عيب مستفز جدا فى البيرسونا

[neejm]

السلام عليكم
دلوقتى انا معايا بيرسونا 2012 بعاني من حاجه ممله جدا و اكتشفت انها فى كل العربيات مش عندي انا بس.. ان الزرار بتاع فتحت التهويه بتاعت التكييف اللى بيخلى تقليب الهواء داخلى او من الخارج دا بيقفل مع الكونتكت و لازم كل مره للاسف تدوس عيله بايديك و طبعا انتا ممكن تطفى العربيه و تشغلها اكتر من مره فى الطريق لو بتشتري حاجه من كذا محل و لا حاجه طبعا انتا مش هتاخد بالك انك نسيت تدوسه تانى غير لما تلاقى حراره العربيه كلها داخله من فتحات التهويه بتاعت التكييف .. دا غير ان دخول الهواء من برا العربيه اصلا محمل بالاتربه و شوائب و لو مشغل تكييف بيقلل قوة المروحه او البلاور الداخلى و بيدخلك روائح العوادم السيئه من خارج العربيه
طبعا جل من لا يسهو عشان كده هما فى اى عربيه طالما عملته مره ميفصلش مهما اتطفت العربيه و اشتغلت بيفضل شغال مش بيفصل الا اذا انتا اللى فصلته بايدك
و للعلم بردو انا سالت على الحكايه ديه اول ماشريت العربيه مهندس الصيانه الكبير في السن اللى جوه انا مش متذكر اسمه قالي هيا العربيه ديه كده
انا مجرب الساجا الموضوع دا مش فيها الزرار بتاع التهويه بيفضل شغال مش بيفصل مع الكونتكت
اسف على الاطاله فى الكلام لكن الموضوع ضايقني جدا و اتمني ان يكون ليه حل فيما بعد
شكرا جزيلا للاهتمامكم
والسلام عليكم و رحمة الله وبركاته

[Ahmed.Ali]

متقلقش ايديك هتتبرمج اول ما تركب العربيه هتلاقي تفسك قفلته لوحدك

[bmya]

ممكن تخلي كهربائي يعدلهالك لو مضايقك اوي

[benmatar]

كان معايا في الأوكتافيا كدا وموجود في البيجو406 وهتلاقيه في كذا موديل (وبالأخص انظمة التكييف الديجيتال)
بيعتبروا إن الهواء لازم يتجدد في العربية (معندهومش تراب وهباب) وبيعتمدوا على وجود فلتر هواء نظيف.

[neejm]

طبعا مشكورين جميعا على الرد لكن انا نسيت اقولكم ان الموضوع دا بياثر على عمر الفلتر بتاع التكييف لان الهوا عندنا مليان تراب والتراب دا بيعدي على الفلتر يكتمه
والله يا استاذ احمد على انا اتعودت عليه لكن احيانا فى الطريق لما بركن العربيه فتره قصيره وارجع بنساه ومفتكرش غير لما صهد الموتور طالع فى وشى ههههههههه
bMYA والله هيا لسه فى الضمان تطلع من الضمان متهيالى لو عملت كده
BENMATAR التكييف عندى مش ديجيتال دا عادي من غير شاشه حتى

[monamize4]

و اكتشفت انها فى كل العربيات

مش ف كل العربيات يا باشا
بس هو فعلا عيب ممل

[a7mad_mo7amad6]

مممم..شيء غريب
عندي في اابيرسونا بتاعتي مش كده بيفضل على وضعه مجرد مفتح التككيف لمبة الهوا بتنور
بس انا 2009

[mramzy]

على فكره فى الماتركيس برضه
بس انا شايف انه مفيد جدا علشان لما تركن فى الشمس وناسى تفتح تهويه الزجاج مش ينفجر او يسرطن

[a7mad_mo7amad6]

سوري على المعلومة الخطأ
طلعت بدوس عليه بس مه التعود مبقتش اخد بالي

[neejm]

مش ف كل العربيات يا باشا
بس هو فعلا عيب ممل

انا اقصد كل العربيات البيرسونا و الجين تو دا عن تجربه لموديلات قديمه و زيرو لسه

[Gexo]

فعلا حتى في الجين 2013 معايا كدا برده...بس بقى هيا هتبقى تعود بس بصراحه انا الى الان مباخدش بالي غير لما بشم ريحه غريبه...اول مره اخدت بالي شميت ريحة شياط فكرت حاجه في العربيه ولما لقيت دخان من شكمان قدامي اطمنت الحمد لله :)

[Al-Farooq]

على فكرة انا شايفها ميزة ، خصوصاً فى الصيف ، لما تركن فى ناس بتفتح الشباك حاجة بسيطة علشان الحر وممكن الزجاج بتاع العربية يتأثر ، وممكن حرامي مبتدئ يجرب يسرق كاسيت ولا اى حاجة لما يشوف جزء صغير من الشباك مفتوح .

فكدة انا شايف انه أحسن لنا انها بتفتح اتوماتيك للهواء الخارجي اول ما تبطل العربية .

انا اتعودت لما اشغل التكييف اقفل الدايرة ، من غير تكييف بسيبها مفتوحة.

[neejm]

انا اتعودت لما اشغل التكييف اقفل الدايرة ، من غير تكييف بسيبها مفتوحة.

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

[Al-Farooq]

شكراً ياباشا ، ان شاء الله هعمل بنصيحتك :).

[mido_soliman]

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

لاحظت فى الموضوع كله ان تقريبا اللى مدايقك ان العمر الافتراضى للفلتر حيقل :)
ياراجل انت بتتكلم فى اية وعيب اية ؟ بقا دة عيب دة بزمتك ؟ دة انت طيب اوى
وبعدين فلتر تكييف اية اللى مزعلك اوى كدة يباشا دة مرمى فى اى حتة وكدة كدة ورق وبيبوظ يعنى مش مشكلة :)
ياراجل كبر مخك (مبارك ستايل :))