عندي مشكله

[yousefsemsem]

التكيف لما بيشتغل الار بي ام بينزل شويه لكن العربيه مش بتبطل والسحب كويس برضه لما النور بيشتغل بينزل سنه اكن في حمل علي العربيه واظن ان العربيه مابتوعضش الحمل ده
غيرت الايدل برضه نفس المشكله نضفت الجديد هي هي المشكله فانا مش عارف مشكلتها منين ومااظنش البوابه لانها هتبرجل معايا واللمبه هتنور اكيد

[aymanshebl]

بص هو نزول الار بى ام ساعة التكيف او النور العالى لما يشتغل ماليهاش علاقة بدورة الوقود خالص ده ليه علاقة بدورة الكهربا و بالاخص الدينامو لان الحمل بينتقل ليه عند تشغيل جهد كبير مثل التكيف او النور العالى الخ و ده عادى فى حدود ثانية غير كده يبقى فى مشكلة فى الدينامو اكشف عليه و الله اعلى و اعلم

[yousefsemsem]

لا هو بينزل وبيفضل ثابت علي النزول ده مابيقلش

[aymanshebl]

لا يبقى كده فى عندك مشكلة فى الدينامو لان المفروض انه ينزل لحظيا لمدة ثانية بالكتير و بعدين يرجع تانى لوضعه الطبيعى

[yousefsemsem]

بس ايه علاقه الدينامو بنزول حمل المكنه

[aymanshebl]

الدينامو ليه علاقة اساسية بكهربة العربية مش بس المكنة لان الدينامو هو اللى بيمد العربية بالكهربا اللى هى محتاجاها خلال فترة تشغيلها و طبعا لو فيه خلل او مشكلة فيه بيكون مؤثر على كهربة العربية ككل و المكنة بالتبعية انما البطارية وظيفتها تقوم العربية ساعة التدوير او تشغيل مكونات العربية لما يكون مفتاح العربية على الوضع acc او الوضع start

[yousefsemsem]

شكرا ياباشا انا هبص عليه بس بالرغم انه جديد لسه وعندي التاني اللي كان قديم هركبه واشوفه

[aymanshebl]

اكشف عليه و على السير بتاعه كمان و بالتوفيق