موضوع مهم جدا بخصوص تليين العربيات خصوصا الجين 2

[Victor Alex]

اولا مساء الخير علي كل اعضاء نايل موتورز

دلوقتي انا خلاص اخدت قراري بخصوص الجين 2 وانشاء الله خلال شهر او شهرين اجيبها ونا كنت مهتما جدا بخصوص تليين العربيه لانه من المعروف ان فترة التليين بتاثر جدا في اداء العربيه بعد كده
طبعا كلنا متفقين ان كتالوج العربيه ومعظم الناس بياكدو ان الار بي ام ميعدين 30 علي اي غيار وطبعا التكييف ميشتغلش طول فتره التليين واللي هيا تقريبا بتكون من 500 كيلو ل 1000
اولا انا عايز اللي مهتم بالموضوع ده يقرا الصفحه دي كويس جدا

http://www.mototuneusa.com/break_in_secrets.htm

انا شوفتها هنا قبل كده تقريبا كان الاستاذ ممدوح هوه اللي حاططها

المهم انا قبل كده شوفت فيديو للجين 2 وكان اللي بيتكلم مهندس ميكانيكا من الشركه نفسها وبيقول ان العربيه مصممه للمشي علي ار بي ام عالي
معني كده ان اكيد عاملين حسابهم في البساتم والشنابر انها تكون بتتحمل الضغط الكبير والعمل الشاق

انا قريت الكلام اللي موجود في الصفحه اللي فوق و طبعا محتار في الكلام اللي مكتوب مع انه كلام منطقي لانه بيقول في فتره تليين العربيه الشنابر لازم تسخن بدرجه معينه عشان تطبع كويس جدا مع القميص ومع البستم نفسه وطبعا عشان توصل لدرجه الحراره دي لازم يكون في ضغط معين وسرعه معينه لحركه الموتور (ار بي ام معين) والكلام ده بيبقا مؤثر جدا في او 35 كيلو للعربيه تقريبا
طبعا الكلام ده عاجبني جدا بس محتاج اراء الاعضاء اللي هنا عشان نقدر نفيد بعض في الموضوع ده

في حاجه تانيه مكتوبه في الموضوع ده ودي اللي انا مقتنع بيها جدا وهيا ضروره تغيير الزيت بعد تقريبا 35-40 كيلو لان الفتره دي هيا اللي بينتج عنها اكبر كميه من الرايش او المعادن نتيجه تطبيع بعض القطع مع بعضها وطبعا كل ده غلط يفضل في الزيت مده كبيره
يبقا ازاي بيتم تغيير الزيت بعد 1000 كيلو في التوكيل؟؟؟؟؟؟؟

ياريت اشوف تفاعل من الاعضاء في الموضوع ده واعرف راي استاذ توت اللي فعلا حببني جدا في الجين2 ياريت تقولي حضرتك لينت بانهي طريقه ولمده قد ايه وابتديت تحرق علي العربيه بعد كده ولا لا
معلش طولت عليكم وياريت نفيد بعض في الموضوع ده ونخرج من النقاش كلنا مقتنعين

[tutankhamoun]

أهلا يا أستاذ فيكتور

بالنسبة يا أخي الكريم لموضوع التليين
المتفق عليه ما بين الشركات صانعة السيارات على مستوى العالم كله أن هناك فترة للتليين بتكون حوالي 1000 كم الأولى من عمر المحرك
و لكن كيف تقوم بالتليين ؟؟؟
في أول 500 كم
كنت أقود بسلاسة و بدون عنف نهائي مع السيارة و لا أزيد السرعة عن 90 كم / س و أقصى الظروف 100 كم / س
و لكن في فترة التليين يجب اتباع الآتي

لا يجب ابدا السير لمدة على سرعة واحدة
لذلك يجب تغيير السرعة بإستمرار ما بين النزول و الطلوع بها و أيضا تغيير عصا السرعات

