رش اكصدمات جين تو

[michaelsamir]

ياجماعه حد رش الاكصدامات لعربية جين تو عند عصام صفا قبل كدا ؟؟ ممكن اعرف التكلفة بتكون كام تقريباُ لو رشيت الاكصدمين بس

[bondok20002002]

عموماً التكلفة بتكون بالقطعة والقطعة ب 250 جنيه

[michaelsamir]

عموماً التكلفة بتكون بالقطعة والقطعة ب 250 جنيه

يعني الاكصدامين حوالى 500 ج ؟؟ طب لو حبيت اعمل العتب عشان متجرح هايتحسب ازاي ؟ مش معقولة العتبة ب250 ج يعني !!!!!!

[Ahmed.Fahmy]

لو برا التوكيل طبعا مش بالقطعة والعتب والاكسدامين تجهيز ومعجون وسنفرة ورش فرن بالبوية تتكلف 200-300 جنيه حسب الحاله
500 جنيه دا لو نص عربية بسمكرة خفيفة عشان ما ينضحكش عليك بس

[michaelsamir]

لو برا التوكيل طبعا مش بالقطعة والعتب والاكسدامين تجهيز ومعجون وسنفرة ورش فرن بالبوية تتكلف 200-300 جنيه حسب الحاله
500 جنيه دا لو نص عربية بسمكرة خفيفة عشان ما ينضحكش عليك بس

تمام ياباشا بس انا كنت عايز ارشهم تبع التوكيل عشان يطلع الشغل نضيف ونفس درجة اللون لان لون العربية عندي مركب يعني درجة من درجات الفيراني الفاتح وميتاليك وخايف ارشة برة يطلع شكلهوم وحش وغير درجة العربية ، ولا حضرتك اية رأيك

[DESIGNER105]

التوكيل ضايع فى السمكرة والدوكو ... ده غير الوقت ..الجاجه الى تاخد يومين يتاخد اسبوعبن ..ايعد عن التوكيل ..لو تعرف وشه بره نضيفه هيكون افضل ..

[chahutpartout]

انا من حوالي 7 شهور رشيت بابين عند عصام صفا و اعتقد لون عربيتي هو لون عربيتك
الدهان جيد جدا و لايمكن تفرق اللون عن باقي العربية
الوقت اتأخروا حبة حلويين
السعر بالقطعه فعلا و القطعة 250 يعتبر غالي نسبيا
بالنسبة ليا التجربة ايجابية

[Ahmed.Fahmy]

تمام ياباشا بس انا كنت عايز ارشهم تبع التوكيل عشان يطلع الشغل نضيف ونفس درجة اللون لان لون العربية عندي مركب يعني درجة من درجات الفيراني الفاتح وميتاليك وخايف ارشة برة يطلع شكلهوم وحش وغير درجة العربية ، ولا حضرتك اية رأيك

اللون بالكمبيوتر بيكون نفس اللون بالظبط وبيختلف ظاهريا اول اسبوعين بالكتير وبعدين بيجرب من الشمس وبيكون نفس لون العربية بالضبط، رشها بره احسن وجيب البوية بالكمبيوتر ووفر الفرق، دى اكسدامات يعنى بتتجرح بسرعة جدا مش زى الصاج عاوز سمكرة وتجهيز محترف وهتطلع 10/10 لا تقلق

بالتوفيق