بروتون جين 2

[honda forever]

السلام عليكم ورحمة الله وبركاته
البروتوناويه الجامدين
أنا راكب هوندا بقالى حوالى 3 سنين وربنا كرمنى بقرشين زياده الحمد لله وبعت العربيه وكنت بفكر فى جين 2
طبعا العربيه مميزاتها كتير وأنا إخترت الجين 2 تحديدا لأنى بحب ثبات العربيه على الطريق
بس فى حاجات خنقتنى لما بدأت أقرا عنها شويه وإتفرجت على كام عربيه
1- مكان فتح الكابوت من على اليمين موضوع خانقنى جداااا (هل الموضوع ده ليه حل؟ يعنى ممكن بشكل أو بآخر يتنقل للناحيه الشمال؟) - متهيألى العيب ده متعالج من 2009 بس أعتقد مفيهاش مثبت سرعه ؟
2- التابلوه وتحديدا الدرج اللى مش موجود بس ممكن بالنسبالى أتجاهل العيب ده.
أخيرا عايز أشترى عربيه جين 2 فابريكه بره وجوه وإستعمال نضيف وكيلومتر قليل
محتاج اراءكم جدا وشكرا

[odod]

متابع جدا جدا
لانى نفس الوضع برده ...
ربنا يرزقنى ويرزقك

[tutankhamoun]

يا باشا ربنا يوفقك للخير بإذن الله تعالى .

بالنسبة لموضوع زرار الكبوت ... ملوش حل .... لازم تتأقلم معاه .

بالنسبة لصندوق التابلوه مش موجود برضه في موديلات ما قبل 2009 و مفيش غير رف .

موديلات الأوتوماتيك بس هي اللي فيها مثبت سرعة لغاية 2008 في الجين 2 .

تسارع المانوال أحسن في الموديلات القديمة دي من 2006 لغاية 2008 من الأوتوماتيك لو قارنته بالهوندا .
أقصد أن المانوال أحسنلك علشان أنت نازل من هوندا و هوندا بتاعة سحب حلو ما شاء الله .

بالنسبة لعربية حلوة دي بقى أنت و نصيبك و شطارتك و لازم تكشف على العربية في التوكيل كاملة و تشوف كتيب الصيانة و تتأكد أن صاحبها بيعمل صيانات بأستمرار علشان ترتاح بعد كدا
و الكلام ده لحضرتك و للأستاذ odod

ربنا يوفقكم للي فيه الخير ان شاء الله

[honda forever]

متابع جدا جدا
لانى نفس الوضع برده ...
ربنا يرزقنى ويرزقك

آمين يا رب.

يا باشا ربنا يوفقك للخير بإذن الله تعالى .

بالنسبة لموضوع زرار الكبوت ... ملوش حل .... لازم تتأقلم معاه .

بالنسبة لصندوق التابلوه مش موجود برضه في موديلات ما قبل 2009 و مفيش غير رف .

موديلات الأوتوماتيك بس هي اللي فيها مثبت سرعة لغاية 2008 في الجين 2 .

تسارع المانوال أحسن في الموديلات القديمة دي من 2006 لغاية 2008 من الأوتوماتيك لو قارنته بالهوندا .
أقصد أن المانوال أحسنلك علشان أنت نازل من هوندا و هوندا بتاعة سحب حلو ما شاء الله .

بالنسبة لعربية حلوة دي بقى أنت و نصيبك و شطارتك و لازم تكشف على العربية في التوكيل كاملة و تشوف كتيب الصيانة و تتأكد أن صاحبها بيعمل صيانات بأستمرار علشان ترتاح بعد كدا
و الكلام ده لحضرتك و للأستاذ odod

ربنا يوفقكم للي فيه الخير ان شاء الله

يا باشا ألف شكر للرد الشافى بس هل فى فرق ما بين موديلات 2006 : 2008؟
وإيه السبب فى وجود شداد الكبوت على اليمين ؟ بصراحه موضوع غلس جدااااااا

[tutankhamoun]

آمين يا رب.


يا باشا ألف شكر للرد الشافى بس هل فى فرق ما بين موديلات 2006 : 2008؟

العفو يا باشا

موديلات من 2006 لغاية 2008 زي بعض البظبط مفيش فرق.

التغيير في موديلات 2009 فيما فوق
فيه تعديل تم على الموتور في عملية انتظام دخول الهوا للحرق و ده عمل عزم أعلى على سرعات صغيرة يعني ما بين 2500 إلى 3500 لفة دقيقة
و العزم مازال هو هو على السرعات العالية للموتور .
و الموتور القديم أسمه كامبروا
و اللي بعده أسمه كامبروا أي أه اف ام campro iafm


وإيه السبب فى وجود شداد الكبوت على اليمين ؟ بصراحه موضوع غلس جدااااااا

السبب ان العربية أصلها دريسيكون يمين ........... و لما عملوا العربية دريسكيون شمال واضح أنهم نسيوا يغيروا مكان الشداد أو تجاهلوا تغيير مكانه

المهم تم تغييره من أول موديلات 2009

[drh777]

بروتون 2009 جين تو

جين تو 2009 كامله اعلى فئه فى المانيوال وعلى فكره شداد الكابوت والشنطه من على الشمال وفيها مثبت سرعه وفيها حساسات ركن وعربيه جامده جدا وثبته جدا على الطريق خصوصا مع السرعات العاليه انا عاوز ابيعها علشان هشترى جين تو اتوماتيك هى عامله 73 الف كيلو 1600 cc بطاريه جديده العربيه بجد حلوه اوى بس انا اتخنقت من المانيوال انا عاوز فيها 65 الف ده الاخر هى مرور المعادى والمعاينه فى المعادى اى استفسار 01203911136 ودى صوره ليها