فكنت أجري و أصل إلى 100 أو 90 و أستمر عليها لمدة دقيقة و بعدين أنزل ل 60 و أغير إلى الثالث و أنزل إلى 50 ثم 40 ثم الغيار الثاني و هكذا دواليك
طلوعا و نزولا
و بعدين أستمر على سرعة 80 مثلا لمدة 5 دقائق و بعدين أعلى إلى 90 ثم النزول إلى 70 و هكذا

و حتى الألف الأولى
و بعدين ذهبت إلى التوكيل
و قمت بتغيير الزيت و الفلتر
و بعد الألف الأولى كنت حريص على ألا أضغط على المحرك أيضا و أستمر هذا الحرص حتى 2000 كم تقريبا
و بعدها خرجت ليلة في الصباح الباكر و عندما كان الطريق فاضي تماما من السيارات لأصل إلى سرعات عالية لا أقوم بالقيادة عليها في الظروف العادية
و بدأت بالتسارع بالسيارة واحدة واحدة و حتى وصلت إلى سرعة 190 كم / س و من يومها و المحرك يعمل بكفاءة و ممتاز و تزداد كفائته كلما أرتفع مؤشر العداد إلى عدد كيلومترات أكبر
أي يرتفع أداء المحرك مع إرتفاع عدد الكيلومترات المقطوعة
و مع تغيير زيت و فلتر في صيانة 5000 ..... ستجد أن السيارة مختلفة تماما و تعمل بكفاءة أعلى و هكذا

و لذلك أنصح بإتباع إرشادات الصانعين
و من الممكن ان ننتفع بتلميحات من المواضيع المذكورة و التي أرفقها المهندس محمد ممدوح .... بارك الله فيه

و لكن الإلتزام بما ورد في كتيب التعليمات الخاص بالسيارة
لأنهم أدرى بما صنعوا

و شكرا و أنا تحت أمرك

[Victor Alex]

اولا الف شكر ليك علي سرعه الرد
وفعلا موضوع الطلوع والنزول بالسرعه ده كان في تلميحات عنه في الصفحه فشكرا ليك انك لمحت للنقطه دي
كلامك كله زي الفل بس مش شايف ان 1000 كيلو كتير لتغيير الزيت
يعني الرواسب دي غلط تفضل في الزيت الفتره دي كلها.... 1000 كيلو مش شويه

[tutankhamoun]

اولا الف شكر ليك علي سرعه الرد
وفعلا موضوع الطلوع والنزول بالسرعه ده كان في تلميحات عنه في الصفحه فشكرا ليك انك لمحت للنقطه دي
كلامك كله زي الفل بس مش شايف ان 1000 كيلو كتير لتغيير الزيت
يعني الرواسب دي غلط تفضل في الزيت الفتره دي كلها.... 1000 كيلو مش شويه

أنا مش هاقدر اديك رد قاطع لأني مش متأكد
أنما فلتر الزيت هو اللي بيحتفظ بالرواسب و لذلك يتم تغييره في أول ألف كم
مع أن الفلتر في الفترات العادية ممكن يقعد 10000 كم حتى يتم تغييره

[Victor Alex]

شكر ليك يا استاذ توت وربنا يباركلك في عربيتك ويكفيك شرها

[noble911]

لا كلام بعد كلام الاستاذ توت
هذا هو التليين الصح

بالنسبة لتغيير الفلتر اشار بعض المحترفيين لسباقات السيارات و الدرجات النارية انهم يفضلون تغير الفلتر و الزيت بعد 200 كيلو فقط
مع ملاحظة ان المتخصصين دوول يعملوا في مجال السباقات و للاستخدام الاقصي

انما كل الناس بتغير في صيانة الالف

[Victor Alex]

انا برضه بقول كده يا استاذ نوبل وباذن الله لما اجيب العربيه هبقا اسال التوكيل في النقطه دي وهل ينفع اغير الفلتر بنفسي قبل ال 1000 كيلو ولا لا
وربنا يقدم اللي فيه الخير

[densfog]

