ارجو الافاده في جين2 2008

[ahmad alshaaer]

بعد السلام عليكم ورحمة الله وبركاته
انا اخوكم احمد الشاعري
انا اشتريت الجين 2 ومشيت بيها 1000 كم
ورحت عملت الصيانه
وانا راجع من القاهره قلت بقه اجرب العربيه
المهم جبت ال 180 بس كان ال ار بي ام على 5 ونص وصوت الموتور عالي جدا
والعربيه حاسس انها عاوزه تتقلب مش راسيه شويتين
وعلى فكره انا كنت راكب قبلها افيو 2008 وكنت بمشي بيها برضو 170 بالكتير بس ماكانش صوت الموتور كده خالص ولا الار بي ام كان بيعدي ال 5
غير كده بقى العربيه دي الجين 2 بتشرب بنزين
وقلتلهم في التوكيل قالولي كده تماما ولكن ايه تعليقكم
وهل صوت الموتور هو كده والار بي ام بيوصل على ال180 5 ونص فعلا
ارجو الافاده وشكراااااااااا

[tutankhamoun]

بعد السلام عليكم ورحمة الله وبركاته
انا اخوكم احمد الشاعري
انا اشتريت الجين 2 ومشيت بيها 1000 كم
ورحت عملت الصيانه
وانا راجع من القاهره قلت بقه اجرب العربيه
المهم جبت ال 180 بس كان ال ار بي ام على 5 ونص وصوت الموتور عالي جدا
والعربيه حاسس انها عاوزه تتقلب مش راسيه شويتين
وعلى فكره انا كنت راكب قبلها افيو 2008 وكنت بمشي بيها برضو 170 بالكتير بس ماكانش صوت الموتور كده خالص ولا الار بي ام كان بيعدي ال 5
غير كده بقى العربيه دي الجين 2 بتشرب بنزين
وقلتلهم في التوكيل قالولي كده تماما ولكن ايه تعليقكم
وهل صوت الموتور هو كده والار بي ام بيوصل على ال180 5 ونص فعلا
ارجو الافاده وشكراااااااااا

أولا أنت أوتوماتيك و لا مانوال ؟؟؟
الأر بي ام بيبقى عالي و ده طبيعي ........ هي العربية متصممة علشان تستحمل أر بي إم عالي و لو شوفت الفيديو بتاعها .......... المهندس في بروتون بيقول
أن الموتور متصمم علشان يشتغل على ار بي ام عالي لأن التسارع و انت في سرعة عالية علشان ييجي كويس فلازم العزم يطلع على سرعة عالية شوية

بس أنت كنت على الغيار الكام و أنت 180 ؟؟؟
بالنسبة للثبات على السرعة دي عادي
لغاية 170 متحسش بحاجة
و لما بتعلى عن كدا الثبات بيبدأ يقل شوية قليلة مش محسوسة

بالنسبة لصوت الموتور ........ هو صوته عالي علشان رياضي متنساش إن اللي صمم الموتور هي لوتس بتاعة مواتير السباق !!!


بالنسبة للبنزين
أنت لسه في التليين
بس باين عليك بتحرق على العربية جامد
هو عموما الإستهلاك بيتحسن كتييييييير عند 5000
و أيضا و الأهم القيادة الهادئة ......... و على طرق سريعة
أنت بتسوق عربيتك فين كتير ؟؟؟؟؟

بالنسبة للأفيو .........
ياراجل دي الأفيو أنا سقتها كتييييييييييير
مراجيح بعد ما تعدي 100
صوت الموتور عالي لو قرصت عليه شوية و مش بيديك قوة و تحس أنه تعبان
و بالنسبة للأر بي إم بتاعه قليل
علشان هو أساسا لو علي عن كدا بيبقى غلط على الموتور علشان تصميمه كدا
يشتغل على ار بي ام صغير علشان يطلع عزمه كله على ار بي ام صغير
و العربية مش ثابته خالص
مع كل المميزات اللي فيها من تسارع في الأول و شكل ظريف قوي
إنما لا يوجد فيها معنى لكلمة ثبات دي نهائي
بعد 100 ............ بتبقى مرجحة

[ahmad alshaaer]

ماتحرمش يابرنس وانا العربيه عندي اتوماتيك وانا من بني سويف اساسا
والسرعه دي كانت على الطريق بتاع اسيوط الغربي
وده رقمي واتمنى نتعرف بجد
0106007795
احمد الشاعري

[noble911]

لاحظ كمان ان ضغط الاطارات و حالة الجو بتاثر علي ثبات العربية و استهلاك البنزين علي السرعة العالية دي

