اوراق تخليص الجين 2

[GraywolfG2]

السلام عليكم يا شباب الجين 2 ارجو الافادة بخصوص تخليص اوراق الشراء الخاصة بالجين عند استلامها من التوكيل بيقولولى انى حاستلم الورق من المرور الى انا اتبعه بعد دفعى 120 جنية خدمة توصيل لمرور الجيزة لانه مسؤل عن الجمارك و الافراجات؟؟؟ هل الكلام ده صحيح؟؟؟ انا حاستلم بكرة انشاء الله.

[khpopo]

هو مندوب التوكيل بيخلص كل حاجة بس انا كنت دفعت 50 جنية فى الافراج بس من سنتين يمكن زادت ودة كان فى بين السريات
وبتستلم ورقة مبايعة من عز بالعربية وبيانتها وبعدين ترخص
ومبروك العربية ربنا يكفيك شرها

سبحان الذى سخر لنا هذا وماكنا لة مقرنين وانا الى ربنا لمنقلبون

[GraywolfG2]

يا باشا الله يبارك فيك بس معلش سؤال كمان ورقة المباعية دى تخلص فى كام يوم ؟؟؟ ولا حوخدها فى نفس اليوم؟؟

[tutankhamoun]

أنا أخدت منهم كل الورق في نفس اليوم
و أعتقد الورق كان كالتالي
ورقة التخليص الجمركي
و رقة فيها إثبات رقم الموتور و الشاسيه
و المبايعة الخاصة بالسيارة

مش فاكر إن كان فيه ورق تاني و لا لاءة

بس أنا أخدت الورق منهم و طلعت على المرور و خلصت كل حاجة هناك بنفسي و مدفعتش لحد حاجة
بس لو أنت مش عايز توجع دماغك و الراجل بتاع التوكيل هاخلصلك كل حاجة و يجيبلك العربية مترخصة جاهزة
يبقى عشرة على عشرة طبعا
لأن الجماعة بتوع المرور يخلوك تحب الحياة قوي و تبقى مقبل عليها بشكل !!!!!!!!!!

تبقى عايز تشنق نفسك علشان ترتاح من قرفهم

[GraywolfG2]

توت باشا متشكرين على المساعدة بس انا غالبا حاخد الورق و اخلص بنفسى عشان انا عارف ان التوكيل ده بطىء فى كل حاجة و تسليم الورق ليا حيكون الخميس و ما ادراك يوم الخميس طبعا