التيل - الزيت - الفتيس

[soteer10]

صباح الخير

انا كل شوية ازهق الناس معايا بس انا فعلا مش عارف اعمل ايه

انا جايب البروتون و مفيش حد غيري في العيله او اصحابي يعرف عنها حاجه كلهم لانسر

المهم في شويه حاجات مش عارف ايه الحل فيها

1- انا عايز اغير تيل خلفي للعربيه صوته و حش وانا عالهادي وبوقف واطلع باسمع صوت جامد

في نوع منتشر للانسر اسمه Gold ده كوري حسب كلام المحل بس سعره رخيص 100 جنيه وناس كتير مركبه بتاع اللانسر بتاعه وبيقولوا معقول



2 - الزيت في زيت اسمه liQUI Molly الزيت ده انتشر بسرعه والناس بتشكر فيه مش عارف ده ايه نظامه وغير كده في مواصفات معينه لزيت الموتور البروتون ولا اي زيت يبقي كويس

وكنت عايز اعرف الزيت لازم يتغير امتي

ولو غيرت الزيت بنوع تاني لازم اغير الفلتر ولا مش شرط

وهو لازم ان انا اسخن العربيه الصبح ولا الكلام ده ملوش معني




3- الفتيس و الباور اطمن علي الزيت بتاعم ازاي واجيبلهم زيت ايه وهو لازم يتزود ولا بيتغير كله مره واحدة



ولو اي حد عندة اي معلومات تانية تفيد ياريت ميبخلش عليا عشان انا مش عارفلها حاجه خالص

[soteer10]

سوال كمان

انا عندي الاكصدام الامامي مفارق عن الكبوت حوالي 0.5 - 1.00 سم
ليها حل ولا ايه

[yousefsemsem]

معلشي هي نوع العربيه ايه لازم تحدد علشان الناس اللي هنا تعرف تساعد

[soteer10]

انا اسف

العربية جين 2
2009

[mohamed ragab]

بص يا باشا ممكن حضرتك تغير الزيوت ( الموتور والباور والفتيس ) وتبتدي تحسبلهم من الاول انا عن نفسي برشح زيت شل 5000 والفلتر هو بتاع الانسر وموضوع الاكصدام ممكن تروح عند سمكري كويس يظبطهولك
اما التيل انا علي حد علمي ان تيل الجين الخلفي مش بيركب عليه غير التيل بتاعها بس واحسن تجيب حاجتها من شارع دمشق

[abdoumahros]

اسال براحتك

اسال براحتك ولايهمك قسم بروتون هايجاوبك
بالنسبه لزيت الموتور انا شخصيا بستعمل توتال 5000 الاف ومريحني وممكن برضه شل 5000 او كاسترول لكن لما تغير نوع الزيت لازم تغير الفلتر
بالنسبه لتيل الفرامل الامامي ممكن تركب اي تيل بتاع فيات بترا وده متوفر عند بتوع قطع غيار فيات وافضلهم تيل المايلي الالماني واليورو جولد الايطالي ودول في حدود 200 جنيه اما التيل الخلفي انا بستعمل fbk الماليزي احيانا بيصفر وانا راجع للخلف فقط لكن وانا ماشي للامام مابيصفرش والحمد لله

[canner]

من الافضل لما تغير الزيت تغير معاه الفلتر

[soteer10]

انا قدامي التيل ده وسعره خلفي 100 والناس بتشكر فيه اوي للانسر


الزيت بفكر اجرب موللي او توتال بس انا مش عارف اختار علي اساس ايه




3- الفتيس و الباور اطمن علي الزيت بتاعم ازاي واجيبلهم زيت ايه وهو لازم يتزود ولا بيتغير كله مره واحدة

[soteer10]

ايه يا جماعه التيل ده كويس ولا لا

وفي صوت بيظهر لما ادوس فرامل عالهادي كانها حديد بيخبط في حديد

والطنابير لما جيت اكشف عليها لقيتها معرجه خفيف حوالي 0.2 مم محدش يلاحظهم بس بحكم شغلي خدت بالي منها

[tutankhamoun]

يا باشا موضوع التيل ده أتفقنا عليه أن التيل الخلفي ملوش بديل غير بتاع الجين 2 بس .