[m_marmoush]

أستهلاك البنزين حيتغير مع الوقت و حيتظبط تماما بعد ال 5000 من غير ماتلعب فيه عند التوكيل

[ahmedsiyam]

كلام الاخوة مظبوط و صوت الموتور هاينخفض عن كده كل ما تمشى بالعربية اكتر

بالنسبة للثبات العربية الجين 2 علشان العفشة رياضية و ناشفة حبتين ممكن تحس باى انخفاض او ارتفاع فى الطريق و ده طبعا لان الطرق عندنا زيى مانت عارف
وده بيديك احساس ان العربية هاتطير
انما الافيو علشان عفشتها انعم بكتير موش هاتحس بالكلام ده انما طبعا لو فى اى موقف احتاجت تعمل مناورة بالعربية لتفادى اى حاجة الجين 2 تتفوق باكتساح و هو ده اهمية الثبات

[ahmad alshaaer]

كلااااااااااامك مقنع جدا يابو صياااااام
وشكرااااااااا لاهتمامك وانت كده فعلا فاهم جين 2 تمااااااااااااام

[abosamra]

ارجو الافاده

انا من معجبى الجين 2 وعايز اشتريها ولكن خايف منها وبقارنها بالنيو اكسنت بصراحه الجين اقوى واشيك من جوه وبره ولكنى برضه خايف من صوت الماتور العالى لانى سوقت النيو اكسنت وهى من غير صوت تقريبا وكمان التسارع ممتاز بعنى الثانى كويس لحد 50والثالث لحد 70 والرابع 90 والمتور صوته واطى والخامس لحد 160 والعربيه ثابته وجربت الجين 2 ولكن كانت لسه جديده ولم اقرص لعيها علشان صاحبها ميزعلش وكمان كان بيلين فكانت استجابه الموتور اقل برجاء الرد وشكرا

[tutankhamoun]

انا من معجبى الجين 2 وعايز اشتريها ولكن خايف منها وبقارنها بالنيو اكسنت بصراحه الجين اقوى واشيك من جوه وبره ولكنى برضه خايف من صوت الماتور العالى لانى سوقت النيو اكسنت وهى من غير صوت تقريبا وكمان التسارع ممتاز بعنى الثانى كويس لحد 50والثالث لحد 70 والرابع 90 والمتور صوته واطى والخامس لحد 160 والعربيه ثابته وجربت الجين 2 ولكن كانت لسه جديده ولم اقرص لعيها علشان صاحبها ميزعلش وكمان كان بيلين فكانت استجابه الموتور اقل برجاء الرد وشكرا

صوت موتور الجين 2 ......... عالي ( تصميم رياضي )
فلو موضوع الصوت بيضايقك .......... ما تجيبهاش

الموتور صوته عالي خصوصا لما تعدي سرعة 3000 لفة / دقيقة
إنما أنا شايف أنها صفقة أفضل من النيو أكسنت

[tutankhamoun]

كلام الاخوة مظبوط و صوت الموتور هاينخفض عن كده كل ما تمشى بالعربية اكتر

بالنسبة للثبات العربية الجين 2 علشان العفشة رياضية و ناشفة حبتين ممكن تحس باى انخفاض او ارتفاع فى الطريق و ده طبعا لان الطرق عندنا زيى مانت عارف
وده بيديك احساس ان العربية هاتطير
انما الافيو علشان عفشتها انعم بكتير موش هاتحس بالكلام ده انما طبعا لو فى اى موقف احتاجت تعمل مناورة بالعربية لتفادى اى حاجة الجين 2 تتفوق باكتساح و هو ده اهمية الثبات

معلش يا أبو صيام هاختلف معاك في النقطة دي

العفشة الرياضية معمولة علشان الثبات ........ يعني ما تأخدش و تدي في المطبات زي العفشة الناعمة
أنا مش عارف أوضح ازاي
بس أنا سقت أفيو بعفشة ناعمة ......... و جين 2 بعفشة متوسطة على نفس الطريق

الأفيو .............. مرجحة

الجين 2 .......... طبعا ثابتة

مع العلم إن الطريق مش مظبوط قوي
و كلمة مرجحة مش معناها إن العربية وحشة ......... و لكن بمقارنتها بالجين 2 .......... خفيفة قوي و العفشة بتروح و تيجي مع المطبات بطريقة مخيفة ......... لو أنت على سرعة عالية

و ده ما يقللش من الأفيو ......... علشان هي سيارة مدينة في الأساس

و شكرا و كل سنة و أنت طيب و رمضان كريم