محتاج رايكم فى اسرع وقت ممكن

[padawy]

معروض عليا جين 2 2008 اوتوماتيك ولكن صاحب السياره بيقولى البور مش شغال ممكن اعرف اسباب عطله وتكلفة التصليح فى حدود كام

[padawy]

مع العلم انا بها خبطهه فى الرفرف اليمين والاير باج فتح بسببه

[padawy]

مفيش حد يرد على سؤالى فىن اهل الخبرة

[Gexo]

من رايي المتواضع انا لا خبير ولا حاجه بس بناقصها ياباشا...باور مش شغال وكلوك سبرنج وحوارات هتدخل نفسك فيها ملهاش لازمه...وبرده تاخد رأي الخبراء اللي هنا

[eng.m7md.ali]

خبطة في الرفرف متفتحش الايرباجز .. اكيد حصل حاجة من تحت مثلا

ونصيحة بلاش لان تكلفة تصليحها مش هتبقى سهلة خصوصاً ان دول 2 ايرباجز مفتوحين + طلمبة باور مثلا

[S O P H O S]

بلاش افضل العربية دي فرأي

[Al-Farooq]

خدها اكشف عليها وشوف تكاليف تصاليحها كام ، وعلى الاساس دة اتفاوض معاه على الثمن ،
يعني لو هتتكلف الف خليه ينزلها الف ، لو رافض وهي عجباك وسعرها مناسب خليه يصلحها وادفع له الثمن المتفق عليه.

وانت كدة كدة المفروض تكشف عليها ، وفعلا فى مرات حصلت ان الاير باج بيفتح بدون حوادث وبدون اى حاجة فى الموديلات القديمة وكان فى عيب مشهور وكانت بتتصلح ضمان
وحتي بعد ما فترة الضمان الاصلية كانت بتخلص كانت بتتصلح ضمان بردو لأن دة عيب صناعة ، ونفس النظام فى الكلوك سبرنج.

[lad]

بلاش منها احسن

[mohamed ragab]

اكشف عليها عند حد هيصلحها كلها واعرف تكاليف التصليح واستلمها سليمه احسنك ولازم السعر يكون مغري جدا علشان تشتريها

[yousefsemsem]

انا برضه راي من راي الاعضاء اللي قالولك لازم يكون سعرها في التحتاني وتعرف تكاليف تصليحها يعني تشوف تمنها سليمه وتمن اللي معروضه عليك والتكاليف ولو العمليه ظابطه معاك توكل علي الله اصل راي الشخصي ان لما حاجه تبوظ يبقي لازم تتصلح مش ابعد عنها يعني اهم حاجه تكون تتصلح صح مايبقاش فيها عيوب تانيه