الامامي بديله أي تيل بيركب على عربية فيها نفس نظام فرامل الجين 2 زي الفيات بترا و البرافا على ما أعتقد .أو تيل جين 2 أصلي من التوكيل .
الأسترخاص في الحاجات دي ممكن يبوظلك الديسكات .

الزيت اتكل على الله في توتال أو شل .

زيت الفتيس غيره في التوكيل و معاه زيت الباور .
لو عندك معلومات عن صيانة العربية قبل ما تشتريها هاتسعدك و تساعدنا كتير في النصايح .

[soteer10]

يا باشا موضوع التيل ده أتفقنا عليه أن التيل الخلفي ملوش بديل غير بتاع الجين 2 بس .

الامامي بديله أي تيل بيركب على عربية فيها نفس نظام فرامل الجين 2 زي الفيات بترا و البرافا على ما أعتقد .أو تيل جين 2 أصلي من التوكيل .
الأسترخاص في الحاجات دي ممكن يبوظلك الديسكات .

الزيت اتكل على الله في توتال أو شل .

زيت الفتيس غيره في التوكيل و معاه زيت الباور .
لو عندك معلومات عن صيانة العربية قبل ما تشتريها هاتسعدك و تساعدنا كتير في النصايح .

شكرا جدا لرد حضرتك

انا مش بحاول استرخص ولا حاجه لكن المشكله كلها ان انا من المنصوره وحاليا مش هقدر انزل القاهره اجيب الحاجات دي عشان كده عايز اجيب حاجه تمشيني كده علي ما انزل القاهره اجيب حاجتها ومفيش قدامي خلفي نهائي لكن موجود امامي زي ما حضرتك قلت




---------------------
انا غيرتلها زيت توتال زي ما حضرتك قلت جبت ال 5000

-----------------------


للاسف مفيش معلومات عن صيانه العربيه و عشان كده عايز اطمن علي زيت الباور و الفتيس و مش عارف ازاي كل اللي اعرفه ان الباور الزيت بتاعة مليان كويس

----------------------------


سوال المفروض اغير التيل كل اد ايه تقريبا انا عارف ان ليها علاقه كبيره بطريقه السواقه لكن تقريبا كام الف كيلو لان النوع ده بيتغير بعد 5 الاف كيلو



شكرا

[ghoneim]

فيه اتنين بيبعوا حاجات بروتون فى المنصورة غير التوكيل اللى لم اعد اعدى من الشارع اللى هو فيه
شكرى فى الحسينسة
وماجد فى مساكن العبور
انا مجرب ماجد ومريحنى فى الاسعار والمعاملة والجودة
شكرى جربته مرة واحدة بس مرتحتش للتعامل معاه (رأى شخصى)

[soteer10]

انا باذن الله هعمل شويه حاجات صغيره كده في العربيه

عندي
1- بكرة تكييف ناقص الدايره البلاستك اللي حواليها

2- الهوايات مش مظبوطه

3- فلتر التكييف عايز يتغير

4- الاكصدام امامي نازل شوية بعيد عن وش العربيه

5-الفوانيس بفكر المعها و انضفها

لكن التيل الحمد الله الامامي و الخلفي لسة كويسين والميكانيكي قاللي تمام

حاجه تانيه انا فرامل اليد كانت عاليه بقول للميكانيكي قاللي دي ملها رجلاش الكلام ده صح ولا ايه


فلتر الهواء بتاعها اغيره ولا انضفه ولو جبت حاجه نضيفه تعمل كام وهتفرق في البنزين ولا لا


في ناس بتنصحني ان لازم اكشف كمبيوتر علي العربيه لان بيبقي فيه اخطاء لازم تترست ودة بيحسن الاداء




السوال المهم العربيه عمرها ما كملت في التفويله اكتر من 35 لتر مع العلم ان العربيه بتكون منوره بنزين و تقريبا فاضيه علي الاخر لكن الكتالوج بيقول انها 50 الكلام ده صح

سوال اعرف كود الكاسيت منين وامتي هحتاجه

[D . a .\ AYMAN]

