حرق البزين عالى جدا ... برجاء الافادة

[toreador]

السلام عليكم ورحمة اللة......

استفسار من خبراء الصفحة الكرام,, معدل استهلاك البنزين عالى جدا من كام شهر لاحظتة .... ولانى طول عمرى بحسب معدل استهلاك البنزين للتر ,,, العربية جين 2 موديل 2007 .... وطول عمر اللتر معايا بيمشى حوالى 11- 12 كم للتر داخل المدينة وحوالى 14-16 كم على الطرق السريعة للتر الواحد..... لكن من كام شهر المعدل اصبح 6-7 كم للتر داخل المدن وحوالى 8-9 كم للتر على الطرق وطبعا دا معدل عالى وجربتة كتييييير جدا مع وبدون التكييف وبنزين من كذا بنزينة وهكذا لكن سحب العربية كان وحش اوى.... روحت لميكانيكى اعرفة فى السيوف قاللى فلتر البنزين مسدود فغيرتة هو وطقم بوجيهات ونضفت فلتر الهوا وشيكت على الكهرا وبالمرة غيرت سير الكاتينة وسير التقسيمة وفلتر التكييف بالمرة وجربت العربية لقيت سحبها بقى زى الفل لكن بقالى شهر اهوة بحسب استهلاك البنزين وهو هو عالى جداااااا اية السبب والحل اية ... برجاء من سيادتكم الافادة

[Ahmed Amin]

هيا الحاجات اللي أنت قلتها في الأخر دي اللي بتكون سبب في زيادة أستهلاك البنزين,
" فلتر البنزين مسدود + فلتر هواء + بوجيهات "
زود عليهم بقي الأهم واللي الناس بتنساه وبتركز علي اللي أنت قلته "ضغط الكاوتش"

لو الضغط قليل ومش بتراجعة أول بأول هيعلي الأستهلاك بمعدل عالي,
عشان كدا يفضل أنك تملأ الأطارات نيتروجين لأنها مش بتتأثر بالحرارة.

ولو عندك حاجة ناسيها في الشنطة ووزنها كبير هيكون ليها عامل في زيادة الأستهلاك بس مش زي الكاوتش.

[shshtawy]

هو بس فى نقطة انا مش فاهمها حضرتك بتقول لما كانت العربية سليمة كانت بتعمل 11 او 12 اكيد طبعا لتر كل 100 كيلو ودا مش وحش كويس
بعدين حضرتك بتقول انها دولقت من 6 الى 7 ودا عالى مش فاهم ازاى بقى عالى ياعنى العربية بتعمل 7 لتر كل 100 كيلو دا استهلاك ممتاز ومش عارف حضرتك حاسبه عالى ازاى ولا هى الارقم اختلافت عليك

[yousefsemsem]

لو موصلتش لحل يبقي الرشاشات عاوزة تنضف

[soteer10]

انا الاستهلاك برضه زاد فجاة

داخل البلد الكمبيوتر بيقول 15

والفعلي

في حدود 18 لتر لل 100 كم

العربيهه جين 2 2009 ماشيه 60000

[mohamed ragab]

اعتقد ان سبب ارتفاع استهلاك البنزين هو حساس الشكمان

[soteer10]

انا الاستهلاك برضه زاد فجاة

داخل البلد الكمبيوتر بيقول 15

والفعلي

في حدود 18 لتر لل 100 كم

العربيهه جين 2 2009 ماشيه 60000

[bluemagic11]

العيب فى البنزين مش فى العربيه .. لاحظ كده اول ما يكون فى ازمه .. البنزين مبقاش يقعد والله انا معايا عربيه 323 بقى البنوين بيطير فيها مبيقعدش .. اسوء انواع البنزين بنيزين الازمات ده .

[Ahmed Amin]

هو بس فى نقطة انا مش فاهمها حضرتك بتقول لما كانت العربية سليمة كانت بتعمل 11 او 12 اكيد طبعا لتر كل 100 كيلو ودا مش وحش كويس
بعدين حضرتك بتقول انها دولقت من 6 الى 7 ودا عالى مش فاهم ازاى بقى عالى ياعنى العربية بتعمل 7 لتر كل 100 كيلو دا استهلاك ممتاز ومش عارف حضرتك حاسبه عالى ازاى ولا هى الارقم اختلافت عليك

لأ أنت فهمته غلط,
هوا قال,

اللتر معايا بيمشى حوالى 11- 12 كم للتر داخل المدينة وحوالى 14-16 كم على الطرق السريعة للتر الواحد...

وإن دلوقتي اللتر الواحد بقي يمشيه أقل من المعدل دا, الراجل حاسبها Already.

[shshtawy]

لأ أنت فهمته غلط,
هوا قال,


وإن دلوقتي اللتر الواحد بقي يمشيه أقل من المعدل دا, الراجل حاسبها already.

المشكلة ان الجين 2 لوقرست فى اى غيار انا بحس ان العداد بتاع البنزين بيتعفرت وبينزل بالعشرين كيلو مرة واحدة ياعنى مرة مشغل التكيف واتزنقت على الدائرى وكان العداد مكتوب علية 200 كيلو حتى الوصول الى البنزينة مشيت اتين كيلو فى الزحمة ببس على العداد لقيت مكتوب 160 كيلو فابصراحة مش ببقى مع العداد بتاع الكيلوات قوى وكومبيتور الرحلات بيحسب استهلاك غريب شوية واعتقد ذى مااحد الاعضاء قال قبل كدا ان بيدى قراءة لحظية ياعنى فى الوقت دا حضرتك مشغل التكيف وبتحرق على الغيرات والدنيا زحمة والكوتش مريح يبتدى يديك قرات زى الزفت
انا بردة مش حاسس باستهلاك كتير لان كان معايا اونو وكنت بحطلها برده كل اسبوع 35 لتر زى الجين بالضبط

[toreador]

لو موصلتش لحل يبقي الرشاشات عاوزة تنضف

حضرتك انا فعلا قبل ما اروح للميكانيكى كنت فى بنزينة وطلبت منهم يحطولى منظف الرشاشات وعملتة بالطريقة اللى انا عارفها اللى هى تلت التانك وبعدين اضيف المنظف زبعدين اكمل التانك لكن كانت النتيجة كانت ان لمبة الموتور نورت وهى اصلا على طول كنورة تقريبا لكن سجلت خطا جديد وان استهلاك البنزين لسة عالى ولما سالت الميكانيكى على الرشاشات قاللى لا مفيهاش حاجة وبلاش تحط المنظف دة لانة باكل فيها وممكن تتخرم.......

[toreador]

اعتقد ان سبب ارتفاع استهلاك البنزين هو حساس الشكمان

هو الحقيقة ان من فترة كشفت على لمبة الموتور وطبعا لقيت الخطا المعروف ميزد فير لكن كان معاة حساس الشكمان فية مشكلة والميكانيكى قاللى متقلقش دا حساس الاكسوجين هو اللى سجل خطا لان الفلتر كان مسدود وقلتلة لو محتاج يتغير غيرة فقالى لا مش محتاج فانا كدة يبقى هاروحلة تانى النهاردة بالليل اغير حساس الشكمان والف شكر على النصيحة

[D . a .\ AYMAN]

كدة يبقى فعلا حساس الشكمان

بعد ما تغيره بقى صفر العداد بتاع استهلاك البنزين

[soteer10]

حساس الشكمان بكام

[mohamed ragab]

كمبيوتر الرحلات بيتغيير علشان هو بيحسب البنزين الي في التانك علي حسب سرعه العربيه الي انت ماشي عليها لازم يكون متغيير حسب السرعه