يا اهل الخبرة................

[حسام رفعت]

معايا عربية ويرا 2006 اوتوماتيك وكان عندي مشكلة بقالها معايا فترة وهي ان كل لما امشي بيها مسافة طويلة كانت تفضل تنتش بنزين وتخنق كذا مرة لغاية ما تهدي وتقف خالص بس الكهربا بتفضل شغالة لكن اجي ادوس بنزين كأني مابدوسش اصلا وكنت لازم ابطل العربية خالص وادور من جديد تدور وتمشي وشوية وتتكرر نفس الحكاية رحت للميكانيكي بتاعي قاللي سيبهالي ادخلهالك علي الجهاز ونعرف ايه المشكلة سيبتها ورجعت اخر النهار بعد الشغل لاقيته بيقوللي دا عيب بوابة وانها نحتاجة تتغير بس قبل ما اسيبهاله كانت لمبة الاعطال اللي في التابلوة مش منورة لكن لما رجعت وجيت امشي بيها تاني لقيتها منورة وقاللي انه لما اكتف العربية نورت تاني المهم حسيت اني شاكك قمت رايح مركز عصام وصفا عشان اتأكد دخلوها علي الكمبيوتر وفعلا طلعت مشكلة بوابة وقالولي ان المشكلة دي متكررة في الويرا فكنت عايز اعرف هي مفيش أمل تتصلح خالص ولو ممكن اجيبها بسعر حنين جدا اجيبها منين انا اسف بطريقة عنيفة اني طولت بس بجد انا ربنا يعلم بحالتي عاملة ازاي وارجو الافادة.......

[yousefsemsem]

والله ياباشا المشكله صعبه فعلا البوابه ديه والله كنا نفسنا نساعد المشكله ان بوابتها غاليه اخر حاجه كانت ب1200 جنيه ممكن تنزل بورسعيد تسال عند واحد اسمه بدران وانتظر برضه رد استاذ احمد حلمي لانه عند علم بتمن البوابه اكتر مني واماك تواجدها

[حسام رفعت]

الله يباركلك يا عم يوسف يا محترم علي فكرة انا حسام اللي كلمتك قبل كدة علي الموبايل معلش انا دايما بتعبكم معايا والف شكر يا كبير علي اهتمامك

[yousefsemsem]

حسام باشا احنا تحت امرك والله كنت نفسي اساعدك بس المشكله انها غاليه

[حسام رفعت]

انا مش عارف اقولك ايه ياعم يوسف بس بجد ربنا يكتر من امثالك والف الف شكر لاهتمامك

[yousefsemsem]

في واحد في وكاله البلح اسمه محمود جايب عربيه وبيبيع فيها انزل كده هناك وحاول تجيبها منه وفاصل فااااااااااااااااصل ماتخدش منه بؤه