شوفت ساتريا نيو

[eng.m7md.ali]

يوم الخميس اللي فات كنت في الهرم وفي زحمة شارع فيصل ورايح على الدقي لقيت الساتريا نيو قدامي لونها تقريبا بتنجاني فرحت جداً عشان نفسي في العربية دي .. بس ياخسارة اليوم قلب بغم وواحد بنص نقل ملحقش يفرمل راح داخل فيا من ورا بس الحمد لله كنت باصص في المرايا في اللحظة دي دوست بنزين عشان اخفف الصدمة

المهم

كانت دريكسيون شمال مش يمين وكانت ملاكي

معنى كدة انها نزلت منها دريكسيون شمال بس طبعا التوكيل ميعرفش حاجة عنها

بصراحة عربية تحفة جداً واحلى من الجين2

[yousefsemsem]

في بلد جنب ماليزيا بس للاسف مش فاكر اسمها بالظبط بينزلها عربيات دركسيون شمال زينا فممكن يكون حد جابها من بره وعلي فكره ممكن تروح للتوكيل تعمل سبيشيال اوردر ويجبهالك بس في الامجمل هي عربيه تحفه بصراحه

[eng.m7md.ali]

المشكلة ان في التوكيل معندهمش معلومات اصلاً عن العربية .. تيجي تسأل المهندس من دول يقولك "يعني ايه"

واللي لقيته عارفها قالي اصلها بتنزل بدريكسيون يمين

مع اني شوفتها قبل كدة تقريبا في الرحاب او التجمع بس المرة دي كانت قدامي ودخلت شارع جانبي علطول ملحقتش حتى اصور

[tutankhamoun]

يا جماعة اللي أنا أعرفه أن العربية ما أتصنعش منها أصلا دريكسيون شمال ...... خط الأنتاج بتاعها دريسكيون يمين فقط لا غير .
مؤخرا تم الأتفاق مع شركة صينية لتصنيعها بدريسكيون شمال ......... و لكن معرفش الانتاج بدء و لا لسة ؟

إنما بروتون عمرها ما صنعتها دريسكيون شمال خالص . (الكلام ده مؤكد 100 % من مدير في شركة بروتون ماليزيا و أعرفه شخصيا)

العربية روعة .......... أنا ركبتها كمان .......... من جوه قريبة من الجين 2 و لكن الجين 2 أحلى .
و لكن من ا لخارج هي جذابة قوي .

أنا بصراحة مستغرب من اللي أنت شوفته يا فيليكس باشا ؟ بس أنت متأكد أنها بروتون ساتريا نيو ؟

[Raul_7]

بصراحة أشك, ممكن تكون mg ولا حاجة.

[eng.m7md.ali]

يا جماعة والله هيا

وعلامة بروتون واكلة الشنطة بتاعتها كمان