<<<<اوتوماتك جين 2 2008 >>>>

[amir]

الي الاخوه الافاضل
ان شاء الله نويت ابيع النيسان صني و بفكر في الجين 2 تاني و تالت و رابع
بس الصني اوتوماتك و الصراحه الاوتوماتك ده نعمه كبيره قوي
فعايز اشتري جين اوتوماتك بس كلام واحد عزيز عليا في المنتدي لسه بيرن في وداني من ناحيه اوتوماتك الجين 2
و كان في الاخ فيليب بيقول ان الاوتوماتك بتاع موديل 2008 غير اللي فات, فطلبي بكل وضوح:
عايز رأي اصحاب الجين اوتوماتك موديل 2008 في الاداء بتاعها من الثبات و في الاشارات و يا سلام لو تقارنوه بالنيسان صني, علشان ده هيحدد اختياري لأني مش مبسوط من فكره اني اركب مانيوال تاني بس لو زنقت يبقي مفيش مفر
و شكرا علي تعبكو معايا
و كل سنه و انتو طيبين

[ahmad alshaaer]

ياراجل مع احترامي وتقديري !
نيسااااان صني ايه
احنا بنقول جين2
جين 2
انا عن نفسي معايا جين 2 2008 لسه جايبهاااا
ومكيفاني واتوماتيك على فكره

[mahamedaraby]

معلش انت ليه عايز تبيع النيسان صنى ؟؟

وياجماعه والله الجين 2 دى واخده اكتر من حقها فى المنتدى هنا مش عارف ليه !!!!

مع انها عربيه عاديه جدا وظهر فيها عيوب متطلعش من اى شركه محترمه فى العالم بتنج عربيات

[m_marmoush]

معلش انت ليه عايز تبيع النيسان صنى ؟؟

وياجماعه والله الجين 2 دى واخده اكتر من حقها فى المنتدى هنا مش عارف ليه !!!!

مع انها عربيه عاديه جدا وظهر فيها عيوب متطلعش من اى شركه محترمه فى العالم بتنج عربيات

لو سوقتها حتعرف أنها مش واخده أكتر من حقها,
وكمان ليه سؤال هل سوقتها أو جربتها عشان تحكم؟ ولا حكمت من كلام الناس؟
مش حقولك غير أن معظم ملاك العربيه بيحبوها و راضيين عنها و بالنسبه لعيوب العربيه فهيه عيوب تأفيل والحمد لله بسيطه وبتتعمل فى الضمان
ثانيا لو بصيت فى منتدى نيسان حتلاقى أن فى شكاوى كتيره من الضفيره و عيوب بالدهان و لكن دة ميمنعش أن الصنى عربيه محترمه وممتازه. أذن كل العربيات بيحصل فيها مشاكل فى التأفيل.
أرجو أنى أكون أفدت ولولا أختلاف الأراء والأذواق لبارت السلع

[tutankhamoun]

معلش انت ليه عايز تبيع النيسان صنى ؟؟

وياجماعه والله الجين 2 دى واخده اكتر من حقها فى المنتدى هنا مش عارف ليه !!!!

مع انها عربيه عاديه جدا وظهر فيها عيوب متطلعش من اى شركه محترمه فى العالم بتنج عربيات

السلام عليكم يا أستاذ محمد عربي
أنا عاذرك و عاذر كل عضو بيسمع أشعار في الجين 2 و حاسس أنها واخدة اكتر من حقها
و أنا هاقولك الناس حاسة كدا ليه ؟؟؟
أولا العربية من إنتاج شركة مش ياباني و لا أوروبي
و طبعا الناس هنا في مصر ......... إن مكنش العربية من إنتاج أوروبي أو ياباني تبقى حاجة مش حلوة ( حالة نفسية بحتة )

ثانيا .... العيوب اللي بتظهر بتكون عيوب تقفيل زي سلك فالت ... لمبة الصالون معلقة .... كلام من ده و طبعا فيه بعض الناس بتهول الكلام لما تسمعه و بتنقله بصورة أكبر
ثالثا ... خامات الصالون ..... خامات عادية و ناس كتير بتعلق عليها
بس هي الجين 2 عليها العين و علشان كدا الناس بتحاول تبص على كل حاجة فيها
يعني خامات الجين 2 و خصوصا التابلوه .. زي عربيات كتير موجودة في السوق و محدش علق على تابلوهاتها


--------------------------------------------------------------

أنا هاقولك بقى العربية دي ليه بيتقال فيها شعر و الناس ( أصحابها ) حابينها جدا

شــــــــــــكل رياضي بحت و جميل لم يختلف عليه إثنان
أداء ممــــــــــــــــــــــــــــــــــتاز ( و ده عايز تجربة )
كماليات عالية و كثيرة
ثبات و إتزان رهيب لا يتوفر في كل السيارات ( عايز تجربة )
توفــــــــــيـــــــر بنزين
صالون مريح و كويس



كل ده بكام ............... ب 85 ألف للمانوال
..................................... 89 ألف للأوتوماتيك

يبقى ليه منقولش فيها شعر ......... و أغاني ...........


