شرح بالتفصيل لعمليه فتح الماتور

[Bayomy]

لو سمحتوا عاوز اعرف ازاي افتح ماتور العربيه بالتفصيل مع العلم ان العربيه اتوماتك
وياريك ازاي استخدم الكيك داون وبستخدمه امتى وده لاهل الخبره

[momenhamdy]

اولاً يا استاذي اهلاً بيك معنا في المنتدي بروتون

بالنسبة الموضوع الخاص بفتح الكبوت طبعاً العربية بتاعت حضرتك لو مودبل 2008 حيبقي علي الشمال من داخل السيارة حتلاقي زي مفتاج او شداد مرسوم عليه شكل الكبوت و هو مفتوج حتشدو عليك حتلاقي الكبوت فتح حتروح تقف ادام العربية و حدخل اديك ما بين الكبوت و الشبكة الامامية حتلاقي مقبض بالداخل ارفه لفوق في اتجاه الكبوت حتلاقي الكبوت اتفتح معاك و حتلاقي في يمين السيارة شداد علشان تسند بيه الكبوت و له مكان في الكبوت

الكيك داون تستخدمه في حالة انك عايز تسارع بالعربية تسارع قوي ف تدوس علي الاكسيراتير ( دواسه البنزين ) لحد الاخر ال Control Unit بتاعت العربية حتفهم انك عايز تسارع كويس ف حتنزل مثلاً من الغيار الرابع الي الغيار الثالث و هكذا

ورمضان كريم

[akramesg]

اظن الاستاذ يقصد تفتيح الموتور يعنى حاجة كدة زى طريقة معينة من القرص علية وهو لسة جديد عشان العربية تجمع بسرعة فى المستقبل

اظن هو يقصد كدة ؟ يا ريت لو حد عندة معلومات عن موضوع التفتيح دة وصحتة من خطأة يا ريت يرد

[momenhamdy]

اظن الاستاذ يقصد تفتيح الموتور يعنى حاجة كدة زى طريقة معينة من القرص علية وهو لسة جديد عشان العربية تجمع بسرعة فى المستقبل

اظن هو يقصد كدة ؟ يا ريت لو حد عندة معلومات عن موضوع التفتيح دة وصحتة من خطأة يا ريت يرد

وجهه نظر فعلاً .................. المهم هو يرد و يوضح

[Bayomy]

شاكر ليكم جميعا بس انا فعلا اقصد تفتيح الماتور مش فتح الكبوت وشاكر بجد تعاونكم

[KareemSafwat]

fat7 el motor deh 7aga tabe3eyya we bet7asen sa7b 2ay 3arabeyya gededa.
ba3d mat7'alas fatret eltalyeen elly heyya 2awel 1000 KM momken tefta7 el motor we dah fe el automatic ykon ennak tetla3 3ala tare2 fady we nedeef te2dartewsal 3aleh le 140 we momken160 km/h we betebda2 be2ennak betet7arrak men el sokon we enta dayes banzeen 3ala el 2a7'er le3'ayet ma el RPM yewsal 6 2aw 2ktar we el 3arabeyya ten2el lewa7daha 3ala el tany we te7wel te3mel kda fe kol el na2alat beta3et el automatic we te3mel el mawdoo3 dah marreteen 2aw talata we kda enta fata7t el motor