استفسار جديد بخصوص تيل الفرامل الخلفي

[fatemah]

السلام عليكم و رحمة الله و بركاته

النهاردة و انا عند الميكانيكي بغير التيل الامامي قالي ان التيل الخلفي محتاج يتغير كمان

السؤال هنا محتاجة اعرف ايه افضل نوع للتيل الخلفي

و الاماكن اللي ممكن الاقيه فيها بس بلاش تقولولي شارع دمشق لأنه بعيد عني جدا جدا ياريت لو في مكان قريب من الهرم او حتى وسط البلد مش مشكلة



السؤال الثاني
كان في عضو نصحني بأني اغير الخلفي عند عصام و صفا و مش عند اي ميكانيكي بس المشكلة ان عصام و صفا بعيد عني جدا جدا

و بالتالي لو في مركز صيانة كويس في الهرم او اي مكان قريب منه ياريت تقولولي عليه

[khmshry]

مركز توب جير وبيشتغل في البروتون وهو في المطبعه وهو راجل محترم وصاحبه المهندس محمد فضالي وهو وكيل زيت فالفولين وهو عامل موضوع ليه في لمنتدي هنا وانا بعمل صياناتي للعربيان عنده بس انا هيونداي بس شوفته بيشتغل في البروتون

[hilal]

تغيير التيل مش محتاج مركز خدمة
دي شغلانة بسيطة لا تحتاج ضياع الوقت
اشتري التيل الاصلي واي ميكانيكي او عقشجي يغيره في ربع ساعة

[Raul_7]

تغيير التيل مش محتاج مركز خدمة
دي شغلانة بسيطة لا تحتاج ضياع الوقت
اشتري التيل الاصلي واي ميكانيكي او عقشجي يغيره في ربع ساعة

الكلام ده لا ينطبق علي التيل الخلفي في بروتون, و عن تجربة تغييره مرة مع ميكانيكي عادي و مرة في عصام صفا..الميكانيكي كان بيعاني.

[hilal]

الكلام ده لا ينطبق علي التيل الخلفي في بروتون, و عن تجربة تغييره مرة مع ميكانيكي عادي و مرة في عصام صفا..الميكانيكي كان بيعاني.

على بركة الله
انتم اعلم مني بالبروتون
تحياتي لسيادتك

[dadapharma]

لو الفرامل الخلفية درمز مش ديسك ممكن تتملى لأنى أسمع أن سعرها غالى و مش بتعمل مشاكل زى الى قدام .. مش عارف الكلام ده ينطبق على البروتون ولا فى أختلاف..

[abdoumahros]

الزميله العزيزه

السلام عليكم و رحمة الله و بركاته

النهاردة و انا عند الميكانيكي بغير التيل الامامي قالي ان التيل الخلفي محتاج يتغير كمان

السؤال هنا محتاجة اعرف ايه افضل نوع للتيل الخلفي

و الاماكن اللي ممكن الاقيه فيها بس بلاش تقولولي شارع دمشق لأنه بعيد عني جدا جدا ياريت لو في مكان قريب من الهرم او حتى وسط البلد مش مشكلة



السؤال الثاني
كان في عضو نصحني بأني اغير الخلفي عند عصام و صفا و مش عند اي ميكانيكي بس المشكلة ان عصام و صفا بعيد عني جدا جدا

و بالتالي لو في مركز صيانة كويس في الهرم او اي مكان قريب منه ياريت تقولولي عليه

زي ماسبق وقلت ان التيل الامامي يمكن تغييره عند اي ميكانيكي لكن التيل الخلفي بيحتاج عده خاصه وحد فاهم في البروتون ولذلك انصحك بشده انك تروحي لعصام وصفا
بخصوص تيل الفرامل الخلفي احسن تيل في رأيي ( المتواضع ) اف بي ك الماليزي انا مركبه ومافيش منه مشاكل احيانا بيصفر وانا راجع للخلف فقط انما للامام مافيش منه صوت نهائي
ابتعدي تماما عن التيل الموجود في التوكيل لانه سئ ( نفس اللي عند عصام وصفا )وغالي الا اذا ركبتي بوش ود سعره نار
وعلي فكره التيل الخلفي بيعيش كتير موش زي التيل الامامي
بالنسبه لمحلات قطع الغيار فيوجد موضوع مثبت في المنتدي باسماء وعناوين محلات قطع الغيار واعتقد في محل في شارع مراد
في مركز صيانه في شارع فيصل اسمه تشيك بوينت متخصص بروتون وعندهم برضه قطع غيار لكن ماجربتوش في تيل الفرامل الخلفي وعنوانه خلف فندق قاعود
ارجو ان اكون قد افادتك

[fatemah]