و رمـــــضـــــــــان كريــــــــــم


--------------------------------------------------------

كل المميزات لا تقلل من نيسان في شئ
نيسان ماركة محترمة و لو أني كرهتهم من ساعة ما عرفت أنهم هايعملوا تعاون مع الكيان السرطاني للتعاون معهم في أبحاث لصناعة سيارة كهربائية لتقليل إعتمادهم على البترول و زيادة إستقلالية قرارهم السياسي !!!!!!!!!!!!

اﻵن بالفعل ........... أكره نيسان و رينو ........ و قبلهم السبب و اللي عملوا فينا كدا

[Migo123]

سوقتها حتعرف أنها مش واخده أكتر من حقها,
وكمان ليه سؤال هل سوقتها أو جربتها عشان تحكم؟ ولا حكمت من كلام الناس؟

لا بقه انا سوقتها
و العربيه واخده فعلا اكتر من حقها بكتييير كمان ....
العربيه كويسه ... بس صوت موتورها عالي .... ملقيتش الاستابليتي الوهميه اللي الناس بتتكلم عليها
بس للاسف لا ترتقي للمقارنه بالعربيات الكوري
العربيه اللي جربتها مانيوال زيرو و عامله 7000 كيلو

[ahmedsiyam]

لا بقه انا سوقتها
و العربيه واخده فعلا اكتر من حقها بكتييير كمان ....
العربيه كويسه ... بس صوت موتورها عالي .... ملقيتش الاستابليتي الوهميه اللي الناس بتتكلم عليها
بس للاسف لا ترتقي للمقارنه بالعربيات الكوري
العربيه اللي جربتها مانيوال زيرو و عامله 7000 كيلو

الاخ الفاضل هو انا ليا تعقيب واحد بس على كلامك
انت بتتكلم على ثبات العربية و اتزانها طبعا حكمك فى غير محله خالص لان اكتر حاجة بتميز العربية دى هو ثباتها و انك تقدر تتحرك من حارة للتانية او تعمل مناورة بالعربية لتفادى موقف معين و انا باكلمك ان الكلام ده بيتعمل على سرعات عالية
معلش يا اخى بس كل الناس اللى عندهم خبرة كافية للحكم على سيارة اجمعوا على ان الجين 2 ثبات ممتاز لا ترقى اليه عربيات كتير فى فئتها

[momenhamdy]

معلش انت ليه عايز تبيع النيسان صنى ؟؟

وياجماعه والله الجين 2 دى واخده اكتر من حقها فى المنتدى هنا مش عارف ليه !!!!

مع انها عربيه عاديه جدا وظهر فيها عيوب متطلعش من اى شركه محترمه فى العالم بتنج عربيات

معلش يا سيدي الفاضل بلاش كلام ملوش معني مفيد العربية مش عادية و بعين لولا اختلاق الاراء لبارت السلع ..... يعني انا مثلاً مركبش عربية ب 102 الف جنيه زي الصني SuperSaloon 2008 و بعدين الاقي فيها عيب في ضفيرة الكهربا ومش عربية واحده كان فيها العيب دا و اكيد حضرتك متابع المواضبع دي صح و لا ايه ؟؟!!! و علي الرغم من كدا احنا بنحترم في المنتدي كل من يملك سيارة لانها بتكون عزيزة عليه فاهم حضرتك قصدي ...... افهم حضرتك اكتر لو في شخص مثلاً راكب جيتا و جاه قالك صني ايه و بتاع ايه انت مش حتزعل و لا ايه لانك مقتنع بالحاجة و شاريها عن اقتناع ارجو ان تكون الرسالة وصلت و شكراً لمشاكت حضرتك و رمضان كريم

لا بقه انا سوقتها
و العربيه واخده فعلا اكتر من حقها بكتييير كمان ....
العربيه كويسه ... بس صوت موتورها عالي .... ملقيتش الاستابليتي الوهميه اللي الناس بتتكلم عليها
بس للاسف لا ترتقي للمقارنه بالعربيات الكوري
العربيه اللي جربتها مانيوال زيرو و عامله 7000 كيلو

