سؤال مهم حول تسخين الموتور ؟

[neejm]

السلام عليكم
هل تسخين السياره لدرجة الحراره الثابته يوميا بالصباح مفيد للموتور فى البروتون او اى سيارة اخري او بالاحري السؤال حول السيارات الحديثة عامه ؟
فى انتظار خبراتكم و اطلاعاتكم وشكرا

[tutankhamoun]

30 ثانية و تطلع بدون ضغط على الموتور لغاية ما يوصل لحرارته الطبيعية في أقل من 40 ثانية تانية .

التسخين ده أهلاك بنزين

و مكتوب كدا في الكتالوج .

[tutankhamoun]

أنا باتكلم عن لاعربيات الحديثة طبعا مش القديم .

[yousefsemsem]

انا مثلا بتاخد دقتين علي ما المؤشر يطلع مكانه الطبيعي بس ممكن اتحرك بالعربيه عادي قبلها بس مش بقرص عليها

[أحمد عبدالله]

عادى

[EL DEEB]

انا هافهمك الموضوع وانت قرر انت عايز تعمل ايه :
بص يا سيدي .. المحرك بيتكون من مواد كتيير من المعادن يعني الومنيوم وصلب وظهر وسبايك متكون من كذا معدن وحاجات من دي كتيير , كل المعادن بتتمدد بالحراره وتنكمش بالبروده بس طبعا لكل معدن معامل تمدد يعني الومنيوم اكتر معدن بيتمدد , بيتمدد جامد اوي والظهر اقل معدن بيتمدد علشان كده مكونات العربيه بتكون معموله بنسب معينه علشان لما تتمدد تبقى مظبوطه بظبط والمقاسات سليمه جدا وده بيحصل لما درجه حراره العربيه تكون في درجه حراره التشغيل العاديه يعني في النص كده او قبله بشويه , بساتم العربيه لو شوفتها بعدسه وهي بارده بيكون شكلها بيضاوي تقريبا بس لما بتسخن بيكون شكلها دائري مظبوط , ده معناه اني لو قرصت على العربيه او حملت عليها وهي بردانه هايحصل تاكل للمحرك بزياده وممكن لا قدر الله يكسر او يشرخ البساتم وده الي حصل معايا علشان مش كنت بسخن العربيه وبمشي بيها على طوول

نصيحه مني :
دور العربيه تسخن على ماتكون نظفت العربيه والدواسات واي كلام من ده مش هاتخسر حاجه لو اتاخرت 10 دقايق زياده اعتبر انك وقفت في اشاره او الطريق كان زحمه

ارجو ان اكون قد افدتك

[besso]

العربيات الحديثه مابقاتش بتاخد وقت على ما تسخن بالكتير دقيقه دقيتين حسب العربيه

علشان بقى فيه انظمه واطرق تسخن العربيه بدون ما انت تدخل
يعنى كنترول العربيه بيضخ بنزين اكتر فى الموتور لفتره معينه علشان العربيه تسخن فكأنه هو اللى بيزود بنزين بدون ما تدخل انت

[ELBERMAWY]

السياره لا تحتاج تسخين نهائي اول ما تدور امشي علطول وده مكتوب في يوسر مانوال للسياره وانا متاكد تماما ....وشكرا

[eng.m7md.ali]

انا بعمل الحركتين دول

لما بسخن العربية قبل مااتحرك لحد النص بلاقي العربية انعم وصوت الموتور اوطى .. اما لو دورت و 30 ثانية ومشيت بلاقي العكس .. اعتقد استهلاك البنزين لا يذكر بين ال2

[dr.hazem]

30 ثانية و تطلع بدون ضغط على الموتور لغاية ما يوصل لحرارته الطبيعية في أقل من 40 ثانية تانية .

التسخين ده أهلاك بنزين

و مكتوب كدا في الكتالوج .

هذا الكلام مظبوط 100%
تحياتي

Sent from my LT18i using Forum Runner

[neejm]

متشكر يا حماعه على اهتمامكم بالموضوع .... بس الصراحه حيرتوني نص الناس بتقولى سخن و النص التاني بيقول متسخنش و اطلع على طول :)

[neejm]

مفيش حاجه قاطعه فى الموضوع دا ولا ايه ؟

[Al-Farooq]

الصح هو انك تسخن لمدة 30 ثانية ويوم لما تزود يكون دقيقة بالكثير وتمشي بالراحة لحد ما توصل لدرجتها الطبيعية.
الفكرة من الموضوع دة ان الزيت يكون وصل لكل اجزاء الموتور لأنه بيكون متجمع فى الكارتيرة وبارد طبعاً، فلو دورت ومشيت مباشرة دة اهلاك للموتور على المدي البعيد طبعاً ، بس مفيش هنا فرق بين عربيات حديثة وقديمة ، دة حتي اللامبورجيني بتتسخن!

الفرق بين العربيات الحدثية والقديمة مش فى ان واحدة محتاجة تسخن والتانية لا ، الفرق فى مدة التسخين ، انت تسخن ثلاثين ثانية لدقيقة بالكثير وتنطلق ، انما القديم ممكن يقعد ثلاث دقائق وهو بيكبس لها بنزين ولا رافع "شداد بنزين" علشان متبطلش منه وهو بيسخنها ولو مشي بها قبل ما تسخن كويس ممكن تنتش منه ، وممكن تزيد مدة التسخين اكثر من كدة فى الشتاء لبعض العربيات القديمة !

[neejm]

الصح هو انك تسخن لمدة 30 ثانية ويوم لما تزود يكون دقيقة بالكثير وتمشي بالراحة لحد ما توصل لدرجتها الطبيعية.
الفكرة من الموضوع دة ان الزيت يكون وصل لكل اجزاء الموتور لأنه بيكون متجمع فى الكارتيرة وبارد طبعاً، فلو دورت ومشيت مباشرة دة اهلاك للموتور على المدي البعيد طبعاً ، بس مفيش هنا فرق بين عربيات حديثة وقديمة ، دة حتي اللامبورجيني بتتسخن!

الفرق بين العربيات الحدثية والقديمة مش فى ان واحدة محتاجة تسخن والتانية لا ، الفرق فى مدة التسخين ، انت تسخن ثلاثين ثانية لدقيقة بالكثير وتنطلق ، انما القديم ممكن يقعد ثلاث دقائق وهو بيكبس لها بنزين ولا رافع "شداد بنزين" علشان متبطلش منه وهو بيسخنها ولو مشي بها قبل ما تسخن كويس ممكن تنتش منه ، وممكن تزيد مدة التسخين اكثر من كدة فى الشتاء لبعض العربيات القديمة !

جزاك الله خير
كلامك منطقى شكرا جزيلا

[D . a .\ AYMAN]

30 ثانية و تطلع بدون ضغط على الموتور لغاية ما يوصل لحرارته الطبيعية في أقل من 40 ثانية تانية .

التسخين ده أهلاك بنزين

و مكتوب كدا في الكتالوج .

بالضبط كدة

30 ثانية وبعد كدة تطلع بس تمشي بالراحة لغاية ما درجة الحرارة توصل للمعدل الطبيعي

وعلى فكرة أول ما تطلع هاتلاقي النقلة الأولى طولت لغاية ما تنقل للثاني وده الطبيعي عشان الكمبيوتر بيؤخر النقلات لغاية ما توصل لدرجة معينة أخرى

الكتالوج بتاع العربية بتاع الناس اللى عملتها وعارفة مكوناتها بيقول كدة ... يبقى محتاج آراء ليه بعد كدة