نصيحة في شراء جين 2

[brown-eyes]

قدامي جين 2 2007 سوداء عاملة 7000ك
بحالة الزيرو
مانيوال
ياتري السعر ده كويس ولا كتير وكنت عايز اعرف اه امكانيتها يعني فيها مثبت سرعة مثلا ؟

[brown-eyes]

مطلوب فيها 70000 بس قابل للتفاوض

[brown-eyes]

نسيت اسال علي حاجة هي عفشتها كويسة ولا لا عشان انا بمشي في مطبات كتير
وايه الحاجات اللي اخلي بالي منها وانا بكشف علي العربية
بس بصراحة هي لسا زيرو باكيسها فا مش عارف ابص علي ايه ولا اكشف عليها فين انا بفكر اتكل علي الله واخدها زي ماهي كده من غير كشف

[tutankhamoun]

السلام عليكم
أولا السعر ده ممتاز طبعا ............ بس لازم تكشف على العربية كويس قوي قوي قو ي ......... و يستحسن تأخدها التوكيل و تعمل كشف شامل و انت اللي بتحاسب عليه
أنا مخش عارف تكلفته بالظبط
بس بالسعر ده .......... تبقى 100 %
خصوصا أن هاتلاقي صاحبها مرخصها كمان

بالنسبة للعفشة
العفشة مش مريحة قوي علشان خاطر الثبات و الإتزان
لازم تجربها بنفسك في المطبات علشان تقدر تحدد إن كانت تناسبك أم لا

بالنسبة لمثبت السرعة .......... موجود في الأوتوماتيك بس

كماليات السيارة
فرامل ABS EBD
2 وسادة هوائية لكل من السائق و الراكب الأمامي
تكييف
مرايات كهرباء ( المرايا الزجاج بس يتم تعديلها كهربائيا )
4 زجاج كهرباء
زجاج السائق يفتح تلقائيا بمجرد لمسه و يستطيع السائق التحكم في هذه الخاصية و أيضا السائق له مطلق الحرية في التحكم في الأربعة أبواب
الدريكسيون يتم تعديله
4 مصابيح شبورة في الأمام أثنين و الخلف مثلهم
كاسيت و راديو سي دي ماركة بلاوبونكت
4 سماعات محترمين جدا
قفل مركزي
غلق المحرك إلكترونيا ( لا يعمل إلا بمفتحاها المتكود ) إموبيليزر
جنوط أسبور مقاس 15
حساسات للركن في الخلف
مثبت سرعة في الأوتوماتيك فقط
قفل لقفل الأبواب الخلفية لحماية الأطفال
انذار

و لو افتكرت حاجة تانية هاقولك


بس لازم تجرب كل حاجة في العربية
الأنوار و التكييف و الزجاج و كله كله
أتأكد أن كل حاجة شغالة كويس بدون مشاكل
و متنساش موضوع التوكيل علشان يبص على الموتور و العفشة
و برضه أسأل صاحبها على الصيانات الدورية إن كان بيعملها و لا لاءة و كان بيعملها فين

[ahmedsiyam]

لو بتمشى فى مطبات كتير العربية دى هاتضايقك جدا

العربية بتحتاج فى كل مرة تروح تعمل صيانة و ده بيبقى كل 5000 كلم انك تعمل تربيط للعفشة و ده موش عيب فى العربية و لا حاجة بس هى هاتبقى غير مريحة فى شوارع كلها مطبات على كلامك

اشترى عربية عفشتها ناعمة علشان تريحك و بالرقم اللى انت بتفكر فيه ده هتلاقى عربيات كتير حلوة

وكمان شوارع كلها مطبات يعنى هاتمشى بالراحة يبقى لزمتها ايه عربية موتور 1600 من اساسه

ربنا يوفقك لما فيه الخير ان شاء الله

[momenhamdy]

طبعاً زي ما الاستاذ توت اتكلم علي العربية و قال المميزات بتاعتها و قالك تعمل ايه بالظبط و انا اتفق معاه تماماً لام السعر مناسب جداً العربية زيرو ( 7000 كم فقط ) امكانيات عالية العمر الطويل للاجزاء الاساسية الموتور و الجير طبعاً عدم وجود عيوب فنية او صناعية في الموتور .... فلو كدا جرب مش حتخسر حاجة لو لاقتها مناسبة ليك اتوكل علي الله ....

