القول الفصل فى الطنابير

[alsayedsabry]

عشان الناس اللى بتقول اننا نايمن لاء ابسلوتلى
عاوز الزتونة بتاعة قصة الطنابير ....
النوع ..؟
والسعر ...؟
ومنين ...؟
مستنى الرد

[eng.m7md.ali]

لا تثق في اي طنابير برة التوكيل الا vttr او بريمبو والماركات دي

لكن اللي يقولك دي ايطالي وب 300 جنيه والشغل ده فاكس كله في الحمادة

[alsayedsabry]

لا تثق في اي طنابير برة التوكيل الا vttr او بريمبو والماركات دي

لكن اللي يقولك دي ايطالي وب 300 جنيه والشغل ده فاكس كله في الحمادة

فى نوع عند عصام وصفا اسمه trw وده عنده 700 جنيه. ..

[eng.m7md.ali]

فى نوع عند عصام وصفا اسمه trw وده عنده 700 جنيه. ..

معرفوش .. مشوفتوش

لو عليها ضمان اتكل على الله اما لو سلق بيض يبقى ابعد عنها

اصل انا جربت وجع الدماغ ده كتير

[ahmed_h_g]

أنا جربت الريمسا الأسبانى
بتسخن جامد مش نفس كفاءة الأصلية طبعا"
أنصحك بالأستيراد

[eng.m7md.ali]

أنا جربت الريمسا الأسبانى
بتسخن جامد مش نفس كفاءة الأصلية طبعا"
أنصحك بالأستيراد

+11

بس الاستيراد دول يبقو اخر حل

يعني قدامك بتوع التوكيل الاصليين او الانواع المعروفة وتقريباً هتبقى في نفس سعر التوكيل او اكتر سيكا "هيبقو احسن من التوكيل عشان بتوع التوكيل اصلا زبالة وخامتهم تعبانة"

غير كدة مترميش ودنك مع حد

محل المدينة انا خدت من عنده قبل كدة طنابير مش فاكر نوعها ايه وكان بيقولي ايطالي وب 300 جنيه وعليها ضمان سنة .. بعد شهر الطنابير عملت عالي وواطي روحت قولتله قالي " معرفكش " :)

[alaziz]

حد جرب طنابير الانسر بوما ... اصلى انا عندى واجا 2007 و العفشجى اكيدلى انها هى هى بتاعت البومة .. انا شيفها هى هى بنفسى .. جرب تجيب 2 استيراد و الدنيا تظبط معاك على طول انا حقيقى ما اشتريش استيراد كنت اقولكم السعر
انا حبيت انقل التجربة للافادة و العلم .. عبد العزيز صلاح

[eng.m7md.ali]

حد جرب طنابير الانسر بوما ... اصلى انا عندى واجا 2007 و العفشجى اكيدلى انها هى هى بتاعت البومة .. انا شيفها هى هى بنفسى .. جرب تجيب 2 استيراد و الدنيا تظبط معاك على طول انا حقيقى ما اشتريش استيراد كنت اقولكم السعر
انا حبيت انقل التجربة للافادة و العلم .. عبد العزيز صلاح

لا مش هيا خالص

انا فكيت اللي عندي ولفيت بيها على المحلات وبالاخص بتوع اللانسر ومطلعتش هيا

[samomodrek]

طب الطنابير البريميو وvttr سعرها فحدود كام بالتركيب وبكله؟

[eng.m7md.ali]

البريمبو غالية

ال vttr ب 1750 كان زميلنا ميدو سليمان جايبهم من عند عادل وجدي

[alaziz]

صديقى العزيز محمد فيلكس انتا فين يا راجل واحشنى و الله انا عندى واجا 2007 وعلى فكرة انا بتكلم على الطنابير الامامية علشان اوضح يمكن تفرق عن 2009 بتاعتك بس هى هى فى 2007 و العهدة على العفشجى انت هتخلينى اجرب الموضوع بنفسى . المهم ابقى قولى موضوع علبة الدركسيون لما تعمله ان شاء الله اوعى تنسى ...