عاوزين نعمل سحور جماعى قبل العشرة الاواخر

[shshtawy]

ياجماعة احنا عاوزين نعمل سحور جماعى نتعرف فية كلنا على بعض القديم مع الجديد ونحاول يكون المكان مول كبير نقدر كلنا نقف فيه ونتسحر كمان هناك واظن مول العرب مناسب جدا لانة واسع قوى وباركات هناك ممكن تشيل نايل موتورز كله
فياريت نحدد كلنا ميعاد ومكان قبل ما الشهر الكريم يخلص وكمان انا مش عاوز اقول فطار لنى مش عارف افطر فى بيتى اصلا لان الشهر كلة عزومات على الفطار وطبعا الناس كلها سايبة السحور وطبعا هنتفق على ساعة ومكان مش شرط مول العرب
احنا حاولنا فى الازهر بارك قبل كدا لاكن فشلت بسبب الموقع والزحام والكسل والتنفيض وحاجات كتير بس بجد عاوزين نتقابل علشان حتى نقول لبعد رمضان كريم ونخرج المنتدى من حالة الشلل المؤقت الى هوا فية من مدة

[mody112]

انا معاك فى الفكرة دى بس فكرة مول العرب والسحور يبقى فيها قلق شوية عشان المحور والدائرى باليل وانت فاهم الانفلات الامنى اللى احنا فيه لكن الازهر بارك ممكن جدا ولو حد عنده اى اقتراح تانى ياريت

[bondok20002002]

انا موافق بس فعلاً بلاش مول العرب لان القلق بالليل وكده على المحور

[shshtawy]

الى الاعضاء هيتفقوا علية انا معاكم فية بس كويس اننا متفقين على المبداء مع ان ممكن ناخد طرق كتير غير المحور بس بردة اى هنتفق علية انا اول الموافقين واخر المعترضين

[shshtawy]

ايه هتسحر لوحدى ولا اية

[bondok20002002]

ايه هتسحر لوحدى ولا اية

واضح انك حتتسحر لوحدك بقولك هو انت ساكن فين

[shshtawy]

فى حدايق القبة وممكن ببقى فى فيصل فى اى وقت بس بعد الفطار

[bondok20002002]

فى حدايق القبة وممكن ببقى فى فيصل فى اى وقت بس بعد الفطار

انا برده ساكن ف فيصل طب وبعدين مفيش حد معبرنا خالص ينفع كده