بالله عليكم افيدوني في ويرا 2005 عاوز اشتريها

[alpoka779]

هي سعرها 35000 وحاله جيده جدا وكامله -- السوال عن قطع الغيار هل متوفره بكثره ولا هتعب فيه --2- الصانه سهله يعني اي ميكانيكي يشتغل فيها -- قوة التحمل تستحمل سفر كتير -- بس انا هحط فيها كل ما املك بالله عليكم - انا من القاهره

[yousefsemsem]

يابتشا كده سعرها ببلاش توكل علي الله انت هتركب لانسر ياباني مش بروتون

[alpoka779]

اولا اشكرك علي الرد --طب بالنسبه لقطع غيارها اخبارها ايه واسعارها ايه وهي ولا لانوس 2000

[yousefsemsem]

لو بتقارن بين عربيتين يبقي الويرا لو بتقارن بين قطع الغيار يبقي الانوس لكن الويرا اكنك راكب لانسر ياباني مش فارقه حاجه هي هي العربيه وقطع الغيار بالنسبه للي في القاهره متوفره عادي جدا وقطع غيارها معرمة

[alpoka779]

لا مش مهم سعرها عالي شويه المهم موجوده العربيه متقفش علي قطعه غيار -- ومحبه بقي لوتعرف كام تاجر قطع غيار في القاهره اديني تليفوناتهم وشكرا جزيلا لحضرتك

[yousefsemsem]

قطع غيارها متوفرة وفي بديل للعفشه والمكنه لانسر والمكته كمان اكسيل
اما بقي تليفونات وعنواين الناس في هنا في المنتدر ارقامهم واياميهم وعنواينهم ادخل عليهم وشوف الدنيا فيها ايه

[alpoka779]

ربنا ييسر ان شاء الله ويكون ليا نصيب فيها انت حببتني في البروتون -

[Acc_HanyMusa]

متقلقش خالص من قطع غيارها حاجتها متوفره مش زى ما الناس متخيله مش هتندم خالص على اختيارك للعربيه دى لو بتقارن بينها وبين لانوس 2000 كعربيه فعلا البروتون برقبتها
والسعر ده لقطه بس لو العربيه حالتها نضيفه اتاكد منها كويس لان السعر ده يقلق شويه