طيب ياجماعة بالنسبة لتليين السيارة الأوتوماتيك التى لا يوجد فيها تحكم فى النقل عند rpm منخفض ... هل نستخدم نقلات العزم بدلا من الوتوماتيك فى فترة التليين؟؟؟؟؟؟؟؟

[ahmedsiyam]

السلام عليكم

و الله كل الكلام اللى اتقال مظبوط و جميل جدا

بس انا و انا باستلم قالولى فى التوكيل استعمل العربية عادى جدا و انا بصراحة كنت باشغل التكييف انما لفات الموتور كنت حريص على ابقائها اقل من 3000
وبعد صيانة الـ 1000 بدأت اتعامل معاها عادى جدا

الحمد لله انا شايف اداء العربية كويس جدا و معدل استهلاك البنزين بيتظبط احسن من الاول

والله اعلم طبعا

[Victor Alex]

انا برضه يا استاذ احمد صيام شايف ان التكييف مياثرش علي العربيه كتير طول ماهو شغال علي اول سرعه وطول مالعربيه ماشيه بس برضه تقدر تقول اي حد جايب عربيه جديد بيكون عايز يدلعها علي الاخر مش عايز يضغط عليها عشان بعد كده يفتري عليها براحته

وعلي العموم ربنا يسهل وممكن عالبال ماشتريها يكون الجو بقا احسن شويه وماحتاجش اشغل التكييف

[Powert]

انا عايز اقولك انك في الالف كيلو الاولى انت مش بتلين الماتور انت بتلين العربية كاملة

بمعنى اي ماتور بيطلع من المصنع بيخضع لاختبارات تشغيل معينة لضمان جودته

ثم بعد ذلك بيتم تشغيل الماتور لوحده بدون اي شيء لغاية لما يحرك عدد معين من لترات البنزين

هنا في مصر لما تعمل عمره لماتور بعديها لازم الماتور يحرق 40 لتر بنزين على الواقف

وبتمشي هادي بلعربية لغاية اول الف كيلو

نفس اللي بيحصل من المصنع بره بعد لما يتم تصنيع الماتور بيحرق عدد معين من اللترات

لتاكد من لنه بيعمل بكفاءة

بس لتأكيد من عدم حدوث مشاكل انت بتكمل التلين لاجزاء العربية كلها مثل العفشة واجزاء الميكانكية الاخرى

[Victor Alex]

الف شكر ليك علي المعلومات دي كلامك مظبوط فعلا وده ياكد انهم بيعملو جزء كبير من تليين الموتور و لما بتتسلم العربيه بيتم تليين الموتور وهوه عليه حمل جر العربيه وكده
ده طبعا غير تليين الجيربوكس والعفشه

شكر ليك يا استاذ.... مش عارف اقول باور تي ولا بورت بس عامة شكر علي توضيح النقطه دي

[tutankhamoun]

انا عايز اقولك انك في الالف كيلو الاولى انت مش بتلين الماتور انت بتلين العربية كاملة

بمعنى اي ماتور بيطلع من المصنع بيخضع لاختبارات تشغيل معينة لضمان جودته

ثم بعد ذلك بيتم تشغيل الماتور لوحده بدون اي شيء لغاية لما يحرك عدد معين من لترات البنزين

هنا في مصر لما تعمل عمره لماتور بعديها لازم الماتور يحرق 40 لتر بنزين على الواقف

وبتمشي هادي بلعربية لغاية اول الف كيلو

نفس اللي بيحصل من المصنع بره بعد لما يتم تصنيع الماتور بيحرق عدد معين من اللترات

لتاكد من لنه بيعمل بكفاءة

بس لتأكيد من عدم حدوث مشاكل انت بتكمل التلين لاجزاء العربية كلها مثل العفشة واجزاء الميكانكية الاخرى

100 %%%%%%%%%%%% يا باورت
و لو أني أشك أن الموتور الجديد في المصنع بيحرق كمية البنزين اللي أنت قلت عليها

