الانذار لجين 2013

[shshtawy]

انا مش عارف الانذار بيشتغل ازاى انا بقفل العربية وباجى اخبط فيها او اشد اى اوكرة فى العربية مفيش اى انذار ومرة مراتى كانت ماسكة المفتاح ومش عارف عملت اية لقين الانذار اشتغل بس صوتة واطى جدا وتحس ان انة بحجارة والحجارة خلاص بتفضى صوتة واطى جدا وبحس انة مايع كده مش زى الانذارات التانية
هل هو كدا طبيعى ولا اقولهم علية فى صيانة الـ 1000 كيلو
انا بس عاوز اعرف هو بيشتغل ازاى ياعنى لو حد خبط فى العربية بيشتغل ولا بيشتغل بعد ما العربية بتتسرق ولا اية
معلش افيدونى لانى سمعت ان سرقة العربيات كترت اوى وبيقلوا فى بيرسونا اتسرقت 2012

[mhassan9]

الأنذار مش بيشتغل في حالة الخبط علي العربية عشان مفيهوش حساسات أهتزاز بس هو بيشتغل في حالة فتح الأبواب - الشنطة أو الكبوت فدا عادي.
بالنسبة بقا لقصة الصوت الواطي لا هو الطبيعي أن صوته مش واطي قولهم علي المشكلة في صيانة الألف وأن شاء الله بسيطة.
علي فكرة أن مرة بطارية الريموت ضعفت ومكنتش عايزه تفتح العربية ففتحتها بالمفتاح والأنذار أشتغل...الغريب بقا أن كنت فاكر أن الأنذار لو أشتغل العربية مش هتدور بس دارت

[Gexo]

اي ملاحظه ولو بسيطه وانى شايفها بسيطه اكتبها في ورقه وقولها في صيانة الالف..انا النهارده كنت بعمل صيانة الالف عند عصام صفا والصراحه الناس محترمين جدا وذوق جدا واي حاجه انت عايزها تتعمل بيعملوها

[amrrageb]

الامبوليزر دا مش للخبط دا بيدى انزار لما الباب او الشنطة يتفتح من غير ما تلغى الانظار والانظار بتشغلة بالزرار الكبير فى الريموت وتتاكد ان اللمبة الى فى العداد بتنور وتطفى احمر وبالنسبة للصوت فهو مش عالى فعلا رقيق اوى

[Al-Farooq]

انا مش عارف الانذار بيشتغل ازاى انا بقفل العربية وباجى اخبط فيها او اشد اى اوكرة فى العربية مفيش اى انذار ومرة مراتى كانت ماسكة المفتاح ومش عارف عملت اية لقين الانذار اشتغل بس صوتة واطى جدا وتحس ان انة بحجارة والحجارة خلاص بتفضى صوتة واطى جدا وبحس انة مايع كده مش زى الانذارات التانية
هل هو كدا طبيعى ولا اقولهم علية فى صيانة الـ 1000 كيلو
انا بس عاوز اعرف هو بيشتغل ازاى ياعنى لو حد خبط فى العربية بيشتغل ولا بيشتغل بعد ما العربية بتتسرق ولا اية
معلش افيدونى لانى سمعت ان سرقة العربيات كترت اوى وبيقلوا فى بيرسونا اتسرقت 2012

الانذار بيشتغل فى حالة اقتحام العربية يعني فتح الابواب او الشنطة ، انما مش بيشتغل بالخبط
وصوت الانذار مش ضعيف ولا حاجة ، بس انت لازم تشوف انذار عربية جين تانية علشان تعرف تقيم صوت انذار عربيتك ، هو مش واطي جداً ولا شغال بحجارة بحجارة ، هو صوته عالي بس فى نفس الوقت مش الصوت اللى نقدر نقول عليه فضيحة زي انواع تانية.
والاخ اللى قال ان في برسونا اتسرقت وضح انها اتسرقت عن طريق انها اترفعت على كساحة.

على فكره يا جماعه صاحبى لقى العربيه تانى يوم فى اول 45 الدولى وكان القزاز اليمين اللى قدام مكسور والعربيه كان فبها مبلغ كبير طبعا ربنا يعوض عليه المهم العربيه سليمه وكله تمام والاغرب ان العربيه اترفعت على كساحه لان صاحبى قال ان العداد زى ما هوه ..... يعنى الحرامى طلع قنوع ورضى بالمبلغ اللى كان فيها وساب العربيه ... المهم انا بتأسفلكم جميعا اكيد وجعت قلبكم من ناحيه الايموبلايزر ولكن يروتون طلعت جامده برضو ..........

[shshtawy]

الانذار بيشتغل فى حالة اقتحام العربية يعني فتح الابواب او الشنطة ، انما مش بيشتغل بالخبط
وصوت الانذار مش ضعيف ولا حاجة ، بس انت لازم تشوف انذار عربية جين تانية علشان تعرف تقيم صوت انذار عربيتك ، هو مش واطي جداً ولا شغال بحجارة بحجارة ، هو صوته عالي بس فى نفس الوقت مش الصوت اللى نقدر نقول عليه فضيحة زي انواع تانية.
والاخ اللى قال ان في برسونا اتسرقت وضح انها اتسرقت عن طريق انها اترفعت على كساحة.

انا مش مقتنع بحوار الكساحة دا نهائى ياعنى وهو الحرامى محتاج يجيب كساحة علشان يشيل العربية عليها ويكسر الازجاج فى حتة هادية وياخد الفلوس
لالالالالالالالالا فى حاجة مش صح فى الموضوع

[Al-Farooq]

ايوة الحرامية بيجبوا كساحات ويسرقوا عليها العربيات ، ويقف جنب العربية واحد شيك ببدلة اكنها عربيته وتترفع على الكساحة وبالسلامة ، وحصل عربيات اتسرقت بالطريقة دي من قدام بنوك وشركات ، والأمن بتاعهم واقف بيتفرج عادي.