حزام الامان فتح

[Nabil.M]

السلام عليكم يا بروتونية
الموضوع ببساطة ان حزام الامان في البرسونا 2013 فتح بعد خبطة بسيطة جدا
ميكروباص ريح عليها
الحمد لله قدر الله وما شاء فعل
المشكلة اني لما روحت اعملها الصيانة الدورية 10 الاف قالولي الحزام فرقع والحمد لله ان الايرباج مفتحش للعلم اثناء الخبطة الحزام مكنش مشدود كان في مكان
مطلوب تغير الحزام وتمن الحزام 2500 جنيه من التوكيل ومش هتلاقيه بره
يا ريت النصح

[Elawany13]

حزام ايه اللى هيفتح !!!
تقصد الايرباج ؟؟

[MohammedAladel]

حزام الأمان فى أغلب أنظمة السيارات المزودة بإيرباج بيبقى ليه مدفع زى الأيرباج بالضبط فى حالة الحوادث بيفتح
بس فتحه فى الحالة المذكورة فوق دا غلط وبيدل على عيب تصنيع
لأنه بيفتح على سرعة معينة والصدمة لازم تكون شديدة مش بالبساطة دى

[Ahmed_Ramadan]

مظنش الإيرباج ب 2500 جنيه ........ بس عموما متابع

[MohammedAladel]

لأ غالى فعلا

[eng.m7md.ali]

ده عيب صناعة على فكرة لانه مرتبط بالايرباجز

وكمان سيبك من التوكيل هتلاقيه ان شاء الله استيراد

[DESIGNER105]

يعنى ايه الحزام فتح ؟؟مش فاهم ...بقى سايب يعنى بيمسك مع الشد ؟؟؟؟

[MohammedAladel]

يعنى يشد جامد

[Nabil.M]

مبدئيا شكرا على التفاعل بس انا حاسس فعلا ان المشكلة دي عيب صناعة لان السعرة بتاعتي كانت اقل من 20 كيلو والخبطة في الرفر من قدام في الجمب والايرباج ما فتحش وانا مكنتش شادد الحزام اصلا