الى عندة حل للخاربيش علشان انا هفرقع

[shshtawy]

النهاردة الصبح قمت اشيل غطاء العربية واريح على الشغل لقيت طفل سبقنى وبسم الله مشاء الله موهوب بالرسم بغطا الحاجة الساقعة مسك ( الكازوزة ) وهاتك يارسم على كبوت العربية بس موهوب بسم الله مشاء الله عمل لوحة حرب اكتوبر على الكبوت
لوسمحتم ياجماعة لو فى حل للخربشة الى عمالها ابن الرفدى دا علشان العربية لسة زيرو وقلبى حاسس انة هينفجر من الغيظ

[hugan]

لو الخرابيش ما وصلتش للبطانه بتاعت الدهان في حل انا عملته
عارف قلم الكريكتور
هاتشتري واحد
وتغسله كويس من الدوكو الابيض
وعند اي حد بتاع بويات دوكو
هاتشتر ي1/8 بويه فرن بلو ن العربيه
المهم الراجل بتاع الدوكو يكون عنده كمبيوتر متسجل عليه كود اللون بتاع العربيه
الكود بيكون موجود في الحوض مع رقم الشاسيه
الاسبرانزا فيها الكلام ده
وتملئي قلم الكريكتور باللون بتاعك
وتمشي علي الخرابيش
ان شاء الله تختفي ومش ها تشوفها الا لو دققت النظر فيها

[shshtawy]

مش عارف بس دا مش هيسيب اثر على هيئة الخرابيش ياعنى الى هيبس على العربية هيلاقى اللوحة مرسومة بس بلاسود
والله العظيم انا نفسى ابيع العربية واجيب اى عربية حقيرة امشى بيها فى البلد دى علشان الناس تستريح

[alsayedsabry]

مش عارف بس دا مش هيسيب اثر على هيئة الخرابيش ياعنى الى هيبس على العربية هيلاقى اللوحة مرسومة بس بلاسود
والله العظيم انا نفسى ابيع العربية واجيب اى عربية حقيرة امشى بيها فى البلد دى علشان الناس تستريح

قدر الله وما شاء فعل .... الحمد لله جرب اللى قالك عليه فى خربوش واحد وشوف النتيجة لو عجبتك كمل

[hugan]

مش عارف بس دا مش هيسيب اثر على هيئة الخرابيش ياعنى الى هيبس على العربية هيلاقى اللوحة مرسومة بس بلاسود
والله العظيم انا نفسى ابيع العربية واجيب اى عربية حقيرة امشى بيها فى البلد دى علشان الناس تستريح

يعني ده اقرب حل
بدل ما ترش كبوت في عربيه جديده وفابريكه بالكامل
وبعدين اللون هايكون نفس لون العربيه
ومع الشمس والغسيل مش ها تحس بفرق بين اللون الاصلي
والمناطق اللي فيها الخرابيش

[shshtawy]

اجرب واحسبى الله ونعم الوكيل

[bondok20002002]

ههههههه يا عيني والله نفس الي عندي لدرجة اني خلاااااااص مش طايق العربية من كده شوف كده لو نفع قولي واعملها معلش

[eng.m7md.ali]

بسم الله ماشاء الله عليه باين عليه موهبة فزة

اهم حاجة الولد اتبسط

[D . a .\ AYMAN]

اجرب واحسبى الله ونعم الوكيل

ممكن كمان بعد ما تعمل كدة تقوم عامل الكبوت بكومبوند ... ووش بوليش للعربية عند أي حد بتاع دوكوا .. أو حتى إعملها بنفسك

كيس قطن وعلبة كومبوند وعلبة بولش

الكومبوند إستغلى وهات نوع نضيف وغالي من كارفور ولا حاجة يكون أمريكي أو ألماني .. وفايدته إنه بيسيل البوية على بعضها وبيخفي الفروق اللى بينها شوية

البوليش العلبة من أي بتاع بويات بخمسة جنيه عشان يدي لمعة للبوية اللى انت حطتها لأنها هاتكون مط مش بتلمع

وبإذن الله مش هاتلاقي أي فروق

وربنا يخلف عليك ويعوضك خيرا

[shshtawy]

عملت كدا والله يادكتور والخدوش اختفت تماما
ولكن بعد مشورين فى الشمس والثالث لقيت الخدوش رجعت زى ماهى لدرجة انى افتكرت ان الواد الفنان رجع تانى
ممكن اجيب كاموبند من كافروفر زى ماحضرتك بتقول واجرب

[friendship7897]

لو الخرابيش ما وصلتش للبطانه بتاعت الدهان في حل انا عملته
عارف قلم الكريكتور
هاتشتري واحد
وتغسله كويس من الدوكو الابيض
وعند اي حد بتاع بويات دوكو
هاتشتر ي1/8 بويه فرن بلو ن العربيه

حلوة الفكرة دي
جزاك الله خير
أنا هجربها في عربيتي

[hugan]

حلوة الفكرة دي
جزاك الله خير
أنا هجربها في عربيتي

تمام
ياريت تقول علي النتيجه

[Ahmed.Fahmy]

ممكن تروح لبتاع اكسسوار وتعمل ستيكر اسود مط او كاربون على الكبوت عشان من الاخر البوية اللى انت بتحطها هتطلع تانى لانها مش مرشوش عليعا مثبت وورنيش عشان انت بتعملها مش فى الفرن او كل ما تعمل خربوش تمشى عليه بالولاعة 1/2 ثانية كدا