مشكلة غريبة جدا خلتنى هتجنن وانا مسافر

[shshtawy]

العربية بعد ماسافرات بيها كنت كل يوم بحركها وبتمشى بيها شوية وكلة تمام
المهم قبل مسافر بيوم جيت افتح العربية مابتفتحش وعمال النور بتاع الصالون بينور ويطفى تانى والسنتر مش عاوز يفتح حاولت افتح العربية بالفتاح بردة مابتفتحش بس لقيت الشنطة الحمد لله مفتوحة المهم دخلت وفاتحت الباب الى وراء السواق فتح وفتحت الباب بتاعى بالعافية والسنتر ماكنش عاوز يفتح وكل باب بيفتح لوحدة اجى ادوس على الازاز بيعمل صوت غريب ومابينزلش تحس انة محشور فى حاجة احط المفتاح فى الكونتك العربية مابدورش خالص وكل اللمبات شغالة بس التكة بتاعت تشغيل الموتور مش بتيجى خالص كمان العربية تشغل الانذار لوحدها اشيل المفتاح القى الانذار يقف وكمان فى صوت مكنة دايرة جوة العربيى بتشتغل بتخلى نور الصالون بيضعف معاها المكنة دى صوتها فوق فلتر التكيف بالضبط شيلت كبل البطارية وكبته تانى بردة نفس النظام فضلت على المكنة دى شغالة لحد مالبطارية فضيت
الحمد لله خدت عربية خال المدام وقلت اشحن البطارية على وعسى يحصل اى حاجة اول ماوصلت الكبلين وجيت ادور ماجرتش التدويرة التناية دارت العربية وبقى كلة تمام والانذار اشتغل وكلة بقى تمام وقفت العربية 10 دقايق وشحنت شوية وبقالها يومين مشاء الله مفيش مشاكل
بس انا عاوز اعرف ايه الى حصل واروح التوكيل ولا لا بس انا عارف قدام مفيش مشكلة شايفنها مش هيحل ولا هيربط

[yousefsemsem]

ممكن يكون الكنترول مهيس شويه وروح لعصام وصفا برضه اتاكد

[nomercy22]

البطاريه من الركنه

[shshtawy]

البطاريه من الركنه

معتقدش بطارية المشكلة كانت فى حاجة ليها علاقة بالسنتر

[eng.m7md.ali]

انا مش عايز اخوفك بس ممكن يكون حد حاول يفتحها ومعرفش .. وغالبا البطارية بسبب انك نسيت نور مفتوح مثلا

[shshtawy]

انا مش عايز اخوفك بس ممكن يكون حد حاول يفتحها ومعرفش .. وغالبا البطارية بسبب انك نسيت نور مفتوح مثلا

والله ياباشمهندس انا كنت فى قرية فى العين السخنة تبع مباحث الاموال العامة وكلها شرطة ومحدش بيخش الى شرطة وعليها امن كتير وملقتش كمان فى اثار للفتح بس لقيت الشنطة مفتوحة
بس مش عارف والله انا قلت اطرح الموضوع يمكن يكون حصل مع حد هنا

[eng.m7md.ali]

كل شيء جايز .. امبارح مرايات عربيتي اتسرقو من الحرفيين قدام المحلات هناك والدنيا زحمة ههههههههههههههههههه

[shshtawy]

[QUOTE=eng f3lix;3875042363]كل شيء جايز .. امبارح مرايات عربيتي اتسرقو من الحرفيين قدام المحلات هناك والدنيا زحمة ههههههههههههههههههه[/Q
لاحولولا قوة الا بالله
طيب دى اتكسرت ولا اتفكت يابشمهندس

[eng.m7md.ali]

اتفكت عادي خالص .. انا لحد دلوقتي مش مصدق والله هو اللي فكها هيعمل بيها ايه

انا بتكلم عن الازاز نفسه مش المرايا كلها

[kareemshafik]

الموضوع بسيط انت كنت سايب الشنطة مفتوجة ونور الشنطة فضل شغال لحد البطارية ما نامت وعملت كدا ولما اتشحنت كله بقي تمام متقلقش

[tutankhamoun]

حصلت معايا نفس اللي انت بتقوله
نسيت نور الصالون شغال
صحيت الصبح حصل كل اللي انت بتقوله بالظبط

شحنت البطارية ......... و رجعت زي ما كانت .
لا تقلق .