كلام حضرتك مش مظبوط خالص عن العربية و بعدين العربية انا جبت بيها لغاية 150 كم و بسم الله ما شاء الله و كفاية سعرها مقارنة بالامكانيات و شكراً لمشاركت حضرتك معنا ورمضان كريم

[tutankhamoun]

لا بقه انا سوقتها
و العربيه واخده فعلا اكتر من حقها بكتييير كمان ....
العربيه كويسه ... بس صوت موتورها عالي .... ملقيتش الاستابليتي الوهميه اللي الناس بتتكلم عليها
بس للاسف لا ترتقي للمقارنه بالعربيات الكوري
العربيه اللي جربتها مانيوال زيرو و عامله 7000 كيلو

أولا أهلا بيك و كل سنة وأنت طيب يا أستاذ ميجو

مفيش أي مشكلة .......... أنت شايف أنها واخدة أكتر من حقها ..
عادي جدا

اللي بيعجب عبيد مش بيعجب زيد
و مش لازم كل الناس تحبها
لأن حسب المثل الياباني الشهير

لولا أختلاف الأذواق لبارت السلع

بس بقى أحب أوضحلك حاجة عن موضوع الثبات و الإتزان اللي أحنا بنتغنى بيه

أتفق أغلب من قاد هذه السيارة و خصوصا أصحابها
على خاصية الإتزان على الطريق و الثبات العالي
حتى الأستاذ سبعاوي ....
كان جربها و أتكلم على النقطة دي

و أكرر يا أستاذ ميجو
لم أسمع شكوى من أحد يشتكي فيها من ثبات أو اتزان الجين 2

و صدقني لو كل الناس مثلا حبت العربية ( ج ) يبقى محدش هايشتري العربية ( د )

بس أيه هي الكوري التي لا ترتقي لمقارنته به ؟؟؟؟؟؟؟؟
و كل واحد له ذوق مختلف ......... و نظرة مختلفة عند تجربته للأشياء

و كل سنة و أنت طيب

[densfog]

ممكن اسال يا د/امير عن سبب بيعك للصنى بسرعه كده بالرغم انك لسه شاريها قريبوليه عايز تشترى الجين 2 بالذات؟؟؟؟؟

[mahamedaraby]

ياجماعه والله انا مش متعصب ولاحاجه

انا اولا معنديش نيسان صنى

انا عربيتى نيسان تيدا واعتقد انها خارجه من المنافسه فى الفئه دى

ثانيا مشاكل العربيه النيسان صنى يادوب تتعد على الصوابع يعنى وبالنسبه للعدد الموجود فى المنتدى فده معدل طبيعى والتوكيل عمل الواجب مع الناس اللى حصلت عندها المشاكل بس

والصراحه العربيه دى من احسن العريبات اللى اتجمعت فى مصر

انا بس اللى خلانى افتح الموضوع المشاركه دى

ياراجل مع احترامي وتقديري !
نيسااااان صني ايه
احنا بنقول جين2
جين 2
انا عن نفسي معايا جين 2 2008 لسه جايبهاااا
ومكيفاني واتوماتيك على فكره

محسنسى انى هركب عربيه تفرق عن النيسان صنى بمراحل اكن دى فئه ودى فئه تانيه ويقول انت هتركب جين 2 ماشى يعنى هركب مثلا بيجو ولا فورد ولا ايه

وانا حسيت اننا فى المنتدى ده العربيه دى واخده اكتر من حقها مع انها لسه مكملتش سنتين

على العموم ربنا يسعد اللى معاه العربيه دى وانا مش بشكك فيها ولا حاجه وفيه هنا ناس انا بحترمها وقالت رايها فى العربيه دى وانا باخد الصراحه برايها

ياريت تكون رسالتى وصلت

[amir]

ممكن اسال يا د/امير عن سبب بيعك للصنى بسرعه كده بالرغم انك لسه شاريها قريبوليه عايز تشترى الجين 2 بالذات؟؟؟؟؟

اقولك
انا كنت بعت الفليشيا و كنت مستعجل جدا لشراء سياره, انا جبتها عامله 25 الف كيلو و حاليا داخل علي ال 30الف كيلو في حوالي اسبوعين
مش مستريح قوي من الصني و انا كانت عيني علي الجين بس واحد انا بحترمه جدا جدا و عزيز عليا كمان قلقني من الاوتوماتك بتاعها و استجابته
المهم لو جابت سعر كويس و انا لسه هعمل اعلان في الوسيط هابيه محصلش خليها سنه اتنين و بعدين تكون حتي الفيس لفت جت , مع اني مش معترض علي الحاليه

