استلام الجين 2

[hoza]

السلام عليكم ورحمة الله و بركاته
اناعندي سؤال ممكن يكون بايخ شوية
انا عايز اشتري جين 2 بالتقسيط من المصرية هل بستلم العربية في اكتر من يوم ولا تاني يوم؟؟؟
وكنت عايز اسأل هي عفشة الجين 2 وحشة اصلي سمعت من ناس كتير ان عفشة الجين 2 اي كلام علي المطبات

ارجو الرد وبسرعة
وجزاكم الله خيرا

[amir]

قلب شويه كده في قسم البروتون لغايه ما الاسود تصحي من عرينها و تيجي تزأر قصدي تنور و ازود استفسار علي استفساراتك يمكن من جاور السعيد
بخصوص الجير الاوتوماتك هل استجابته ممله في الاشارات ولا زي ال اوتوماتك؟ هل العفشه ناعمه ولا بتدب زي العزيزه صني؟
و لو حظي و حظك حلو هتلاقي فرعون البروتون مشرفنا بعلمه و خبرته

[tutankhamoun]

السلام عليكم يا رجال نايل موتورز المحترمين
و أهلا بالدكتور أمير ........ و الأستاذ hoza

بلانسبة لعفشة الجين 2 .......... عفشة متوسطة النعومة و لا بتدب و لا حاجة
و في المطبات متوسطة ........... يعني مش ناعمة على الأخر و لا خشنة

بُص نصيحة لوجه الله

اللي يسمع أي حاجة عن الجين 2 ..... يسمعها بالودن اليمين و يخرجها من الودن الشمال إلى أن يسمع رأي أصحاب السيارة في المعلومة الفلانية المسموعة و المنقولة عن أناس لم يجربوا السيارة

عفشة الجين2 ممتازة و قوية و الموضوع ده محتاج تجربة علشان الوصف بيبقى صعب بالإضافة إلى أن الإحساس بيختلف من شخص لآخر
ممكن اللي يعجبني .......... ما يعجبكش ......... و هكذا

بالنسبة يا دكتور أمير للأوتوماتيك
برضه ينطبق عليه نفس الكلام اللي فات
أنت محتاج تجربها بنفسك
لأن أحساسك أنت و أحتياجك أنت ممكن يختلف لشخص آخر

و أنا قلت كدا ليه
علشان فيه تضارب في الآراء بالنسبة للأوتوماتيك
ناس بتقول كويس قوي
و ناس تانية بتقول ..... بطئ في الإستجابة عند سرعة صفر

يبقى إحساسك أنت هو اللي هايحكم و يقرر
أنت طبعا يا دكتور أمير جربت الصني الأوتوماتيك
و بكدا تجرب الجين 2 الأوتوماتيك
و تقدر تحكم أيهما أفضل لك ؟؟؟

و تحياتي الخالصة لكما و رمضان كريم و كل عام و أنتم بخير

[amir]

شكرا ليك توت باشا

[hoza]

شكرا ليك يا توت باشا علي الافادة