للطنطاوية للاهمية...

[mostafeno333]

السلام عليكم
اخوكم مصطفي ساكن في طنطا وبصراحه بحوش وبعد 3 شهور كده هيبقي معايا 65 الف وعايز اشتري عربيه مستعمله وبصراحه الجين 2 عجباني جدا
انا بصراحه شوفت كذا عربيه جين تو في طنطا في منطقتي واحده بيضا وواحده زرقا علطول في بطرس وفيه النحاسي
بصراحه عجباني العربيه اوي ومستخسر ادفع ال 65 في لانسر مكوه او اوبترا هلكانه وقدامي عربيه بالامكانيات دي وانا بصراحه يهمني الشكل والكماليات والثبات
بس ناس كتير خوفتني من موضوع قطع الغيار اللي مش متوفره في طنطا واني مش هعرف ابيعها بسهوله
فياريت ياجماعه تقولولي هل قطع غيارها متوفرة في طنطا وموجوده ولا هدوخ عليها لان واحد في المنتدي قالي مدوخاني
ثانيا اعادة البيع تقيله بنسبة كام يعني ممكن اقعد شهور معرفش ابيعها ولا ايه النظام
انا بجد محتار جدا ولفيت علي كل اقسام المنتدي من كتر حيرتي ياريت حد ينهيلي رحلة البحث دي يااما اني اشيل العربيه من دماغي خالص يا استقر عليها

[yousefsemsem]

باشا انت قولت انك هتجيب للبيع وﻻ انك تركبها لو للبيع ماتشتريش جين تو اما قطع غيار زي ايه الحاجات المعتاده موجوده وعند البهي في استعمال كمان بس الخطوه اللي مهمه منك انت عاوز تشتريها وﻻ ﻻ وربنا يوفقك

[mostafeno333]

باشا انت قولت انك هتجيب للبيع وﻻ انك تركبها لو للبيع ماتشتريش جين تو اما قطع غيار زي ايه الحاجات المعتاده موجوده وعند البهي في استعمال كمان بس الخطوه اللي مهمه منك انت عاوز تشتريها وﻻ ﻻ وربنا يوفقك

والله ياباشا انا لو اشتريتها هتقعد معايا مثلا 3 سنين وانا حابب العربيه بس مش عايز ادوخ بيها في قطع الغيار خاصة انها هتكون اول عربيه ليا وبخصوص قطع الغيار يعني موجوده عند البهي بس ولا فيه غيره ؟ ثانيا كله موجود ولا حاجات حاجات ؟

[yousefsemsem]

عند البهي كل حاجه وفي مجدي موتورز بيجيب التيل فوانيس الحاجات المستخدمه وبم ان انها اول عربيه ليك نصيحه بلاش وبلاش تدفع كل الفلوس اللي معاك في عربيه اول عربيه ليك هاتلك كرستاله او ﻻنوس لما هتبعها ب3 السنين يبقي ماخسرتش كتير وتبقي تفكر بقي فيىالعربيه الدايمه

[mostafeno333]

عند البهي كل حاجه وفي مجدي موتورز بيجيب التيل فوانيس الحاجات المستخدمه وبم ان انها اول عربيه ليك نصيحه بلاش وبلاش تدفع كل الفلوس اللي معاك في عربيه اول عربيه ليك هاتلك كرستاله او ﻻنوس لما هتبعها ب3 السنين يبقي ماخسرتش كتير وتبقي تفكر بقي فيىالعربيه الدايمه

طيب ممكن أعرف وجهة نظر حضرتك في ليه بلاش لو هي أول عربيه ليا ؟

[yousefsemsem]

ديه وجه نظري ممكن حضرتك ماتعملش بيها لكن خد علي العربيات الاول وبعدين الجين تو من العربيات اللي تجاب تقعد معاك لغايه لما تتمتع بيها وبعدين تبيع ولو جبت عربيه زيها وفي دماغك تبيعها بعد المده المحدده هتزعل لو خسرت مثلا 10 او 15 الف فنظريتي انك لو في دماغك تبيع وهتجيب تاني هات حاجه ماتخسركش اكتر من 5000

[mostafeno333]

ديه وجه نظري ممكن حضرتك ماتعملش بيها لكن خد علي العربيات الاول وبعدين الجين تو من العربيات اللي تجاب تقعد معاك لغايه لما تتمتع بيها وبعدين تبيع ولو جبت عربيه زيها وفي دماغك تبيعها بعد المده المحدده هتزعل لو خسرت مثلا 10 او 15 الف فنظريتي انك لو في دماغك تبيع وهتجيب تاني هات حاجه ماتخسركش اكتر من 5000

تمام ياباشا شكرا جدا