إشارة الإنتظار تعمل بنصف المجهود!!!

[a_samy]

السلام عليكم
إشارة الإنتظار فى العربيه بتشتغل فى الجمب اليمين فقط أما الإشارات فى الشمال لا تعمل!!
جربت أفك زرار الإنتظار اللى فى التابلوه وركبته تانى وأشتغل وتانى يوم رجع تانى يعمل بنص طاقته ايه الحل؟

[ابو لؤى]

راجعت على الفيوز

[a_samy]

معرفش مكانه فين أصلا.

[verna2008auto]

غالبا مشكله ( كتاوت ) ودي سهله ممكن تتحل عند اي كهربائي
بالتوفيق

[D . a .\ AYMAN]

طالما لعبت في الزرار واشتغلت شوية ورجعت تاني يبقى العيب غالبا من الزرار نفسه ... محتاج يتغير

[a_samy]

فرع العجوزه قالولى ان مسطرة الزراير كلها عاوزه تتغير وثمنها حوالى 450 جنيه ومش موجوده عندهم.

[the_civil_333]

انا هقولك تعمل ايه يا جميل
المشكله دي كانت عندي بالظبط
والمثل بيقول اسال مجرب وتسالش طبيب
في ناس هتقعد تهري وتقولك كتاوت وفيوز وهيتوهوك
وهو لا في كتاوت والا فيوز
اصلا الكتاوت دي بتعلي الكهربه وهو اصلا مفيش كهربه تعلي
ولو فيوز الاشارة اصلا مش هتشتغل
دي عيب في المشط بتاع الزرارير بتاع الاشارة
عشان وحدة التحكم بتاعت الاشارات فيه
انت تفك المشط بتاع الزراير وتوديه لي اي حد من بتوع الالكترونيات الا بيصلحو الرديوهات والتلفزيونات وكدة
وتقوله عدلي علي اللحمات
وهتلايها شغاله زي الفل
اوعه تروح التوكيل هيقول جديدة ب540 جنيه
وهتشتغل احسن من الجديدة

[a_samy]

انا هقولك تعمل ايه يا جميل
المشكله دي كانت عندي بالظبط
والمثل بيقول اسال مجرب وتسالش طبيب
في ناس هتقعد تهري وتقولك كتاوت وفيوز وهيتوهوك
وهو لا في كتاوت والا فيوز
اصلا الكتاوت دي بتعلي الكهربه وهو اصلا مفيش كهربه تعلي
ولو فيوز الاشارة اصلا مش هتشتغل
دي عيب في المشط بتاع الزرارير بتاع الاشارة
عشان وحدة التحكم بتاعت الاشارات فيه
انت تفك المشط بتاع الزراير وتوديه لي اي حد من بتوع الالكترونيات الا بيصلحو الرديوهات والتلفزيونات وكدة
وتقوله عدلي علي اللحمات
وهتلايها شغاله زي الفل
اوعه تروح التوكيل هيقول جديدة ب540 جنيه
وهتشتغل احسن من الجديدة

هو فعلا التوكيل قالى بحوالى 450 جنيه
عموما انا هجرب وابفى اقولكوا عملت ايه ان شاء الله.

[DESIGNER105]

هاتها استيراد ب250 جنيه ...بس ممكن تتصلح انا كان عندى الانتظار مش بيشتغل والاشارات بتشتغل ..روحت لواحد اسمو عمرو فى ارض الواء صلحهالى واشتغلت .....وفكك من التوكيل ده نهائى