إعـــــــلان

Collapse

.

,
See more
See less

مفتاح جينا ضااااااااااااااااع، إلحقوني يا رجالة

Collapse
X
 
  • Filter
  • الوقت
  • Show
Clear All
new posts

  • مفتاح جينا ضااااااااااااااااع، إلحقوني يا رجالة

    بسم الله الرحمن الرحيم

    أولاً: كل سنة والجميع بالف صحة وسلامة

    ثانياً: المفتاح ضاع، بس خلاص

    ياريت يا شباب تقولولي إيه الحل لأن المفتاح ضاع في النادي أو أمام النادي، الله أعلم
    وطبعاً فيه مشوار يومي للنادي علشان تدريب الأولاد فالموضوع خطر جداً

    أنا فكرت في قفل للدريكسيون مع الفرامل لحد ما أشوف حل بس الموضوع يزهق جداً علشان أفضل أقفل وأفتح كل ركنه وكل مشوار. الأول كنت حاطط في بطني بطيخة صيفي لأن العربية مش ممكن تتسرق غير بمفتاحها. دلوقتي عيني في وسط راسي.

    هو ينفع أعمل مفاتيح جديدة في التوكيل أو في أي مكان وأغير الكود إللى في العربية


    أفيدونا أفادكم الله

    محمد
    محمد

  • #2
    لو العربية فيها ايموبلايزر يبقى تغير كود المفتاح وخلاص وده هايبقى تكلفته بسيطة جدا كده يبقى المفتاح القديم اخره يفتح العربية لكن مش هيدورها
    لكن لو عايز تامنها اكتر بس هاتتكلف شوية يبقى غير الطقم كله بتاع الابواب والكونتاكت وبرضه هتعمل شفرة جديدة
    ويفضل طبعا تعمل الكلام ده في التوكيل اامن
    Waleed Abbas

    Comment


    • #3
      نفس مشكلتي

      هتحتاج

      مفتاح جديد + تكويد + وحده سنتر و انذار

      هيكلفك 740 جنيه (عصام صفا)
      وفي الحاله دي المفتاح القديم اخره يفتح الباب
      وده لان العربيه متاخدش تكويد غير 2 مفتاحين بس


      او تغير طقم كامل كونتاكت و كله وده هيطول ممكن تحتاج يوم والتكلفه هتعدي ال 2000 مستريح

      ملحوظه السعر ده ركز عليه اوي لان بدون دخول في متاهات انت ممكن تلبس في رقم اكبر بكتيير (واحد هناك لا داعي لذكر اسمه وصل الموضوع ل 1200 جنيه بس الحمد لله ربنا ستر )

      Comment


      • #4
        اسأل في النادي الاول ممكن حد ابن حلال يكون لاقاه وسلمة
        لو مفيش امل يبقى لازم تغير الكود بتاع المفتاح واعتقد مش هيكون مكلف
        وخد بالك ان لو حد فتح الباب بدون الريموت الانذار هيضرب والي فتحها هيجري

        Comment


        • #5
          كل عام وأنتم بخير
          تقبل الله طاعتكم وختم لكم بالغفران

          شكراً لجميع الردود
          وبالفعل سألت في النادي بس للأسف الظاهر إللى لقاه عجبه شكله أو ناوي نية مش ولابد والله أعلم

          إن شاء الله بعد العيد هتصل بالتوكيل أشوف موضوع تغيير الكود بس كان عندي إستفسار

          بالنسبة لتغيير الكود، هل هو عبارة عن تغيير الشفرة في كمبيوتر العربية وع تغيير الفحمة كما يسمونها في المفتاح ولا الموضوع كبير وفيه فك وتركيب؟!!
          محمد

          Comment


          • #6
            موضوع سهل
            مش هياخد اكتر من نص ساعه

            انا عملت الموضوع ده من شهرين

            Comment


            • #7
              المشاركة الأصلية كتبت بواسطة soteer10 مشاهدة المشاركة
              موضوع سهل
              مش هياخد اكتر من نص ساعه

              انا عملت الموضوع ده من شهرين
              ياريت يا باشا تقول لنا عملته فين وبكام وإيه إللى تم بالضبط.
              ولو في التوكيل، أي فرع لأني بصراحة معندش أى ثقة في التوكيل.

              وجزاكم الله خيراً
              محمد

              Comment

              Working...
              X