[shshtawy]

الموضوع بسيط انت كنت سايب الشنطة مفتوجة ونور الشنطة فضل شغال لحد البطارية ما نامت وعملت كدا ولما اتشحنت كله بقي تمام متقلقش

تصدق ان هو دا الى حصل بالضبط فعلا دا بعد ما استاذ فليكس قلى ان فى واحد ممكن يكون فتح الشنطى فكرت فى القصة دى وخصوصا انى سيبت العربيى يومين بالشكل دا
فعلا ياجماعة لا خاب من استشار

[shshtawy]

حصلت معايا نفس اللي انت بتقوله
نسيت نور الصالون شغال
صحيت الصبح حصل كل اللي انت بتقوله بالظبط

شحنت البطارية ......... و رجعت زي ما كانت .
لا تقلق .

الف شكر لحضارتكم ياجماعة والله انا من غيركم مبقباش مطمن
ربنا يخليكم دايما فى خدمة بعض يااحلى منتدى فى نيل موتورز

[amrrageb]

حصل معايا انى قفلت الباب اللى ورى ومتقفلش كويس عندى البيبان بتعلق شوية لازم ارزعها وغطيت العربية وطلعت نمت يوم والتانى العربيى فى الشارع متحركتش يومين نزلت اروح بيها مشوار لا السنتر عايز يفتح ولا حتى الباب عايز يفتح بالمفتاح قعدت افكر اكسر انهى شباك قولت اروح اجيب المفتاح التانى واجربة والحمد لله فتحت بالمفتاح التانى لقيت الاخت بطارية نايمة فى سابع نومة وقعدت ازق واجيب الناس تزق وانتش تانى على راى حلمى انها تدور ولا الهوى
لقيت عربية الكهربا ماشية فى الشارع بتوع العمدان دول رحت واخد منة سلكين المونيوم وصل يعم الحاج شغلت اشتغل وسبتها ساعة ويمكن اكتر شغالة المهم محدش يوصل بسلك عريان علشان متعملش قفلة لو لمست جسم العربية
فعادى طالما رجعت مظبوطة اعمل نفسك من بنها زى الستنر سعات يشتغل وسعات ميجلوش مزاج فا اللى يعدى عدية انت كمان

[shshtawy]

حصل معايا انى قفلت الباب اللى ورى ومتقفلش كويس عندى البيبان بتعلق شوية لازم ارزعها وغطيت العربية وطلعت نمت يوم والتانى العربيى فى الشارع متحركتش يومين نزلت اروح بيها مشوار لا السنتر عايز يفتح ولا حتى الباب عايز يفتح بالمفتاح قعدت افكر اكسر انهى شباك قولت اروح اجيب المفتاح التانى واجربة والحمد لله فتحت بالمفتاح التانى لقيت الاخت بطارية نايمة فى سابع نومة وقعدت ازق واجيب الناس تزق وانتش تانى على راى حلمى انها تدور ولا الهوى
لقيت عربية الكهربا ماشية فى الشارع بتوع العمدان دول رحت واخد منة سلكين المونيوم وصل يعم الحاج شغلت اشتغل وسبتها ساعة ويمكن اكتر شغالة المهم محدش يوصل بسلك عريان علشان متعملش قفلة لو لمست جسم العربية
فعادى طالما رجعت مظبوطة اعمل نفسك من بنها زى الستنر سعات يشتغل وسعات ميجلوش مزاج فا اللى يعدى عدية انت كمان

هو دا الى حصل لحد الجزء بتاع العمود دا انا استبدلتة بوصلة من البطارية بتاعت عربية مرشيدس
حلوة مرشيدس دى
والحمد لله دارت بس مش عارف لية مدارتش بالزق