البطارية ودعت

[moh2015]

السلام عليكم
انا عربيتي بيرسونا 2012 وبقالها معايا دلوقت سنة و5 شهور وعاملة 18000 كم بس بسم الله ما شاء الله غيرتلها التيل الخلفي مرة واحدة والتيل الأمامي مرتين
والنهاردة البطارية ودعت والعربية مش بتدور
السؤال هل العمر القصير جدا للتيل والبطارية طبيعي

سؤال تاني
سألت على أسعار البطاريات الجافة ال 55 أمبير عند بيومي اللي في الدقى وكانت كالآتي:
فارتا ألماني بالقديمة 370 ومن غير القديمة 450
أيه سي ديلكو سعودي بالقديمة 360 ومن غير القديمة 440
الأسعار دي كده تمام ولا أيه
انا حاسس انها قليلة على الانواع دي لو أصلية وبصراحة مقلق
إيه رأيكم؟؟؟؟؟

[أحمد جودة]

لو اسعار حقيقية يبقي تمام

بس انا كمان شايف كدة قليل
الله اعلم ببواطن الامور

[moh2015]

انا سألت علي الفارتا عند غطاطي ب 500 بالقديمة
الموضوع فيه انا
اعمل ايه افيدوني

[monamize4]

بص يا باشا ,,,

المفروض ان التيل بيتغير كل 20 الف كيلو و دا المتوسط بس مش قاعدة ثابتة و بيخلص اسرع لو سواقتك ف الزحمة او بتكبس فرامل جامد , دا غير ان فى انواع بتخلص بسرعة ,,,,, لكن مش لدرجة انك تغيير تيل امامى مرتين و انت لسه مكملتش 20 الف كيلو

بالنسبة للبطارية ,, اقل واجب تقعد معاك سنتين لكن سنة و 5 شهور دى قليلة شوية ,, ليا واحد صحبى معاة بيرسونا برضة و قاعد ببطارية الفابريكة بقاله اكتر من 3 سنين

بالنسبة لاسعار البطاريات ,, مش فاكر بالظبط كام لكن متهيالى ان كدا اقل من الطبيعى
و على فكرة انا كنت بدور على فارتا الايام اللى فاتت و ملقتهاش ,, هى قلت من السوق ؟!!!!!

[moh2015]

بص يا باشا ,,,

المفروض ان التيل بيتغير كل 20 الف كيلو و دا المتوسط بس مش قاعدة ثابتة و بيخلص اسرع لو سواقتك ف الزحمة او بتكبس فرامل جامد , دا غير ان فى انواع بتخلص بسرعة ,,,,, لكن مش لدرجة انك تغيير تيل امامى مرتين و انت لسه مكملتش 20 الف كيلو

بالنسبة للبطارية ,, اقل واجب تقعد معاك سنتين لكن سنة و 5 شهور دى قليلة شوية ,, ليا واحد صحبى معاة بيرسونا برضة و قاعد ببطارية الفابريكة بقاله اكتر من 3 سنين

بالنسبة لاسعار البطاريات ,, مش فاكر بالظبط كام لكن متهيالى ان كدا اقل من الطبيعى
و على فكرة انا كنت بدور على فارتا الايام اللى فاتت و ملقتهاش ,, هى قلت من السوق ؟!!!!!

متشكرين يا باشا على الاهتمام

[monamize4]

متشكرين يا باشا على الاهتمام

العفو يا باشا على ايه ,,
انا معاك ف اى استفسار و استنى كمان اراء باقى الاعضاء الكرام

[moh2015]

ياريت يا جماعة محدش يبخل عليا برأيه عشان أنا عربيتي عطلانة ولازم اشتري البطارية النهاردة

[abokoko]

ياريت يا جماعة محدش يبخل عليا برأيه عشان أنا عربيتي عطلانة ولازم اشتري البطارية النهاردة

السعر مناسب للاسيدلكو
لكن غريب للفارتا يقلق
لو هتجيب فارتا يبقي من وكيل معتمد او من غطاطى

[Nistelrooy]

بيومي معروف انة اسعارة كويسة غير الباقي .. انا مركب من عندة برضوا 70 امبير ديلكو

[tutankhamoun]

بالنسبة للعمر الأفتراضي للبطارية و التيل
دول أكتر أثنين ملهومش عمر أفتراضي .. الأثنين بيعتمدا على الأستخدام .
بس كتير قوي تغير تيل مرتين قبل العشرين ألف ؟؟؟؟؟؟؟؟؟؟؟
أنت سواقتك شكلها أيه ؟؟؟ و مين اللي نصحك تغير تيل ؟ و هل أتأكدت أنه فعلا خلص ؟؟؟
===

بالنسبة للأنواع
هو ليه حضرتك ما تركبش حاجة مصري ؟ و تشجع صناعة بلدك و مصانع بلدك ؟
فيه كلورايد ........ و فيه نسر فارتا . و انا مجربهم على فكرة قبل كدا ........ و الكلورايد فيه منها جاف .

لو حكمت ركب السعودي .......... أهي السعودية برضه دولة شقيقة .
و دي حاجة شخصية لحضرتك و أنت حر طبعا .

[moh2015]

الحمد لله اشتريت بطارية تركي اسمها هيلدن
حد جربها قبل كده؟

[tutankhamoun]

الحمد لله اشتريت بطارية تركي اسمها هيلدن
حد جربها قبل كده؟

يلا ... تركيا برضه أخواتنا .
مبروك عليك