حاجه تانيه انا فرامل اليد كانت عاليه بقول للميكانيكي قاللي دي ملها رجلاش الكلام ده صح ولا ايه

فرامل اليد ليها رجلاش من تحت اليد نفسها ليها مسمار بيتربط أو يتفك عشان يضبطها .. الضبطة الصح ليها إنها لما تشدها تعمل ثلاث تكات أو أربعة بحد أقصى خمسة

في ناس بتنصحني ان لازم اكشف كمبيوتر علي العربيه لان بيبقي فيه اخطاء لازم تترست ودة بيحسن الاداء

طالما لمبة التشك إنجن ... اللى هي لونها برتقالي ... مش منورة يبقى خلاص مش محتاج تكشف عليها ولا حاجة

السوال المهم العربيه عمرها ما كملت في التفويله اكتر من 35 لتر مع العلم ان العربيه بتكون منوره بنزين و تقريبا فاضيه علي الاخر لكن الكتالوج بيقول انها 50 الكلام ده صح

السؤال ده مش لاقيله إجابة لغاية دلوقتي بصراحة ... لأن برضه نفس القصة عندي

سوال اعرف كود الكاسيت منين وامتي هحتاجه

كود الكاسيت الافتراضي 0000 أربع أصفار ... إلا لو كان متغير

يا باشا موضوع التيل ده أتفقنا عليه أن التيل الخلفي ملوش بديل غير بتاع الجين 2 بس .

الامامي بديله أي تيل بيركب على عربية فيها نفس نظام فرامل الجين 2 زي الفيات بترا و البرافا على ما أعتقد .أو تيل جين 2 أصلي من التوكيل .
الأسترخاص في الحاجات دي ممكن يبوظلك الديسكات .

الزيت اتكل على الله في توتال أو شل .

زيت الفتيس غيره في التوكيل و معاه زيت الباور .
لو عندك معلومات عن صيانة العربية قبل ما تشتريها هاتسعدك و تساعدنا كتير في النصايح .

أول مرة أعرف المعلومة دي ... يعني حتى البوش سواء الإيطالي أو غيره ما فيش منه للفرامل الخلفية ... أنا كنت متخيل إنه موجود منه للأمامي والخلفي

[soteer10]

حاجه تانيه انا فرامل اليد كانت عاليه بقول للميكانيكي قاللي دي ملها رجلاش الكلام ده صح ولا ايه

فرامل اليد ليها رجلاش من تحت اليد نفسها ليها مسمار بيتربط أو يتفك عشان يضبطها .. الضبطة الصح ليها إنها لما تشدها تعمل ثلاث تكات أو أربعة بحد أقصى خمسة

ممكن صوره لمكانة فين


في ناس بتنصحني ان لازم اكشف كمبيوتر علي العربيه لان بيبقي فيه اخطاء لازم تترست ودة بيحسن الاداء

طالما لمبة التشك إنجن ... اللى هي لونها برتقالي ... مش منورة يبقى خلاص مش محتاج تكشف عليها ولا حاجة

السوال المهم العربيه عمرها ما كملت في التفويله اكتر من 35 لتر مع العلم ان العربيه بتكون منوره بنزين و تقريبا فاضيه علي الاخر لكن الكتالوج بيقول انها 50 الكلام ده صح

السؤال ده مش لاقيله إجابة لغاية دلوقتي بصراحة ... لأن برضه نفس القصة عندي

سوال اعرف كود الكاسيت منين وامتي هحتاجه

كود الكاسيت الافتراضي 0000 أربع أصفار ... إلا لو كان متغير

[color="rgb(139, 0, 0)"]
ولو اتغير اعرفه ازاي
وده مهمته ايه
[/color]

أول مرة أعرف المعلومة دي ... يعني حتى البوش سواء الإيطالي أو غيره ما فيش منه للفرامل الخلفية ... أنا كنت متخيل إنه موجود منه للأمامي والخلفي

[color="rgb(139, 0, 0)"]لو جبت فلتر هواء رياضي بيزود الاداء ولا لا وهل هو كفايه ان انا انضف الفلتر وخلاص بتاعها[/color]