة زي زيت أو wd-40 وبتهدى شوية ... بس بعد فترة هاتتعود عليها .. أو هي صوتها هايهدى .. بصراحة مش عارف هي صوتها هدي ولا أنا اللى اتعودت

وربنا يباركلكوا في عربياتكم جميعا يارب ويرزقكم خيرها ويحفظكم من شرها

[Gexo]

هو التكييف فعلا لما بيشتغل بيعمل هزة خفيفة كدة (فيبراشن) في كل جسم العربية وده بسبب المروحة بتاعته لأن الآر بي إم بتاعها عالي شوية وتصميمها مش مساعد ... لما تقولهم عليها في الصيانة بيحطو عليها حاجة زي زيت أو wd-40 وبتهدى شوية ... بس بعد فترة هاتتعود عليها .. أو هي صوتها هايهدى .. بصراحة مش عارف هي صوتها هدي ولا أنا اللى اتعودت

وربنا يباركلكوا في عربياتكم جميعا يارب ويرزقكم خيرها ويحفظكم من شرها

انا عارف من جروب الجين عالفيس بوك ان صوت التكييف عالي شويه عن الطبيعي...وعشان كدا هعرف منهم في الصيانه ان شاء الله اذا دا كان الطبيعي ولا لأ عشان اتعود عليه..هوا دلوقتي مش مضايقني وانا اصلا كمان مشغله والعربيه لسه كانت عامله 300..مش هحكم الا بعد الالف ان شاء الله ومتشكر بجد على المعلومه دي