فيه حد من طنطا ينفع يشتري معايا ويرا ؟

[A3SAR]

السلام عليكم
-----------
انا اخوكم ومن طنطا وعارف ان الويرا منتشره جدا في طنطا
وانا بصراحه بدور علي عربيه حلوة ونطيفه واخري في الفلوس 40 الف
بس عايز حد بيفهم في الويرا يرشحلي عربيه او يروح يشوف معايا العربيه وانا بشتريها
لاني عارف ان الطنطاويه خبراء في الويرا لانها انتشرت هنا مره واحده
وياريت لو معلومات عن مين بيبع قطع غيارها هنا ؟؟
شكرا

[yousefsemsem]

اهلا بيك ياباشا ونورتنا في المنتدي
بالنسبه للعربيه ممتازه وطبعا حضرتك بتشوف كميه البروتون اللي في طنطا
لو قدامك حاجه وعاوزني اجي معاك نتفرج عليها مافيش ادني مشكله لو عاوز عربيه في قدامي واحده من طنطا سمرا 2004 كامله مانول 1300 وفي حدود الفلوس اللي مع حضرتك وفي واحده من لقاهره ممتازه برضه 1500

[A3SAR]

انا كلمت واحد انهارده بس كان في المنصوره في عزا وقالي كلمني بليل
المهم كلمته بس مردش عليا
وفيه واحد تاني بس ناحيه المعاهده والمشوار طويل ومروحتش بصراحه
بس لو معندكش مانع ياريت تبعتلي تليفونك علي الخاص واكلمك ونتعرف ونتقابل نشوف العربيه اللى بتقول عليها
وربنا يسهل ان شاء الله
ومتشكر اوى لزوقك وسرعه ردك :)

[A3SAR]

ع فكره انا لاحظت ان اسعار المستعمل في طنطا بالذات اغلي دايما من القاهره
او الناس اللى علي النت بتكتب اغلي من اللى عايزينه عشان الفصال
عموما انا منتظر ردك وربنا يسهل ان شاء الله

[yousefsemsem]

العربيه اللي في المعاده ده حبيبي والعربيه نضيفه هي ديه اللي بقولك عليها اما اللي في القاهر انصف كمان

[A3SAR]

طيب تمام كده
طالما انت عارف العربيه اللى في المعاهده قولي حالتها ايه
ومتنساش تبعتلي رقمك واروح معاك اشوف عربيه صاحبك دي
-------
وبالنسبه للي في القاهره مطلوب فيها كام وحالتها ايه
شكرا يا باشا ومعلش لو تقلت عليك :)

[yousefsemsem]

رقمي 01277903315 حالته العربيه تماماوي عفشه ومكنه وكل حاجه فبريكه ماعادا بره محزمه هي عاوزة اكصدام ورا بس

[Acc_HanyMusa]

ربنا يوفقك ان شاء الله فى الشراء
العربيه الى فى المعاهده فعلا نضيفه زى ما استاذ يوسف وضحلك
ومتقلقش منها فى اى حاجه وقطع غيارها انتشرت حاليا فى طنطا ومن افضل الناس الى تتعامل معاهم فى قطع الغيار سرور الى فى اخر حسن رضوان حاجته نضيفه وفيه ناس تانيه كتير ولو احتاجت اى حاجه خلال فترة الشراء او بعد الشراء تحت امرك
والمبلغ الى معاك ده يجيبلك حاجه محترمه او لو زادت هتكون حاجه بسيطه فى حدود الف او اتنين
وهى فعلا انتشرت جامد فى طنطا وهتنتشر اكتر انت عارف ان الطنطاويه بيقدرو الحاجات المحترمه والعربيه دى فعلا هتريحك جامد
وموفق فى الشراء بامر الله