هو بيتجرب بس على ما أعتقد
تخيل أنت مصنع كبير زي هيونداي أو تويوتا مثلا
بينتج في اليوم الواحد الاف المحركات
فين المكان اللي هايسيبوه فيه مواتير شغالة لمدة لا تقل عن ساعيتن ثلاثة
دي غير التكلفة و تلويث البيئة
لذلك أعتقد أن التليين كامل هو على عاتق قائد السيارة

و لا يجوز التحميل على المحرك بتشغيل التكييف و هذا هو كلام الخبراء جميعا
و الكلام اللي بيقوله في عز العرب ......... ده بتاع ناس بقالين
العربية لازم تتلين و ليها طريقة معينة في التليين
و شكرا
و تحية خاصة جدا إلى أخي العزيز باورت
و تحياتي للجميع و تقبلوا تحياتي و رمضان كريم

[Powert]

الف شكر ليك علي المعلومات دي كلامك مظبوط فعلا وده ياكد انهم بيعملو جزء كبير من تليين الموتور و لما بتتسلم العربيه بيتم تليين الموتور وهوه عليه حمل جر العربيه وكده
ده طبعا غير تليين الجيربوكس والعفشه

شكر ليك يا استاذ.... مش عارف اقول باور تي ولا بورت بس عامة شكر علي توضيح النقطه دي

خلي بالك ان تلين على حمل العربية بيكون برضه المصنع عمله في البداية بس برضه ما بيكونش كامل انت بتكمله

( التلين الكامل وتاخد العربية وتحرق عليها في بعض الموديلات الغالية من بعض الشركات زي فراري و مرسيدس S500 ) دي عربيات بملايين عايز الباشا يلين

لما هو يلين احنا نعمل اية

بنسبه لاسمي مش هيفرق كتير كل واحد بيكتب اي حاجة بعربي

100 %%%%%%%%%%%% يا باورت
و لو أني أشك أن الموتور الجديد في المصنع بيحرق كمية البنزين اللي أنت قلت عليها

هو بيتجرب بس على ما أعتقد
تخيل أنت مصنع كبير زي هيونداي أو تويوتا مثلا
بينتج في اليوم الواحد الاف المحركات
فين المكان اللي هايسيبوه فيه مواتير شغالة لمدة لا تقل عن ساعيتن ثلاثة
دي غير التكلفة و تلويث البيئة
لذلك أعتقد أن التليين كامل هو على عاتق قائد السيارة

و لا يجوز التحميل على المحرك بتشغيل التكييف و هذا هو كلام الخبراء جميعا
و الكلام اللي بيقوله في عز العرب ......... ده بتاع ناس بقالين
العربية لازم تتلين و ليها طريقة معينة في التليين
و شكرا
و تحية خاصة جدا إلى أخي العزيز باورت
و تحياتي للجميع و تقبلوا تحياتي و رمضان كريم

توووت باشا حبيبي واحشني

هو فعلاً في المصنع ما اظنش انه هيحرق ال 40 لتر ( 40 دول لو انت بتعمل عمره هنا في مصر وطبعاً سيادك بتكون دافع تمنهم)

هو فعلاً بيتجرب ووبيخلصوا الاختبارات التشغيل الاولية عندهم وانت بتبدأ التلين

وفعلاً كل الشركات حتى الكبيرة والغالية بتقولك امشي برحة على العربية وممنوع تشغيل التكيف ولازم تنفذ المكتوب في الكتالوج

الكلام اللي بيقوله عز العرب مش من المهندسين بتوع الصيانة

دول البقالين اللي عنده اللي عايزين يبيعوا وخلاص علشان النسبة بتاعتهم

فلازم يقولك العربية تمام وخدها واجري

لو العربية تمام وانت بتاخدها وتجري كان اية لازمته صاينة الالف و 5 تلاف

وشكراً توت

وكل سنة وانت طيب

[Victor Alex]

كل سنه وانتو طيبين جميعا
وربنا يسهل واجيبا بقا خلاص الواحد مش قادر يستنا