زي ماسبق وقلت ان التيل الامامي يمكن تغييره عند اي ميكانيكي لكن التيل الخلفي بيحتاج عده خاصه وحد فاهم في البروتون ولذلك انصحك بشده انك تروحي لعصام وصفا
بخصوص تيل الفرامل الخلفي احسن تيل في رأيي ( المتواضع ) اف بي ك الماليزي انا مركبه ومافيش منه مشاكل احيانا بيصفر وانا راجع للخلف فقط انما للامام مافيش منه صوت نهائي
ابتعدي تماما عن التيل الموجود في التوكيل لانه سئ ( نفس اللي عند عصام وصفا )وغالي الا اذا ركبتي بوش ود سعره نار
وعلي فكره التيل الخلفي بيعيش كتير موش زي التيل الامامي
بالنسبه لمحلات قطع الغيار فيوجد موضوع مثبت في المنتدي باسماء وعناوين محلات قطع الغيار واعتقد في محل في شارع مراد
في مركز صيانه في شارع فيصل اسمه تشيك بوينت متخصص بروتون وعندهم برضه قطع غيار لكن ماجربتوش في تيل الفرامل الخلفي وعنوانه خلف فندق قاعود
ارجو ان اكون قد افادتك

متشكرة ليك جدا جدا انا كان نفسي اروح عصام و صفا بس هو بعيد عني قوي

و بالتالي هتوكل على الله و اروح تشيك بوينت بس استأذن حضرتك انك تقولي العنوان بالظبط و لو تعرف رقم تليفونهم

[abdoumahros]

العنوان

متشكرة ليك جدا جدا انا كان نفسي اروح عصام و صفا بس هو بعيد عني قوي

و بالتالي هتوكل على الله و اروح تشيك بوينت بس استأذن حضرتك انك تقولي العنوان بالظبط و لو تعرف رقم تليفونهم

تشيك بوينت
اول شارع يمين بعد فندق قاعود في شارع فيصل
م\ كريم 01005885638
ممكن تتصلي بيه وتعرفي مواعيدهم والعنوان بالتفصيل
وبالتوفيق ان شاء الله

[fatemah]

تشيك بوينت
اول شارع يمين بعد فندق قاعود في شارع فيصل
م\ كريم 01005885638
ممكن تتصلي بيه وتعرفي مواعيدهم والعنوان بالتفصيل
وبالتوفيق ان شاء الله

أشكرك جدا جدا

[hesham1978mmmm]

انا لسه مركب تيل خلفي من اسبوع
اشتريته من عند المدينة في شارع دمشق وكان عنده نوعين ماليزي ب120 جنيه وكوري ب110 جنيه بصراحة الراجل شكر جدا في الأثنين انا جبت الماليزي وشغال كويس ومفيش منه صفارة وركبته عند ورشة خاصة بالمهندس سيد في 6 اكتوبر وعلي فكرة هو اصلا كان شغال في التوكيل

[fatemah]

طريق مصر اسكندرية رايح جاي (اصعب مرة سافرت فيها و دة للأسف بسبب جينا حبيبتي)

السلام عليكم و رحمة الله و بركاته

من حوالي اسبوعين سافرت اسكندرية و طبعا قبل ما اسافر من هنا عملت تشيك على العربية و غيرت التيل و العربية مش كان نافصها خاجة

المهم مشيت من القاهرة حوالي 10 الصبح وصلت ل ماكدونالدز اللي في نصف الطريق حوالي الساعة 11 و العربية ماشية و شغاله حلو قوي

نزلت هناك اريح شوية و رجعت ادور العربية مش عاوزة تدور جبت حد من محطة البنزين اللي هناك و شافها فقالي كل حاجة سلمية بس طرمبة البنزين هي اللي قاطعة طيب اعملها قالي مش هتلاقي قطع غيار هنا لازم العربية تتشال لأسكندرية

المهم شوية و جيت ادورها سبحان الله دارت مشيت بيها حوالي 20 كيلو وقفت تاني سيبتها شوية دارت مع العلم ان الحرارة كانت طبيعية

المهم فضلت معايا بالشكل دة لغاية ما وصلت للعامرية و هناك لقيت ميكانيكي اسمه رحومة شافها و قالي دى ترمبة بنزين و قطعة الغيار كلها بالعوامة مش هتلاقيها هنا فأنا هغيرلك الجزء اللي بايظ بواحد جديد

خلصها قي حوالي 5 ساعات و انا و مامتى في العربية قاعدين

المهم قولتله لما اوصل اسكندرية اروح التوكيل اغيرها قالي لاء دي تمشيكي و لا سنتين قدام

و هما اسبوعين و انا راجعة بعد بوابات الرسوم بشويتين كان في كمين و العربيات ماشية بالراحة و اذ فجأة العربية حلفت ما هي ماشية

الناس اللي في الكمين بصراحة ساعدوني و حاولوا يدوروها بس مدارتش مكنش في حل غير ان ونش يشيلها بس المرة دي الناس قالولي على حد شاطر مش زي الاستاذ رحومة و برضه طلعت المشكلة في طرمبة البنزين



السؤال انا دلوقتي خايفة امشي بالعربية لا يحصل نفس المشكلة و العربية مركونة و مش عارفة اعمل ايه؟؟؟
يا تري اتوكل على الله و امشي بيها كدة؟

ولا لازم اروح لحد يشوفهالي؟




دة بالاضافة الي اني بعد ما غيرت التيل بحوالي يومين بالظبط بعد ما وصلت اسكندرية بقيت كل ما ادوس فرامل اسمع زي صوت عربية نقل بتقف و يرضه مش عارفة ايه السبب