[amir]

ياراجل مع احترامي وتقديري !
نيسااااان صني ايه
احنا بنقول جين2
جين 2
انا عن نفسي معايا جين 2 2008 لسه جايبهاااا
ومكيفاني واتوماتيك على فكره

انا عايز اعتب عليك في نقطه واحده, انت مقرتش البوست بتاعي كله, علشان انا عايز مقارنه بين استجابه الجير بوكس الاوتوماتك في دي و دي مش طالب مقارنه بين العربيتين, متخليش زعيم المنتدي سبعاوي باشا يزعل مني خصوصا انه شاف عربيتي و جربها بنفسه و عجبته ده كفايه بركه ركوبه العربيه

[amir]

الاخ الفاضل هو انا ليا تعقيب واحد بس على كلامك
انت بتتكلم على ثبات العربية و اتزانها طبعا حكمك فى غير محله خالص لان اكتر حاجة بتميز العربية دى هو ثباتها و انك تقدر تتحرك من حارة للتانية او تعمل مناورة بالعربية لتفادى موقف معين و انا باكلمك ان الكلام ده بيتعمل على سرعات عالية
معلش يا اخى بس كل الناس اللى عندهم خبرة كافية للحكم على سيارة اجمعوا على ان الجين 2 ثبات ممتاز لا ترقى اليه عربيات كتير فى فئتها

اخي العزيز احمد باشا
انا اسف اني مكلمتكش زي ما اتفقنا قبل ما ارسي علي عربيه, محبتش ازعجك معايا اكتر من كده و الموضوع مشي بسرعه, المهم كل سنه و انت طيب و رمضان كريم و يا تري انت شخصيا شايف ايه لو هنقارن الاوتو بتاع الصني بالاوتو بتاع الجين؟

[MaGiC]

السلام عليكم يا أستاذ محمد عربي
أنا عاذرك و عاذر كل عضو بيسمع أشعار في الجين 2 و حاسس أنها واخدة اكتر من حقها
و أنا هاقولك الناس حاسة كدا ليه ؟؟؟
أولا العربية من إنتاج شركة مش ياباني و لا أوروبي
و طبعا الناس هنا في مصر ......... إن مكنش العربية من إنتاج أوروبي أو ياباني تبقى حاجة مش حلوة ( حالة نفسية بحتة )

ثانيا .... العيوب اللي بتظهر بتكون عيوب تقفيل زي سلك فالت ... لمبة الصالون معلقة .... كلام من ده و طبعا فيه بعض الناس بتهول الكلام لما تسمعه و بتنقله بصورة أكبر
ثالثا ... خامات الصالون ..... خامات عادية و ناس كتير بتعلق عليها
بس هي الجين 2 عليها العين و علشان كدا الناس بتحاول تبص على كل حاجة فيها
يعني خامات الجين 2 و خصوصا التابلوه .. زي عربيات كتير موجودة في السوق و محدش علق على تابلوهاتها


--------------------------------------------------------------

أنا هاقولك بقى العربية دي ليه بيتقال فيها شعر و الناس ( أصحابها ) حابينها جدا

شــــــــــــكل رياضي بحت و جميل لم يختلف عليه إثنان
أداء ممــــــــــــــــــــــــــــــــــتاز ( و ده عايز تجربة )
كماليات عالية و كثيرة
ثبات و إتزان رهيب لا يتوفر في كل السيارات ( عايز تجربة )
توفــــــــــيـــــــر بنزين
صالون مريح و كويس



كل ده بكام ............... ب 85 ألف للمانوال
..................................... 89 ألف للأوتوماتيك

يبقى ليه منقولش فيها شعر ......... و أغاني ...........


و رمـــــضـــــــــان كريــــــــــم


--------------------------------------------------------

كل المميزات لا تقلل من نيسان في شئ
نيسان ماركة محترمة و لو أني كرهتهم من ساعة ما عرفت أنهم هايعملوا تعاون مع الكيان السرطاني للتعاون معهم في أبحاث لصناعة سيارة كهربائية لتقليل إعتمادهم على البترول و زيادة إستقلالية قرارهم السياسي !!!!!!!!!!!!

اﻵن بالفعل ........... أكره نيسان و رينو ........ و قبلهم السبب و اللي عملوا فينا كدا

الراجل ده بيتكلم صح :smile: