القول الفصل (اخلينى مع الصيانة الدورية والضمان ولا لا)

[shshtawy]

انا مفروض فاضلى 500 كيلو اغير زيت وخلاص داخل على صيانة ال 5000
ناس كتير بتقول خليك فى الضمان والصيانة الدورية فى التوكيل المراكز المعتمدة ولكن لماذا ؟
انا مش عارف ايه الى بيقدمة التوكيل غير دفع فلوس كتييييييييييييير دون مقابل
كل الى بيغير حاجة داخل التوكيل بيقولك ثمنها وبيقول هو دفع اد اية معنى كدا ان كل قطعة بيغيرها التوكيل بتتغير على حساب العميل .......طيب اية الى بيقدمة التوكيل علشان يشجعنى انى ادفع فلوس كتير وخلينى فى الضمان ومخروجش اعمل الصيانة برة
عاوز حد يفهمنى لان الموضوع دا عملى قلق وانا بصراحة بستحرم الفلوس الاوفر الى بتتدفع على الارض فى الحاجات دى ياعنى لو الواحد يطلعها لله افضل من التوكيل
فياريت لو حد عنده تفاصيل عن ايه مزايا التوكيل اية الى بيتغير فى التوكيل وضمانة كام الف كيلو لان ناس تقولك غيرت الطنابير فى التوكيل وبكذا .وناس تقول غيرت التيل وبكذا فانا مش عارف مايمكن اى حاجة عند تبوظ واجى اغيرها يقولى دى برة الضمان يبقى انا لو فرة ثمن الضمان وفلوس الضمان وخلتها على جنب هتبقى هية هية فلوس التوكيل بمعنى
لو حسبت فرق الصيانات الدورية داخل التوكيل - الصيانات الدورية خارج التوكيل هلاقى فرق فى كل صيانة 300 جنية انا لو حطيتهم على جنب مع كل صيانة خارج التوكيل هلاقى فى الاخر معايا مبلغ محترم اعمل بيه الى انا عاوزة فى العربية داخل التوكيل او اى مركز صيانة تانى
فابصراحة مش فاهم وعارف ان حضرتكم جربتوا وعشيتوا الى انا هعيشوا
فنصيحكم انا بمشى عليها
اعمل اية ؟

[asas2]

كفاية انك لو عملت صيانتك برة التوكيل اى عيب هيحصل فى العربية أو قطعة غيار جاية عيب مصنع اصلا .. حضرتك هتشيلها مش التوكيل .. ولغاية ٦٠٠٠٠ كيلو الكلام دة سارى .. ومفيش حاجة بتعملها على حسابك غير الصيانات وتغيير التيل .. الطنابير بعد ٣٠٠٠٠ ألف كيلو ..
شخصيا أنا معلمتش أى صيانة خارج التوكيل والأسبوع الجاى صيانة ال٤٠٠٠٠ ان شاء الله .. والحمد لله مشفتش منهم أى حاجة وحشة غير السعر العالى شوية ..

[tutankhamoun]

التوكيل بيضمن الصيانة اللي بيعمهالك ده بالنسبة للصيانة نفسها

بالنسبة للضمان هايسقط لو أنت عملت صيانة برة التوكيل .
هاتعرف قيمة الضمان و قيمة الفلوس لو لا قدر الله أحتجت حاجة في الضمان و لقيت ثمنها غالي .

=====

أنا خرجت برة الضمان و مازالت بعمل الصيانة في التوكيل .

لو عملوا غلطة بيتحملوها

و بعدين أنت بتدفع أيه زيادة ؟
لو مثلا على المصنعية فيها مثلا 50 % زيادة عن الميكانيكي بس فيها المميزات اللي قلتلك عليها فوق .
في قطع الغيار اللي بيتم تغييرها .... الأسعار متقاربة جدا مع برة مع الفرق أن قطع غيار التوكيل كلها أصلية .

ربنا يكرمك و يوفقك .
بس بلاش تخرج خارج الضمان على الأقل صيانات مع التوكيل لغاية ما تخلص الضمان و بعدين أعمل اللي أنت عايزه .

[tutankhamoun]

أنت بتعمل صيانة كل 5000 كم ليه ؟؟
خليها كل 10 الاف كم أوفر و أحسن .

فيه حاجات استهلاكية زي التيل ضمانها قليل ...

[shshtawy]

أنت بتعمل صيانة كل 5000 كم ليه ؟؟
خليها كل 10 الاف كم أوفر و أحسن .

فيه حاجات استهلاكية زي التيل ضمانها قليل ...

مهو يااستاذ توت كل الناس بتقول ان عصام صفا معندوش زيت 10000
الى عندة 5000 بس

[tutankhamoun]

يا باشا عادي
غير زيت 5000 توتال بتاع التوكيل عنده و اعمل الصيانة عادي
و المرة اللي بعدها
أبقى غير زيت توتال برضه 5000 في البنزينة و معاه الفلتر ... مش لازم تروح الصيانة كل 5 كم و تتكلف لو أنت التكلفة فارقة معاك .

أنا بعمل صيانتي كل 10 الاف كم ... و عمري في حياتي من 2007 لغاية دلوقتي ما رحت عملتها كل 5000 خالص (بس أنا مش بعمل كيلومتر كتير على فكرة !!

[shshtawy]

يا باشا عادي
غير زيت 5000 توتال بتاع التوكيل عنده و اعمل الصيانة عادي
و المرة اللي بعدها
أبقى غير زيت توتال برضه 5000 في البنزينة و معاه الفلتر ... مش لازم تروح الصيانة كل 5 كم و تتكلف لو أنت التكلفة فارقة معاك .

أنا بعمل صيانتي كل 10 الاف كم ... و عمري في حياتي من 2007 لغاية دلوقتي ما رحت عملتها كل 5000 خالص (بس أنا مش بعمل كيلومتر كتير على فكرة !!

مهو المشكلة يااستاذ توت انى مش ببقى فاضى الفترة الجاية نهائى دا اولا
ثانيا : لو انا غيرت زيت برة يبقى زى منا كنت بقول فوق هتلع برة الضمان وحضرتك منصحتنيش بكدا

[tutankhamoun]

مهو المشكلة يااستاذ توت انى مش ببقى فاضى الفترة الجاية نهائى دا اولا
ثانيا : لو انا غيرت زيت برة يبقى زى منا كنت بقول فوق هتلع برة الضمان وحضرتك منصحتنيش بكدا

يا باشا أعمل صيانة العشرة الاف في التوكيل أو عصام و صفا

أنما تغيير الزيت كل في النص (ما بين صيانتين مش هايخرجك برة الضمان ) بشرط تغير نفس نوع الزيت اللي التوكيل بيحطه , يعني مينفعش التوكيل بيحط توتال ....... و أنت تروح تحط مثلا شل و بعدين ترجع تحط توتال و هكذا .

تثبت على نوع واحد , اللي هو بتاع التوكيل (توتال ) لغاية ما الضمان يخلص على الأقل .
بالنسبة لموضوع الوقت ........ دي حاجة خاصة بك (و أنا زيك بقالي شهر عايز أروح أعمل صيانة و مش عارف !!)

[shshtawy]

يا باشا أعمل صيانة العشرة الاف في التوكيل أو عصام و صفا

أنما تغيير الزيت كل في النص (ما بين صيانتين مش هايخرجك برة الضمان ) بشرط تغير نفس نوع الزيت اللي التوكيل بيحطه , يعني مينفعش التوكيل بيحط توتال ....... و أنت تروح تحط مثلا شل و بعدين ترجع تحط توتال و هكذا .

تثبت على نوع واحد , اللي هو بتاع التوكيل (توتال ) لغاية ما الضمان يخلص على الأقل .
بالنسبة لموضوع الوقت ........ دي حاجة خاصة بك (و أنا زيك بقالي شهر عايز أروح أعمل صيانة و مش عارف !!)

ياعنى لو عملت صيانة 10 والعشرين فى التوكيل وغيرت انا زيت وفلتر برة مش هخرج برة الضمان . دا اكيد يااستاذ توت
اقولك انا هغير المرة دى فى عصام صفا وبعدين هسئل هناك واعرف بالضبط ولو كلام حضرتك زى كلمهم يبقى تمام جدا واهو الواحد يستريح من المشوار شوية وفرق الفلوس بردة اعتقد فى فرق فى الغيار حوالى 150 جنية

[a_samy]

أنا جربت الصيانات فى أبو رواش وأتسرقت!!!
وجربتها فى عصام وصفا وكان غااااالى جداااا وبيبالغ فى المصنعيه ده غير اليوم اللى بيضيع وأنت هناك.
جربتها أغير الزيت عند ميكانيكى بره التوكيل وعملت حاجات تانيه بسيطه وغيرت الرادياتير وكل ده بره التوكيل وبأسعار أقل بكتير.
طالما أنك بتجيب قطع غيار أصليه وواقف على الشغل اللى بيتعمل فى العربيه أعتقد ان يبقى أحسن من التوكيل.

[ahmedfathi]

يا باشا عادي
غير زيت 5000 توتال بتاع التوكيل عنده و اعمل الصيانة عادي
و المرة اللي بعدها
أبقى غير زيت توتال برضه 5000 في البنزينة و معاه الفلتر ... مش لازم تروح الصيانة كل 5 كم و تتكلف لو أنت التكلفة فارقة معاك .

أنا بعمل صيانتي كل 10 الاف كم ... و عمري في حياتي من 2007 لغاية دلوقتي ما رحت عملتها كل 5000 خالص (بس أنا مش بعمل كيلومتر كتير على فكرة !!

حضرتك بعد ما خرجت من الضمان بتحط زيت ايه دلوقتى ؟؟؟؟

[Al-Farooq]

انا مع رأي توت باشا ، إذا لا قدر الله حصل حاجة واحتاجت للضمان خصوصاً للموتور او الفتيس مش هيبقي موقف حلو.
عن نفسي انا برة الضمان اصلا لأن استهلاكى للعربية خفيف ومش بحتاجها كثير وهما بيعلموه صيانات بالوقت او بالكيلو ايهما اقرب ولما احتجت اغير حاجة بسيطة ضمان يعني "تراب خفيف فى الكشافات والكشافات المفروض تتغير ضمان" قالوا لازم اعمل صيانة كبيرة معملتهاش علشان يشتغل الضمان ، حاسس ان دة استغلال مش اكثر ، ومش عارف مهندس مين هناك بيقولي واحنا ايه اللى عرفنا انك هتشتري العربية وهتركنها! حاجة قلت ادب والواحد ملهوش فى العك والرغي الكثير قولت لهم مش مشكلة الضمان يقف ومضيت لهم اننا مش عاوز اعملها.

[D . a .\ AYMAN]

موضوع محير فعلا

أنا في عربيتي أنا السوزوكي فضلت مع التوكيل لغاية 20 ألف ... وبعدين حسيت زيك كدة إن الموضوع مش جايب همه وكل مرة أروح أغرم مبلغ وقدره بدون ما أحس إن العربية بيتعمل فيها حاجة اصلا غير اليوم اللى بيروح بالكامل عشان خاطر الصيانة ... فبقيت أروح لواحد برة كويس بس بعيد جدا أعمل عنده الصايانات البسيطة

وبعد كدة بقيت أعمل أنا الصيانات البسيطة دي بإيدي لما أكون فاضي

بس معرفش بقى هاعمل كدة برضه في البيرسونا ولا لأ

[D . a .\ AYMAN]

انا مع رأي توت باشا ، إذا لا قدر الله حصل حاجة واحتاجت للضمان خصوصاً للموتور او الفتيس مش هيبقي موقف حلو.
عن نفسي انا برة الضمان اصلا لأن استهلاكى للعربية خفيف ومش بحتاجها كثير وهما بيعلموه صيانات بالوقت او بالكيلو ايهما اقرب ولما احتجت اغير حاجة بسيطة ضمان يعني "تراب خفيف فى الكشافات والكشافات المفروض تتغير ضمان" قالوا لازم اعمل صيانة كبيرة معملتهاش علشان يشتغل الضمان ، حاسس ان دة استغلال مش اكثر ، ومش عارف مهندس مين هناك بيقولي واحنا ايه اللى عرفنا انك هتشتري العربية وهتركنها! حاجة قلت ادب والواحد ملهوش فى العك والرغي الكثير قولت لهم مش مشكلة الضمان يقف ومضيت لهم اننا مش عاوز اعملها.

ده أحد الأسباب اللى بتخليني أبعد عنهم ... الرغي الكتير بتاعهم كلهم بلا استثناء والمغالطة في كل حاجة ... يعني لما تحصل حاجة فعلية وتكون محتاج الضمان بتاعهم فعلا تلاقي بقة الحجج الواهية اشتغلت وأصل انت ما عملتش إيه ولا عملت إيه وده بيخرجك برة الضمان

أحد الأمثلة ..

.. أنا عندي المرايا بتاعة السواق كانت مراية عربية دريكسيون يمين وما كنتش باشوف منها كويس عشان لما باجيبها على الآخر ما كانتش بتجيب الشارع كله ورايا وكانت بتجيب نص العربية تقريبا وهي على الآخر ... بس ما كنتش واخد بالي إنها بتاعة عربية دريكسيون يمين .. لغاية ما وانا في التوكيل بعمل ضبط القنطرة عشان الحدفة اليمين الشهيرة لاقيت المهندس بيحاول يضبطها ومش عارف وهو اللى قالي كدة .. وكتبلي فعلا إنها محتاجة تتغير عشان هي مرايا عربية دريكسيون يمين

لغاية هنا زي الفل مش كدة !!! ...

وحسيت إني فعلا في توكيل كويس يهمه مصلحة العميل خصوصا إن دي كانت أول أروحلهم وإن كل الكلام اللى بيتقال عليهم إفتراء ... الراجل اكتشف العيب وقرر يغير من نفسه ومن غير ما أطلب حتى

بس بعد كدة لاقيت المهندس آمر مسك المهندس اللى كتبلي كدة في الورق ... بعيد طبعا وفي السر بس أنا كنت شايفهم وسامعهم من غير ما ياخد باله من غباؤه لأني كنت واقف وراهم بالصدفة ...

... ومسح بيه الأرض عشان إزاي يعمل حاجة زي من غير ما يرجعله وإن العميل أصلا ما طلبش تغييرها تقوم انت مغيرها من نفسك وان انت هاتتحمل المسئولية وتتخصم منك و ... و ... و ... ... الحاجة اللى غايظاني إن هم مش خسرانين حاجة أبدا من تغييرها بالعكس ده هايخدوا اللى كانت راكبة وهي جديدة سليمة ومدهونة ومافيهاش خربوش ... ويا إما هايرجعوها لبلدها ويحاسبوهم عليها يا إما هايلبسوها لعميل مش واخد باله ويحاسبوه عليها بالدهان كمان

لما يكون ده تصرف الكبير بتاعهم يبقى نستنى منهم إيه

[shshtawy]

يادكتور انا رحت اغير الزيت عند عصام صفا واستفسر على شوية حاجات
وسئلت اية الى ممكن الضمان يعلهولى وايه الى يجبرنى ويشجعنى انى اخلينى تبع الضمان
قلى ياعنى ممكن نشحنلك الفريون قبل 20 الف كيلو قلتلوة والتيل قلى مش عارف
فا مش عارف بصراحة ومش لاقى حاجة تشدنى للضمان وان شاء الله دى اخر صيانة معاهم