[brown-eyes]

شكرا علي سرعة الرد انا رايح المعرض اتكلم مع صاحبها انهاردة وربنا يهديني للخير حيث كان
انا بصراحة كنت عايز اركب اوتوماتيك عشان العربيات الللي سوقتها قبل كده كانت اوتوماتيك بس حالة العربية وسعرها شدني انا ممكن اتنازل عن موضوع الاوتوماتيك بس موضوع العفشة ده مش عارف بقي انا كنت هجيب جيتس اوتوماتيك او ياريس بس حاسس ان الجين 2 كا قيمة مفابل السعر هتكون احسن بكتير
وشكرا علي المساعدة
بس هو انا لازم اخدها اكشف عليها في التوكيل ولا اتوكل علي الله هي بصراحة حالتها مش محتاجة كشف عربية زيرو بالاكياس !

[momenhamdy]

شكرا علي سرعة الرد انا رايح المعرض اتكلم مع صاحبها انهاردة وربنا يهديني للخير حيث كان
انا بصراحة كنت عايز اركب اوتوماتيك عشان العربيات الللي سوقتها قبل كده كانت اوتوماتيك بس حالة العربية وسعرها شدني انا ممكن اتنازل عن موضوع الاوتوماتيك بس موضوع العفشة ده مش عارف بقي انا كنت هجيب جيتس اوتوماتيك او ياريس بس حاسس ان الجين 2 كا قيمة مفابل السعر هتكون احسن بكتير
وشكرا علي المساعدة
بس هو انا لازم اخدها اكشف عليها في التوكيل ولا اتوكل علي الله هي بصراحة حالتها مش محتاجة كشف عربية زيرو بالاكياس !

و الله يا سيدي الفاضل مش حتخسر حاجة لو رحت و كشفت علي العربية علشان تتطمن و علي فكرة انت ممكن حضرتك تجيب عربية العفشة اكثر نعمومة مثل اليارس او الجيتز لكن ما اعتقدش انك حتلاقي الثبات بتاع العربية دي و قوة الموتور في السحب يعني انا عايز اقولك ان مفيش حاجة كاملة ( الكمال لله وحده )

[brown-eyes]

انا روحت شوفت العربية تاني طلعت عاملة 17000 ك وفيها حكتين صغيرين كده بس بساط _انا وصلتها ل 68000ج بس في سؤالين هو الضمان هيفضل شغال معايا ولا لازم المالك الاصلي _
وكمان لمبة ال ا بي اس و الاير باج كانت منورة قالولي دي حساسات صح؟

[brown-eyes]

انا رايح بكره التوكيل الصبح ان شاء الله
هو انا لازم احجز ولا اروح كده وخلاص
والكشف بيتكلف قد ايه

[brown-eyes]

ده رقم موبايلي لو في اي نصيحة
0162528555

[brown-eyes]

سؤال تاني
معلش عارف اسالتي كتير
عصاية الفتيس انا حسس انها مايلة كده مش مظبوطة هي بتنزل كده ولا لا
وكمان انا لاحظة حاجة في بلاستكة كده مدورة ناحية الدراكسيون بتتشال وتتركب دي ايه ؟

[momenhamdy]

احنا عندنا في اسكندرية مش لازم الحجز ....... بس موضوع ان لمبة الايرباج منور و ال Abs دا يدل ان في حاجة فا روح و اكشف علي العربية و الكشف تقريباً من 100 ال 150 جنية وربنا معااك

[tutankhamoun]

طبعا بعد ظهور معلومات جديدة
17000 كيلومتر
لمبة الفرامل شغالة

لازم تأخد العربية التوكيل تكشف عليها .......... لا مفر من ذلك

عصايا الفتيس تصميمها رياضي علشان سهولة النقل ( رياضي )
يعني ميلانها ده مش عيب
كل الجين2 المانوال كدا

[brown-eyes]

روحت كشفت عند امير وجوزيف والعربي طالعة رشة كبوة ورفرف وباب وحساس الاير باج بايظ
الحمد لله ماليش نصيب فيها بس بصراحة ربنا يسامح تجار العربيات دول