لو عاوز تثبت الشاشه على trip بدلا من الرجوع التلقائي للساعه اتفضل

[neejm]

بسم الله الرحمن الرحيم
هوا الموضوع بسيط لكن بيخنق احيانا لما تبقى شاري العربيه جديده و مظبوطه على الرجوع للساعه تلقائيا و خصوصا لما تبقى عاوز تثبت الشاشه على عداد الرحلات او على معدل استهلاك البنزين او مثلا المسافه المتبقيه.... باختصار عشان مطولش عليكم
انتا عندك فى التابلوه زرارين الاول دا اللى بتقلب بيه (trip ) والاستهلاك .. الخ و التاني بتاع ظبت الساعه او الريست
لو انا عاوز الغي نظام الرجوع للساعه التلقائي و اخلى الشاشه تثبت على الاختيار بتاعي اللى انا اخترته
بجيب الشاشه على الساعه و بدوس على الزراين فى وقت واحد لعدة ثوانى دوسه طويله شويه
و بالتالى بتلاقى الشاشه بتتحول للرحلات حضرتك تبدأ تشيل ايدك بقى من على الزراين لانها كده عملت Deactivate للرجوع التلقائي للساعه .
تقدر تقلب على اى شيئ دلوقتى مش هترجع الساعه لوحدها هتثبت على اللى انتا اخترته حتي بعد اما تقفل العربيه و تشغلها تانى هتثبت على اخر اختيار عادي تقدر تثبتها على استلاك البنزين و تتابعه براحتك
حاجه كمان لو حبيت ترجع نظام الرجوع التلقائي للساعه تقدر تجيب الشاشه على عداد الرحلات و تدوس على الزرارين فى نفس الوقت بردو دوسه طويله هتعمل activate تانى زي مكانت الاول
شكرا على المتابعه
السلام عليكم و رحمة الله وبركاته

[mostafeno333]

تسلم

[mohamed ragab]

موضوع جميل جدا جداااااا

[canner]

الف الف الف شكر فعلا انا كنت عاوز المعلومات دى

[soteer10]

شكراااااا

[shakshak2011]

أول مره اعرف المعلومه ديه .. شكراً جزيلاً

[neejm]

الحمد لله ان الموضوع عجبكم انا اللى شاكر لاهتمامكم

[Ahmed_Adham]

الماليزيين عاملين شغل جامد أهو.

[neejm]

الصراحه مستوي بروتون اتحسن كتير من بعد ما دمجو شركه لوتس فى تصنيع العربيه ديه حقيقه يا باشا

[Al-Farooq]

الف شكر على موضوعك ، جزاك الله خيراً.

[D . a .\ AYMAN]

جزاكم الله خيرا على نقل المعلومة

فعلا هو كتوب في الكتالوج بتاعها الموضوع ده

أنا خليت الكاسيت ثابت على الساعة ... بس للأسف ساعة الكاسيت بتقدم كذا دقيقة كل فترة ولازم تتظبط ... عشان كدة شكلي هارجع أخلي الساعة بتاعة العربية هي اللى ثابتة بس مشكلتها إنها مش باينة للراكب اللى جنبي وكل شوية بقى أي حد جنبي هايسألني على الساعة